Yohanes 10:21 - ALLAH ANE WENW KET MEKE WAROGO WOKNINAKHIKHE WENE

²¹ Itithogon isukha meke re, it hetnake nen, men isukha, “Dek o. Akhuni mokat obabut weak meke inakla ukiluk, wene itithogon egarek dek o! Mokat obabut weak meke nen inileken puk meke erlok hano hagarinabusak apegep? Motok erlok dek o,” iluk isukha.

Yohanes 10:21 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Yohanes 10:22

Itithogon isukhasik oba nen, it akhuni Yahudi meke inakla nen, “O Yerusalem Allah ai halek meke yabokane hanorogon karelhugu etnogo,” iluk inakla eberek dogolik pesta isakharek oba arat horok asi ageikhe. Itinem, o weak welageikhe.

Yohanes 9:6

iluk itithogon arat yogeisasikhesik nen, wosi suphogon agat oba 'bisikhesik nen, iki nen agat inom 'bisi negen hagarogo nen ap etnogo ileken oba dabuldisikhe.