Yohanes 10:16 - ALLAH ANE WENW KET MEKE WAROGO WOKNINAKHIKHE WENE

¹⁶ Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

Yohanes 10:16 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Lukas 15:8

Itithogon yogeisasikhesik nen, wene ageikhe men yogeisasikhe. “He ageikhe uang sen meke ebe 10 hago werekma opakiat ageikhe nalaga halok he, here'isigidek isagal yibatdiluk, umake amumuleke motok ula'iluk karelhe dogolik, arat herakhekherek etnogo dek?

Yohanes 10:11

Domba ite werek dogolik therisik welagarek meke, nobabut hano, nebe anat o. Domba iteerek dogolik therisik welageikharek meke, obabut hano meke nen, domba irlirli waganogo watlasigin iluk akla apekherek.

Yohanes 10:2

Nen, tha nen, holagapemake ukekhe halok he, at iti domba iteerek dogolik therogo welagarek mekeat o.

Yohanes 10:27

Hit hinakla itithogon apegethep mekeat he, it aperek an nadomba meke halok, nane inasuk holharethek, it nen an nebe it inilu nogo nen, noporlik wageikharek o.

Yohanes 10:3

At domba iteerek dogolik therogo welagarek meke iti, ebe waga halok, at ageikhe domba aila holagape palekma thuam welagarek meke nen thu hualdisinem, at domba iteerek etnogo nen ane hageisasinem, it domba nen, at ane inasuk holharethekma nogo nen, inetaga dopok waisalok, wogosik itikmanke dukhekherek o.

Yohanes 10:4

Wogosik dukhekherethek nen, at ebe alebageik laga korlek, ako domba emenogo, at ane inilumo nogo nen, at oporligat lageikharek o.

Yohanes 10:5

Itithogon hano lageikharek mekeat, it ap ninat meke inane ugunem, it domba nen, it inane inokodekma nen, inoporlik lageidek lo lageikharek o,” iluk,

Yohanes 11:52

Meke re, it akhuni Yahudi meke inobasik anek isikhe 'buk. Akhuni tha'bokhogonat Allah a'buri meke o yi ai ti ai lo lagoukhasik welageikharek meke inom dapukhogon 'bisagaluk, Yesus watlasigin meke hasik isikhe.

Yohanes 17:20

Nopase. It iti inarligat hasik anek sembayan ekhe lagei 'buk. Dek o. It aperek ninat meke, it nen wene yakulisa lugun oba inetaiken an noba hakotdugun meke inomat inobasik sembayan ekhe lagei o.

Yohanes 6:37

Meke re, an pogot oba nen usa'agagi iti, an nekaerek nakla nen kagalogo hagasigiluk usa'agagi 'buk. At la'ani ageikhe meke akla apekherek meke itiat mothogon hagasigiluk usa'agagi iti nen he, akhuni an nopase nen woknekherek meke inebe tomok noba wagunem, an nen, Hit an noba wisusak dek, iluk wenageisagein motok dek o.

La'isasikhe 15:14

Allah nen it akhuni itikmanke meke inoba ebetluk nen, men isikhe, It aperek an na'buri asuagaluk woginabigin o, iluk woginakhikhe meke hasik, at Simon nen yoknisekhe iti.

La'isasikhe 22:14

Hasinem, at nen, At Allah ninopa lak nen ebe hogorakhe lagoukha meke etnogo nen, at akla apekherek meke hilu ageik, at a'but obabut mot meke Yesus iti hileken higik, at ane ape baga nen isinem hasuk holhik, hagatnok nen iluk, hebe wenakhekhesik hayoko 'bekhe iti.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

2 Tesalonika 2:13

Nagarlak lak nerugi. Hinebe ninoe Etagapogot nen akmu werek o. Erlo baga Allah nen hinebe tilhinabigiluk wenakhinakhikhemo, hit nen ebe wene iti eberogonat iluk waganhik, nen, hinebe Allah Agoreke nen Allah ekaerek hasik 'bakhalok karelogo 'bisigik, hagakhe dogogun iti baga tilhinabigin iti nen, nit Allah heagei wasusak tak-tagat, hit hinobasik heagei wakho motok welago o.

Ibrani 13:20

Ninopase Allah dapulogo 'binanherek meke etnogo nen, ninoe Etagapogot Yesus watlageikhesikmo nen ebe ilugutdisikhe. At ebe amep ulabogo wakhukha iti baga, Allah nen nit ninom hunisuogoluk wene motok dogogin meke warogo wokninakhikhesik, nit tha'bokhogonat Yesus nen ako domba negen thetnisik dogoagaluk ebe kogat meldisikhe iti.

1 Petrus 2:10

Hit alebat, Allah hinom huni welageidek mekeat he, yogotak hinebe Allah a'buri agap o. Nen alebat, hit nen, “Allah ninebe akmu werek,” iluk hinokodek welagagip mekeat he, yogotak, “Ninebe Allah akmu nen wokninakhikhemo welago,” iluk hinilu agap o.

1 Petrus 2:25

Hit alebat, domba holak nuk asi lagarek iti hak, nuk asi laga lagagip mekeat he, yogotak at Allah nen, ap hinebe hakhisik dogolik thethisik welagarek meke oba hinapuke wokhisik 'binagei agama welagap o.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.