Yakobus 5:9 - ALLAH ANE WENW KET MEKE WAROGO WOKNINAKHIKHE WENE

⁹ Nagarlak lak nerugi. Itithogon therogo dogolik, Allah nen wene hinoba 'binogo iluk, hit-hit ekhe dogolik, “Nagarlak iti hagariogo na'it o,” iluk inabok palhidek dogono o. At Allah nenat wene akhuni inoba 'bigik, kokhik, hagasigin iti holagapema horok asi aga iti 'bikhani!

Yakobus 5:9 ပူးပေါင်းရင်းမြစ်များ

Matius 24:33

Itithogon hagatlasigin, iluk yokhisigi etnogo, ebe tha'bokhogonat hagatlagunem hinileken halok nen, Yogo. O ilugun oba hagatlasigin etnogo horok asi aga higi, iluk, hinakla apano o.

Markus 13:29

Itithogon hagatlasigin, iluk yokhisigi etnogo ebe hagatlagunem, hinileken halok nen, Yogo. O ilugun hurli baga hagatlasigin etnogo horok asi aga higi, iluk hinakla apano o.

Markus 6:19

Kola'isukhama werekma, at he Herodias nen, at akla ua iluk dogolik, “Yohanes iti motok na'it,” iluk at Herodes nen wasuagaluk akla kagalhe lageikhe mekeat he, at Herodes akla nen men apekhe lageikhe, “At Yohanes ebe Allah nen la'i ageikhemo dogolik obabut morat hagariogo,” iluk obabut palogo ebe alon halhe dogolik wasusak erlok dek ageikhemo, ebe irlirli waganogo hago welageikhe. Hago dogolik, ane holhe dogou warlok nen holhe lageikhe mekeat he, holhe dogolik, wene munini doalegat ebekhe lageikhe.

1 Korintus 10:11

It itithogon hagarinakhikhemo inoba hagatlageikhe iti tha'bokhogonat nen, it akhuni aperek hutdekhe dogoagalugat hagatlageikhe. Itithogon hagarinakhikhe iluk holal waganogo 'bisukha iti, nit yogotak o ilugun hurli baga asi ago meke yi, ninasuk warekhe dogoagalugat holal waganogo 'bisukha.

1 Korintus 4:5

Iti nen he, wene akhuni inoba 'bigik kokhik hagasigin itinem aban asi ageidek werek korlek, hit wene inoba 'bigik kokhik hagasusak motok dek o. At ninoe Etagapogot ebe witluk nen, hibakone limago hagariogei meke thelekmatdigik, itithogon hagasugun iluk apalok inakla thebelek werek meke iti 'bualogo 'bigik, hagasisigin iti therogo dogosak o. Itithogon 'bualogo 'bisinem, Allah nen hano hagakha meke inebe tomok hogorinabusak mekeat hogorinabigin o.

2 Korintus 9:7

Akhuni inakla arleken motok akhekhe dogolik it aperek 'bisegarek meke iti, Allah nen inebe akmu welagarek iti nen, hit hinebe tomok hinameke warlok werek korlek, it aperek nen hinakla obatnerogon kagalhunem 'bisausak erlok dek o. Hit hinakla hano dogolik, hinekaerek hinakla nenat kagalogo 'bisausak o.

Galatia 5:26

Itithogon hagakhe dogolik, ninekaerek nen hogorakhigidegat, nit-nit ageikhe nen ageikhe inakla weak asuagaluk hagakhidegat, nit-nit ua palogo ageikhe nen ageikhe nina'it disigidegat, hagakhe dogouok o.

Yakobus 4:11

Nagarlak lak nerugi. Hit-hit hinabok pal-pal ekhe dogosak dek o. Hinagarlak lak hinerugi aperek inabok palhik, wene inoba 'bigik, hagakhep halok he, wene Allah nen ninasuk wakhikhe wene etnogoat weak iluk u hagat, ekhe lagap iti o. Nen, wene iti weak iluk ekhe lagap halok, wene iti hinasuk hologo hagakhe lagap 'buk. Hit nen he, “Wene iti weak. Ebe hano itithogon usak meke isikhemo,” iluk u hak ekhe lagap iti o.

Yakobus 4:12

Meke re, Allah arligat nen wene ninoba 'bigik, kokhik, hagakherek o. At nenat tilninakhik, weagatninakhik hagasusak erlok mekeat he, hit aperek nen hinagarlak lak hinerugi meke wene inoba 'bekhe lagap iti nenaluk. Hit nen itithogon hagasusak meke hagakhe lagap? Erlok dek o.

Yakobus 5:10

Nagarlak lak nerugi. Haganeat it ap Allah ane yogeisekhe lagoukha meke emenogo nen, “Ninopase Etagapogot nen ekhe mekeat yokhisekhe lago,” iluk yogeisugunem, it akhuni aperek nen inebe weagarinakhe korlegat, inakla puk ageidek inobakhanini hapugutdiluk welagoukha meke emenogo inobabut waganini o!

Yakobus 5:7

Iti nenat, nagarlak lak nerugi. Ninoe Etagapogot ebe aban wageidek werek korlek, hinakla puk ageidek hinobakhanini hapugutdiluk therogo dogono o. Akhuni nen wen waganekma hipiri ai ya'iluk therogo welageikharek iti hinakla hutdini o. Itithogon ai ya'iluk werek korlek miso o mo dageisi korlek nikik, usekhe korlek nikik, eran-alep nasi korlek inakla puk ageidegat, “Yabokane isarlo agunem ebe kok meke itakhagein,” iluk inobakhanini hapugutdiluk therogo welageikharek iti hak,

1 Petrus 4:5

Mekeat he, at Allah nen, akhuni iniluk meke men, watlagoukha meke men, initema waganogo wene inoba 'bigik, kokhik, hagasigiluk akla apekhesik werek. Itithogon wene inoba 'bisinem, it nen, wene inoba korauwogoluk, “Nit yigithogon hagakhe lagagu, tigithogon hagakhe lagagu,” iluk yogosugun weregat o.

1 Petrus 4:9

Hinagarlak lak hinerugi hinom, hit aperek nen it aperek inaila lageik, it nen hit hinaila wageik, hagakhe dogolik, inebe woginakhik, hinakla nen, “Na'it o,” iluk apigidek woginakhe dogono.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.