Yohanes 1:12 - ALLAH ANE WENW KET MEKE WAROGO WOKNINAKHIKHE WENE

¹² Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Yohanes 1:12 ပူးပေါင်းရင်းမြစ်များ

Matius 10:40

Itithogon yogeisasikhesik ageikhe men yogeisasikhe, “At tha nen hinebe wokhinabigin halok he, at nebeat woknabigin o. Nen, an nebe woknabigin iti, an nopase la'ani ageikhe meke etnogo ebeat waganigin o.

Matius 12:21

Nen, it akhuni itikmanke meke nen at etaga bagaat, At nen hanotninabigin o, iluk ugun,” iluk isikhe meke werek iti tak-tagat hagatlasuagaluk hagakhikhe iti.

Matius 18:5

Nen, tha nen yekerek yi hakene an nobasik waganhe halok he, an nebeat woknabigin o,” iluk yogeisasikhe.

Yohanes 1:11

At ekaerek ailaat wageikhe meke re, at oe agot nen ebe waganhidek thogotdisukha.

Yohanes 11:52

Meke re, it akhuni Yahudi meke inobasik anek isikhe 'buk. Akhuni tha'bokhogonat Allah a'buri meke o yi ai ti ai lo lagoukhasik welageikharek meke inom dapukhogon 'bisagaluk, Yesus watlasigin meke hasik isikhe.

Yohanes 2:23

Itithogon isukhasik werek korlek, o Yerusalem it akhuni Yahudi meke domba warogo pesta Paskah nasi korlek, at Yesus etoma inom dogolik ebe hutduagaluk, elalin meke hagarik lageikhe iti nen, akhuni doalegat inileken hasukhasik nen inetaiken at oba hakotdisukha.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 3:18

Halok he, tha nen etaiken an noba hakotdekhe halok, Allah nen wene oba 'biluk weagatdigin dek mekeat he, tha nen etaiken an Allah a'but irlagapi itago meke yi noba hakotdigidek iti nenat, weagatdigin meke wene arat oba 'bekhemo werek o.

La'isasikhe 3:16

Ap isok weak welaga meke yi nen, Yesus iti eberogonat, iluk etaga palogo, etaiken at oba hakotdekhe iti baga, ap yi hinileken hekhe lagap meke, ebe hinilu meke etnogoat obatne aga yi. Etaiken itithogon Yesus oba hakotdekhe iti baga, hit hinil obaat motok hanotdekhemo yi.

Roma 8:14

Allah nen Agoreke wokhisekherek iti, akhuni inebe it aperek inatuaneke dogolik inobabut inayukhogo hagakharek iti hak, hagathinakhe dogoagaluk wokhisekherek 'buk. Meke re, at Allah ekaerek a'buri hagathinabiluk, erlathinabuagaluk wokhisekherek. Iti nen, it akhuni Allah Agoreke nen wogosik nekherek meke, inebe dopok nen, inebe Allah a'buriat werek o. Itithogon dogolik ninebe allah Agoreke baga hakotdiluk dogolik, men ekhe lago, “Nopase Allah, nopase Allah,” iluk ninane pakhogon ekhe lago iti.

Roma 8:16

Itithogon ekhe lago iti, at Allah Agoreke nen, “Hinebe Allah a'buri o,” iluk yoknisugunem, nit ninetaiken oba nen ogorek iti.

Roma 8:19

Pogot agat yi meke ti meke Allah nen walhasikhe meke yoma nen, “Allah a'buri inebe ninat hagarinakhunem thelekma hogorinabugun iti mera hagatlasigin,” iluk, arlik haliogei.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Kolose 2:6

Hit nen he, “Kristus Yesus ninoe Etagapogot o,” iluk ebe horlasigip iti nen, hinom hunik motok dogono o. Itithogon dogolik, hinobabut wene yakulhisasukha tak-tagat,

2 Petrus 1:4

It akhuni agat oba yoma yi meke ti meke warlok nen, inetaiken nen nukunem inobabut weak hagatlatluk weak apegarek meke iti here'isalok lo dukhitluk, Allah obabut waganuagaluk, hano meke woknisiliogo iti. At nen elalinat hagakhunem hogorakho motok welageikharek meke etnogo nen, “Yi meke ti meke oko baga waganusak erlok dek. Hano motok kok meke, wokhisagein werek o,” iluk abok yoknisasikhe iti, ebe woknisiliogo.

1 Yohanes 3:1

At Allah nen he, “It yi an na'buri,” iluk itakninakhikhemo eberogonat nit ninebe at a'buri welago. Itithogon welagorek iti nen, ninebe at akmu motok welagarek iti 'bikhani! Itithogonat mekeat he, it akhuni agat oba meke inobabut inikhok meke emenogo nen Allah ebe inokodek iti nen he, nit ninebe inokodegat o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

1 Yohanes 3:23

At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.