Yohanes 1:1 - ALLAH ANE WENW KET MEKE WAROGO WOKNINAKHIKHE WENE

¹ Ebekeram erlo baga nen, wene Ebe Wene welageikhe. Ebe Wene iti, Allah ipisagat dogolik, ebe Allah at.

Yohanes 1:1 ပူးပေါင်းရင်းမြစ်များ

Matius 1:23

At iti nen, “Horlak ageikhe eak akma atluk, eak abat itasigin o. Itaklaga halok, nit ninane baga, Allah ninom welago, u hak, etaga Imanuel ekhe dogogun,” iluk holal waganogo 'bisikhe meke tak-tagat hagatlageikhe iti.

Lukas 24:53

Wagoukhasik, o Allah ai halekma anek dogolik, Allah hogorakho motok welagoukha.

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 1:2

At iti ebekeram erlo baga nenat Allah ipisagat dogolik,

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 8:58

at Yesus nen, men yogeisasikhe, “An nane eberogonat yokhisak o. Ap Abraham iti ebe aban itaklageidek werek korlek, an nikhok motogat welagarek o,” iluk yogeisasikhe.

Roma 9:5

Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok.

Efesus 3:9

At Allah yi meke ti meke tha'bokhogonat winametdisikhe meke etnogo nen apekhe dogolik, Ebe itithogon hagatlasigin, iluk, wene akla limago welageikhe meke, akhuni tha'bokhogonat thelekmaat yogeisilik nekhe dogoagaluk nayoko 'bisikhe iti o. Nen, it ap malaikat pogot obake yoko nekharek meke emenogo inougi koktek inom, inane hologo welageikharek meke inom, nit Allah a'buri nen, “At Allah yi meke ti meke hasik akla motok kagalek,” iluk yogeisugunem yogotak ya inilu asuagaluk, haganeat nen wene iti Allah akla limago motok welageikhe.

Filipi 2:6

At ebe, Allah mekeat dogolik, akla nen, “An Allah nipisak tak-tagat welagei yi, yi hagat motok dogogin,” iluk apigidek,

Kolose 1:15

Allah ebe ninileken hogorek dek mekeat, ebe alino hakene, Yesus ebe itiat o. At Allah nen, yi meke ti meke, pogot oba meke inom, agat oba meke inom, ninileken hogorek meke inom, hogorek dek meke inom, winametdisasikhe iti. Ninileken hogorek dek meke ageikhe, malaikat inobatneak dogolik inapma hagasik werekma inane hologo welageikharek meke itiat. Allah nen itithogon tha'bokhogonat winametdisasikhe iti, ebe re, at Kristus nenat, ekaerek hasigat winametdisasikhe iti nen, yi meke ti meke tha'bokhogonat iti, yoarlemake negen werek korlek, kok he, Allah a'but makusa meke Kristus itiat.

Kolose 1:17

At ebe yi meke ti meke aban walhigidek werek korlek welageikhesik nen, yogotak yi meke ti meke obolukmo tomok werek iti, at nenat herogo werekma hano werek o.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

Ibrani 13:8

At Yesus Kristus ebe o haganeat nen, yogotak ya nen, ikhok motok welagarek iti hak, yabokane itithogonat ikhok motok dogogin o.

Ibrani 7:3

Ap Melkisedek iti hasik, at agosa opase iti nen itago meke igik, ap iti opa lak iti nen itago meke igik, at iti hurli baga itaklageikhe igik, iti hurli baga watlageikhe igik, abok hutukhogon ageikhe igidegat. Iti nen he, at ebe Allah ekaerek a'but ipisak tak-tagat dogolik, at ebe Allah iteerek motok welagarek hakeneat o.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Yohanes 5:7

Yesus iti Kristus at o, iluk, akhuni inebe 3 nen inane opakiat meke pakhogon u hakene, Allah Agoreke nen igik, Yesus ebe ima usakhukha iti baga igi, amep ulabogo wakhukha iti baga igik, thelekma ageikhe iti o.

A'bikaka 1:11

“Hat hileken hegen meke iti, holal waganin o. Holal waganogo nen, it Allah a'buri gereja 7 baga nen natogokharek meke, o etaga Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba la'in o,” iluk yoknekhe.

A'bikaka 1:17

Itithogon werekma higirik, nayuk nen warek inelokhe thogoum agat oba tun egarek hakene, nelokhe thogoumhogon agat oba elokhoma isokma mot-mot tun i agunem, at iki ebeke nen hakneekhesik nen men yoknekhe, “Hayuk dek. An nebe erloma nen logat ekapul oba nikhok motok dogolik,

A'bikaka 1:2

Itithogon yoknekhemo, at Allah ane iti Yesus Kristus nen abok yoknikhunem wene tha'bokhogonat an nileken higi meke iti abok pakhogon holal waganogo 'bigi iti o.

A'bikaka 1:8

Ninopase Allah Etagapogot obatne horleak iti, ikhok motok dogolik, haganeat welageikhe, yogotak weregat, yabokane motok dogogin meke wisigin etnogo nen ekhe dogolik, “Erlo inom, ekapul inom, anat o,” iluk iliogo o.

A'bikaka 19:13

Nen, at iti asu uanat mep dabulik meke ugu, nen, etaga inilumo ekhe lageikha, “Allah Ane”.

A'bikaka 2:8

Itithogon yoknekhesik nen, yabokane yoknekhe dogolik, “An he, erloma nen logat ekapul oba motogat dogogin meke etnogo arat watlagagisik nen yabokane niluk agagisik welagarek meke etnogo nen, wene yi yokhisik, At malaikat Allah a'buri o Smirna natogokharek meke therisik welagarek meke etnogo, wene an nen yogosigin meke yi, hat nen holal waganogo oba la'in o,

A'bikaka 21:6

Itithogon yoknekhesik yabokane ageikhe men yoknekhe, “Arat. Erlo men, ekapul men, anatma, an nebe erlo baga nen logat, ekapul oba nikhok motok dogogin meke nen, akhuni i abu meke i inilugurinakherek meke elesimo nen henago oko dek werlegat wogeisekhe dogogin o.

A'bikaka 3:14

Itithogon yoknekhesik nen, yabokane ageikhe yoknekhe dogolik, “Erloma yi meke ti meke erlo anat werekma, Allah nen walhasikhe meke iti, at abok nobabut hupukhogon eberogonat anek pakhogon egerek meke, netaga ebeat asuak u hak, Amin etnogo nen wene yi yokhesik, At malaikat Allah a'buri o Laodikia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o.