Yohanes 1:19 - ALLAH ANE WENW KET MEKE WAROGO WOKNINAKHIKHE WENE

¹⁹ At Yohanes nen wene itithogon yogeisekho werekma, it ap Allah iteerek meke men, inukuloak etaga Lewi meke men, inom nen, “Yohanes. Hat hebe tha hak nogo,” iluk oba hinok waganuagaluk, ap Yahudi meke o Yerusalem nen la'isa agoukhama Yohanes oba wagoukha.

Yohanes 1:19 ပူးပေါင်းရင်းမြစ်များ

Yohanes 10:24

it ap koktek Yahudi meke alilu natogosi agoukhasik nen, men yogokhukha, “Allah nen Kristus ayoko 'biluk la'isigin isikhe etnogo, harat a? Ninat a, iluk arlik halhe lago yi re, ninakla thiokhogon hurli niniki ki baga nen yoknisagein. Allah nen Kristus ayoko 'biluk la'isigin isikhe etnogo, hebe harat halok he, pakhogonat yoknisan o,” iluk yogokhe lagoukhama,

Yohanes 10:31

it ap koktek Yahudi meke nen, helekit inikimo waganhukhasik, Yesus ebe motok wasuogoluk hagakhukha.

Yohanes 11:19

he Maria men, Marta men, ineru Lazarus warekma inakla hanorogon iluk, it akhuni Yahudi meke doalegat inoba wagoukhasik welagoukha.

Yohanes 2:18

Yesus nen it ap emenogo itithogon yogeisasikhemo, it ap koktek Yahudi meke nen Yesus ebe wenagakhe dogolik men yogokhukha, “Hat nen hagakhen yi re, iteerek dogolik hagasusak oba hagakhenma iluk, hutdaguok nen, elalin meke ageikhe hagasin ta,” iluk wenageikhukha.

Yohanes 2:20

Itithogon yogeisasikhemo it ap koktek Yahudi meke emenogo nen, men yogokhukha, “A! Allah ai yi aban halhe korlek 46 tahun welago mekeat he, hat nen, Niki pere baga halhe dogoluk nen, niki ageikhe yi baga arat haligin, iluk egen iti erlogat haluksak iluk egen a? Erlok dek o,” iluk yogokhukha.

Yohanes 5:10

Itithogon werlegat werek korlek hagakhikhemo lagunem, it ap koktek Yahudi meke nen inileken hasukhasik nen, ap u kerat dek ageikhe meke etnogo men yogokhukha, “Yak yi. O yogotak nen, niniki 7 baga nit Allah hasik werlegat dogolik, hat harlit eka wolok lausak dek meke wolok laga lagan,” iluk yogokhukhama,

Yohanes 5:15

Itithogon yogokhikhemo, at ap etnogo it ap koktek Yahudi meke inoba lageikhesik nen, men yogeisasikhe, “Ap an u hagatnakhe igi etnogo, Yesus nenat hagatnakhemo o,” iluk yogeisasikhe.

Yohanes 5:16

Itithogon yogeisasikhemo, it akhuni Yahudi meke Allah hasik iniki 7 baga werlegat werek korlek, Yesus nen ap etnogo u hano hagakhikhe iti nen, at Yesus ebe weagatduogoluk hagakhukha,

Yohanes 5:18

it ap koktek Yahudi meke emenogo nen iniki 7 baga Allah hasik werlegat dogolik, Yesus nen u hano hagasusak dek meke hagakhikhe iti baga anek ebe wasuogoluk isukha 'buk. At he, at nen, “An nebe Allah ninom tak-tak,” u hak he, “An nopase ebe Allah at o,” iluk isikhe iti nen, ebe wasuogoluk ebenageik abok palhe lagoukha.

Yohanes 6:41

Nen, at Yesus nen itithogon yogeisekhe dogolik, “Hipiri roti pogot oba meke iti, an nebeat usa'agagi o,” iluk yogeisasikhe iti nen, it ap Yahudi meke nen, at abok kurlu-kurlu palhe dogolik,

Yohanes 6:52

Itithogon yogeisasikhemo, it ap Yahudi meke emenogo nen, it-it wene palhe dogolik, wene men isukha, “Warligi yi. Ap yi ebe meke nit noagaluk nikithogon woknisagaluk nen yoknisekhe apegep,” iluk isukhama,

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.

Yohanes 7:11

Etoma usasikhesik werek korlek, it ap koktek Yahudi meke pesta hagakhunem dogolik Yesus ebe herasuogoluk hinok waganhe dogolik, “At ebe koma werek?” iluk isukhama,

Yohanes 7:15

Yakulisugunem, it ap koktek Yahudi meke nen hogorakhe dogolik men isukha, “Eiye! Nayuk o. Ap yi sekolah hagakhidek mekeat, yi wene ti wene yoma nikithogon nen ilu aga apegep?” iluk isukhama,

Yohanes 8:22

it ap koktek Yahudi meke nen he, men isukha, “Ap yi nen yoknisekhe dogolik, O an liginmo etoma hit lausak erlok dek o, iluk yoknisekhe iti, at ekaerek nen waragaluk iliogo a?” iluk isukhama,

Yohanes 8:48

At Yesus ne wene itithogon yogeisasikhemo, it ap Yahudi meke emenogo nen he, men isukha, “Hat hebe ap Samaria meke yi re! Mokat obabut weak meke hakla ukekhesik werek o, iluk ekhe lago etnogo eberogonat yokhekhe lago higi,” iluk yogokhe lagoukhama,

Yohanes 8:52

it ap Yahudi meke emenogo nen, men yogokhukha, “Ap Abraham men, ap Allah ane yogeisekhe lagoukha meke emenogo men, arat watlarik lagoukha mekeat, hat nen ekhe dogolik, Tha nen an nane hologo hagakhe dogogin halok, watlageidek iluk motok dogogin o, iluk egen iti nen, mokat obabut weak meke eberogonat hakla ukekhesik werek, iluk, hutdagago o.

Yohanes 8:57

it ap Yahudi meke emenogo nen, men yogokhukha, “Hat hebe itaklagagitik oba nen 50 tahun aban hagatlageidek mekeat, Abraham erlok hileken hasigitik nen ekhe lagan a? Erlok dek o,” iluk yogokhukhama,

La'isasikhe 13:25

Yogeisekhe lageikhesik, at nen hagasusak meke arat hagakhe lageikhesik, ilugun oba hagasigiluk, men yogeisasikhe, Hit nen an tha apekhe lagap. Hit nen therogo welagap iti, ebe an dek o. Meke re, hinakla eberek dogono. At ebe an noporlik wisigin o. Wagunem, an nebe yekerek. Kok he, arat o. At isok agot yilik meke iti, an nen hisalusak erlok dek o, iluk yogeisasikhe.

La'isasikhe 19:4

Itithogon yogokhukhama, at Paulus nen, “Yohanes nen ima usa'inakhe lageikhe iti, it akhuni nen, Weak hagakhe lago meke arat thogotdogosik ninobabut hebelago, iluk isi halok usa'inakhe lageikhe. Itithogon usa'inakhe dogolik, men yogeisekhe lageikhe, An noporlik ap ageikhe wisigin. Halok he, hinetaiken at oba hakotdiluk dogono o, iluk ebe Yesus hasigat yogeisekhe lageikhe iti,” iluk yogeisasikhe.

1 Yohanes 1:5

Allah a'but nen yoknisekhe dogolik, “Allah ebe, lia itiatma, o mum at oba welagarek motok dek o,” iluk yoknisasikhe meke, nit ninasuk arat holhugu meke yokhisekhe lago itiat o.