Yohanes 1:45 - ALLAH ANE WENW KET MEKE WAROGO WOKNINAKHIKHE WENE

⁴⁵ Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,

Yohanes 1:45 ပူးပေါင်းရင်းမြစ်များ

Matius 10:3

Filipus Bartolomeus ipisak inom, Tomas Matius pemerintah hasik uang kino ilik waganhe lageikhe meke etnogo ipisak inom, Alfeus a'but Yakub Tadeus ipisak inom,

Matius 13:55

Ap yi, ap o halherek meke etnogo a'but dek? Nen, agosa etaga Maria etnogo dek? Nen, agarumi oporlik meke, Yakobus inom, Yusuf inom, Simon inom, Yudas inom, emenogo dek?

Matius 2:23

Wageikhesik nen, o ukul etaga Nazaret iti uki ageikhesik, etomaat huk ageikhe. Itithogon hagakhikhe iti, it ap Allah ane yogeisekhe lagoukha meke nen ekhe dogolik, “At ap etnogo ai Nazaret meke ugun o,” iluk isukha tak-tagat hagatlageikhe iti o.

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Markus 14:67

Wageikhesik, Petrus etnogo hetumo thogei isakhasinem lakhasikhesik, ileken oba durlu ageikhesik men yogokhikhe, “Hat meneke Yesus ai o Nazaret meke etnogo hinom nekhe lagap meke apigi,” iluk yogokhikhe.

Markus 6:3

At ebe he Maria eak o halherek meke etnogo dek? Agarumi oporlik meke, Yakobus men, Yoses men, Yudas men, Simon men, apigi. Nen, erugi nit ninom welago yoma dek?” iluk inakla meanetdisukhasik kolelogo thogotdisukha.

Lukas 18:37

Hinok waganhikhemo, it akhuni nen, men yogokhukha, “Dek o. Yesus ai Nazaret meke etnogo holak yike wiriogo nen iliogei o,” iluk yogokhukhama,

Lukas 2:4

Nen, at Yusuf meneke, Daud opa meke nogo nen, o Galilea eloke ukul etaga Nazaret iti nen, o Yudea ap Daud itaklageikhemo, o ukul etaga Betlehem usagaluk, at Maria ipisak wene warek welagoukha etnogo eak akma werekma, ipisagat inetaga holal waganuagaluk usasukha.

Lukas 2:48

Itithogon hogorakhunem, it at agosa opase ipisak nen ebe arat herakhukhasik nen, “Nayuk o!” iluk hogorakhukhasik, at agosa nen, “Neak, hat yigithogon hagatninakhen nenaluk. Hopase nipisak ninobakha palatluk herakhabik nekhe lago yi hileken nisan o,” iluk itithogon yogokhikhemo

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

Lukas 3:23

At Yesus ebe umur 30 tahun ageihesik nen, yi meke ti meke hagarik nekhe dogeigiluk iki arat hakhasikhe. Nen, at ebe it akhuni nen, Yusuf a'but iluk apasukha. Nen, Yusuf iti, Eli a'but.

Lukas 4:22

it akhuni emenogo nen men isukha, “At yi ap Yusuf a'but etnogo dek a? Arat o. Mekeat he, at nen wene hano motok yakulnisekhe iti nayuk o,” iluk hogorakhukha.

Yohanes 1:44

At Filipus iti, Andreas Petrus ipisak inom inai ukul o Betsaida opakimo meke.

Yohanes 12:21

It ap iti wagoukhasik nen, ap Filipus ai o Galilea eloke ukul etaga Betsaida meke usa'ageikhesik werekma, oba wagoukhasik men yogeisasikhe, “Noe. Nit Yesus oba wisusak warlok nen wago o,” iluk isukhama,

Yohanes 14:8

at Filipus nen, men yogokhikhe, “Noe. Ninileken halok ninetaiken hapukhogon dogoagaluk, hat hopase iti ebe yakulnisan o,” iluk yogokhikhemo,

Yohanes 18:5

it nen, “Yesus ai Nazaret meke etnaga herarik wago o,” iluk yogokhukhama, at Yesus nen, “Iti nebe anat o,” iluk yogeisasikhe. Itithogon isi korlek at Yudas Yesus wasuagaluk yoko lageikhe meke etnogo inalilu metek welageikhe.

Yohanes 18:7

Itithogon laga korlek, at Yesus nen yabokane ageikhe inom men yogeisasikhe, “Hit tha herarik wagap,” iluk yogeisasikhemo, it nen, “Yesus ai Nazaret meke etnaga herarik wago o,” iluk yogokhukhama,

Yohanes 19:19

Itithogon meldisasukhama, at Pilatus nen, holal men iluk waganhikhe, “YESUS AI O NAZARET MEKE AKHUNI YAHUDI MEKE INOE KOK ETAGAPOGOT,” iluk holal waganogo wogeisasikhemo, o Yesus meldisukha etnogo ilugunmo upu baga tetnokhogon 'bisukha.

Yohanes 21:2

Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

Yohanes 6:42

“At yi etaga Yesus, ap Yusuf a'but. Nen, at opase agosa ninilu mekeat, at nen ekhe dogolik, An nebe pogot oba nen usa'agagi, iluk ekhe iti nikithogon nen ekhe apegep,” iluk isukhama,

Yohanes 6:5

Itithogon hurek lagoukhasik, at Yesus ileken aliluke lageisasikhe hak, akhuni doalegat natogosi agunem ileken lageisalok, Filipus men yogokhikhe, “Filipus. Akhuni doalegat ethoma hipiri noak nen, o koma meke oko palisa luok o,” iluk yogokhikhe.

Yohanes 6:7

Itithogon yogosigin apasikhe, at Filipus nen, men yogokhikhe. “Akhuni nen yabu iniki opakiat hasik hagakhunem iniki oko uang perak wogeisegarek iti meke nit nen 200 oba hipiri roti meke oko palisa laumo, akhuni yoma, 'bugurlak 'bugurlak eken waganhigik erlok nausak a? Erlok dek o,” iluk isikhemo

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

La'isasikhe 22:8

Itithogon yoknikhikhemo, an nen, Eiye. Noe. Hat tha, iluk yogokhigimo, at nen, An Yesus, nai Nazaret meke, yi aik ti aik hagatnabigiluk muknarik nekhe lagan meke etnogoat o, iluk yoknikhikhe.

La'isasikhe 26:9

“An alep nen, Yesus ai Nazaret meke etaga iti dek asuagaluk yi meke hagakhik, ti meke hagakhik, hagakhe dogoginat o, iluk nakla apasigi.

La'isasikhe 3:6

Ileken inoba werekma, at Petrus nen men yogokhikhe, “Uang emas men, perak men, an nikimo motok dek o. Meke re, an werek meke ageikhe wokhesigin. Iti re, hebe melatluk nen holak laga dogonogoluk, Yesus Kristus ai Nazaret meke etaga palogo yikhikhi,” iluk yogokhikhe.