Yohanes 1:34 - ALLAH ANE WENW KET MEKE WAROGO WOKNINAKHIKHE WENE

³⁴ at ebe an nileken hutukhogo higirik nen hutdigi o. Itithogon hutdigirik, at iti Allah a'but eberogonat o, iluk, abok hit pakhogo yokhisekhe lagei yi,” iluk yogeisasikhe.

Yohanes 1:34 ပူးပေါင်းရင်းမြစ်များ

Matius 11:27

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat iteerek dogoagaluk woknikhikhe. Nen, an Allah a'but yi, akhuni tha'bokhogonat motok inokodek mekeat he, nopase Allah arligat anek ilu welagarek. Iti hagat, an nopase Allah iti akhuni tha'bokhogonat motok inokodek mekeat he, a'but an narligat anek nilu welagarek o. Nen, Allah a'but an nenat nakla apalok nen nopase ebe akhuni aperek inilu asuagaluk pakhogon yogeisegerek meke itiat inilu ageikharek.

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Matius 27:40

“Wi! Hat nen, men isigin apigi, Allah ai halek iti misalogo 'biluk niki pere baga halhe dogoluk niki ageikhe baga yi nen arat tirliphogo haligin, iluk isigin etnogo re, hebe Allah a'but halok he, o ithi baga nen hekaerek nen tilogo usa me ta!” iluk yogokhukha.

Matius 27:43

Etaiken Allah oba hakotdiluk dogolik, An Allah a'but o, iluk ekhe laga etnogo re, at Allah nenat tiligin apekhe halok he, tilinegat o,” iluk isukha.

Matius 27:54

Nen, ap tentara meke inoe kok inom, agarumi aperek Yesus thuam welagoukha meke emenogo inom, dugul luk-lagathigik, yi meke ti meke hagatlageik, hagakhikhe emenogo inileken hasukhasik nen, inayuk motok ageikhesik, “Ap yi re, Allah a'but eberogonat higi o,” iluk isukha.

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Matius 4:3

Itithogon hipiri abu motok werekma, at Iblis inakla kagalik nekherek meke etnogo oba wageikhesik nen, “Hat Allah a'but eberogonat halok he, helekit ethoma hipiri roti meke hakene hagatlasuak nen yogosin o,” iluk yogokhikhemo,

Matius 4:6

men yogokhikhe, “At Allah nen, Hat hisok helekit oba tamukhogon waraunogo iluk, an nagarumi malaikat emenogo nen iniki talek oba wokhabuak nen yogeisagein, iluk isikhemo holal waganek werek iti, hat eberogonat Allah a'but halok he, pok wema ethoma usan ta,” iluk yogokhikhe.

Matius 8:29

inane kokhogonat, men yogokhukha, “Hat Allah a'but yi. Hat nen, nit nikithogon hagatninabigiluk wagan. Nit ninasusak oba aban werek korlegat, hat tak ninasigiluk wagan yoma re!” iluk yogokhukha.

Markus 1:1

At Yesus Kristus Allah a'but wene hano wene hagakhe lageikhe wene yokhisak.

Markus 1:11

Ileken hasinem, Allah ane pogot oba nen men isikhe, “Hat hebe an na'but netaiken hunik meke o. Hat hobasik noba hotok ekhe o,” iluk ane usa'i ageikhe.

Lukas 1:35

at malaikat etnogo nen, “Allah Agoreke hoba duk i witluk nen, kunakma ukegarek hak, ninopase Allah Etagapogot obatneak iti apma 'bagagin o. 'Bagoumo, heak Allah arligat a'but itasumo nen, akhuni nen, At iti Allah a'but, iluk ekhe dogogun o.

Lukas 3:22

Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 10:36

an nen, Nebe Allah a'but igi iti nen, Allah etaga weagakhe, iluk nenaluk ekhe lagap. Allah nenat nayoko 'biluk eberogonat nebe wenago agat oba yoma la'ani ageikhe mekeat, itithogon nenaluk ekhe lagap.

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 19:7

it ap Yahudi meke emenogo nen, men yogokhukha, “At nen ekhe dogolik, An nebe Allah a'but, isikhe iti nen, wene Allah nen ninasuk wakhikhe wene, nit nen hagakhorek iti tak-tagat, nit nen ebe wasusak erlogat o. Halok he, wasusak apekhe lago,” iluk yogokhukha.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 6:69

Nit nen, ninoe hat Allah ekaerek hasik meldageiluk, eberogonat at nen la'agei ageikhemo ilu, hutdagagosik ninetaiken hat hoba hakotdiluk welago,” iluk itithogon yogokhikhemo,

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

Ibrani 7:3

Ap Melkisedek iti hasik, at agosa opase iti nen itago meke igik, ap iti opa lak iti nen itago meke igik, at iti hurli baga itaklageikhe igik, iti hurli baga watlageikhe igik, abok hutukhogon ageikhe igidegat. Iti nen he, at ebe Allah ekaerek a'but ipisak tak-tagat dogolik, at ebe Allah iteerek motok welagarek hakeneat o.

1 Yohanes 2:23

Tha nen, “Allah a'but iti, ebe na'it,” iluk kolelogo la'ekhe halok, opase Allah ebe waganhidegat o. Nen, tha nen, “Allah a'but ebe itiat o,” iluk ane pakhogon ekhe halok, opase allah ebe waganheat o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

1 Yohanes 4:9

Meke re, Allah nen, “Hit hinebe nakmu welagei,” iluk thelekmatdigiluk, a'but opakiat itago etnogo nen, ninilugutninabuagaluk agat oba usa'i ageikhe iti o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

2 Yohanes 1:9

Tha nen wene Kristus nen yakulnisasikhe wene iti baga dukhogon hagakho welageidek, ninat meke hagakherek halok he, Allah ebe iteerek ageidek werek o. Itithogon mekeat he, tha nen wene Kristus nen yakulnisasikhe wene iti baga dukhogon hagakho dogogin halok he, ninopase Allah inom, a'but Yesus inom, ipisak iteerek agasik werek o.

A'bikaka 2:18

Itithogon yoknekhesik nen, yabokane men yoknekhe, “An Allah a'but nileken hetu amulok hakene, nen, nisok tembaga hetu weraklatluk a'bi'bal here-here hagakherek iti hak etnogo nen wene yi yokhisik, At malaikat Allah a'buri o Tiatira natogokharek meke therisik welagarek etnogo, wene an nen yogosigin meke yi, hat holal waganogo oba la'in o,