Yohanes 1:31 - ALLAH ANE WENW KET MEKE WAROGO WOKNINAKHIKHE WENE

³¹ Alebat, at ebe an nokodekma, at ebe tha heat, hutdigidek welagei meke re, akhuni Israel meke at ebe inilu asuagaluk ima usa'isekhe dogeigiluk wagei iti,” iluk yogeisasikhe.

Yohanes 1:31 ပူးပေါင်းရင်းမြစ်များ

Matius 3:13

Yohanes nen wene etnogo yogeisekho werekma, at Yesus ima usa'uagaluk o Galilea nen Yohanes i Yordan aik oba werekma oba waga lageikhemo,

Matius 3:6

Wagoukhasik nen, yi weak ti weak hagakhe lagoukha meke 'bualogo thogotdisugunem, i Yordan ima usa'isekhe lageikhe.

Lukas 1:17

Allah Agoreke ap Elia iti akla dogolik obatnerogo hagarik nekhe lageikhe meke iti, at Yohanes iti oba duk itluk, yekerugi inopase lak inom, dapukhogon 'bisigik, wene inasuk holu'buk meke it aperek wene holiluk mothogon hagakharek meke inobabut waganuagaluk hagarinakhik, inebe ninopase Etagapogot hasigat dogoagaluk karelogo 'bisigik, hagasigiluk, at tak itaklatluk itithogon hagarik nekhe dogogin o,” iluk yogokhikhe.

Yohanes 1:30

Alebat wene an nen yokhisekhe dogolik, Ap ageikhe noporlik wisigin mekeat he, an aban itaklageidek werek korlegat welageikhe iti nen, an nebe yekerek meke re, at anek motok kogat o, iluk, abok yokhisekhe lagei etnogo, ebe waga ithiat o.

Yohanes 1:32

Itithogon yogeisasikhesik nen, yabokane at ileken hasikhe meke pakhogon men yogeisasikhe, “Allah Agoreke thue merpati yogeik negen pogot oba nen usa'agasik Yesus oba labek werekma an nileken higi o.

Yohanes 1:33

Itinem, at ebe tha heat an nokodek welagei meke re, Allah nen an akhuni imaat usa'isekhe dogoagaluk la'ani ageikhe meke etnogo nen yoknekhe dogolik, men yoknikhikhe, An Nagoreke ap ageikhe oba labi usatluk werekma hileken hegen halok he, at iti nen akhuni ima usa'inabu hak, Nagoreke inoba usa'aga dogogin o, iluk, yoknikhikhemo nogo nen,

La'isasikhe 19:4

Itithogon yogokhukhama, at Paulus nen, “Yohanes nen ima usa'inakhe lageikhe iti, it akhuni nen, Weak hagakhe lago meke arat thogotdogosik ninobabut hebelago, iluk isi halok usa'inakhe lageikhe. Itithogon usa'inakhe dogolik, men yogeisekhe lageikhe, An noporlik ap ageikhe wisigin. Halok he, hinetaiken at oba hakotdiluk dogono o, iluk ebe Yesus hasigat yogeisekhe lageikhe iti,” iluk yogeisasikhe.