Yohanes 1:42 - ALLAH ANE WENW KET MEKE WAROGO WOKNINAKHIKHE WENE

⁴² Itithogon yogokhikhesik Yesus oba wolok wageikhemo, at Yesus ileken at oba lakhasikhesik nen, men yogokhikhe, “Simon Yohanes a'but yi, nagot. Hat hetaga Kepas ekhe dogoagaluk thalhakhi o,” iluk yogokhikhe. Itithogon yogokhikhe iti, nit yoma ninane baga etaga helekit u hak, it Yunani inane baga Petrus egarek hak, Ibrani inane baga etaga Kepas iluk thalhikhe iti.

Yohanes 1:42 ပူးပေါင်းရင်းမြစ်များ

Matius 10:2

Ap inebe 12 oba iti, inetaga yi: ebekeram, Simon etaga ageikhe Petrus ekhe lagoukha etnogo agot Andreas ipisak inom, Zebedeus a'but Yakobus etnogo agot Yohanes ipisak inom,

Markus 3:16

Inebe 12 nen meldisasikhe meke emenogo, inetaga yi: Simon etaga ageikhe Petrus thalhikhe meke etnogo men,

Lukas 5:8

Itithogon hagasigin apasikhe, at Simon etnogo Yesus elokhoma itibagal yukukhogon usasikhesik nen, “Noe! An weak hagakherek meke yi, yoma thogotdaniluk lan o,” iluk yogokhikhe.

Lukas 6:14

Ap inayoko 'bisasikhe eta inetaga Simon etaga ageikhe Petrus thalhikhe meke etnogo men, agot etaga Andreas men, Yakobus men, Yohanes men, Filipus men, Bartolomeus men,

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 21:2

Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

Yohanes 4:16

Itithogon yogosigin apasikhe at Yesus nen, men yogokhikhe, “Hat hagun hipisak yoma wisubageik nen, waesi lan o,” iluk yogokhikhe.

1 Korintus 1:12

Wene ebe, men ekhe lagap iti hasik igi. Hat ageikhe nen, “An Paulus meke,” isinem, hat ageikhe nen, “An Apolos meke,” igik, hat ageikhe nen, “An Kepas meke,” igik, hat ageikhe nen, “An Kristus meke,” igik, hinane asokhotek tomok ekhe lagap iti nen igi o.

1 Korintus 15:5

Ilugutdisikhemo, at Kepas ileken hoagaluk elokhoma wisam ageikhe. Oporlik he, it inebe 12 emenogo inileken hoagaluk inelokhoma wisam ageikheat.

1 Korintus 9:5

Nen, it ap aperek Allah nen inayoko 'biluk la'isa ageikhe meke inom, ninoe Etagapogot agarumi oporlik meke inom, at Kepas inom, inagugi wogosik liliogei iti hak, an anek he, nage Allah a'but meke wolok nekhe dogosak dek nogo a?

Galatia 1:18

Wagagisik, 3 tahun welagagisik nen, yabokane Petrus etonogo ebe nilurogo iluk, oba o Yerusalem dageisigi. Dageisigisik nen, at aila niki 15 hari nen nipisak etoma welagagu.

Galatia 2:11

Meke re, at Petrus o Antiokhia wageikhesik korlo hagakhe lageikhemo, an nen, “Hat hagakhe lagan iti weak o,” iluk, pakhogonat wenagakhigi.

Galatia 2:9

Itithogon hutdinanhukhasik nen, it Yakobus men, Petrus men, Yohanes men, Allah a'buri nen, “Nit ninougi it werek,” iluk egarek meke nen, “Hit nen, wene akhuni itikmanke meke yogeisilik lano. Nen, nit nen akhuni Yahudi meke inobasik yogeisilik lugun. Ninom tak-tak hagakhe dogouok,” iluk nen, Barnabas nipisak niniki hak-hak heagei watninakhukha.