Yakobus 5:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nagarlak lak nerugi. Hinagarlak lak hinerugi meke ageikhe ebe wene here'isalok mirlokhogon nuk asi laga halok, hit aperek nen yabokane apuke suguluk Allah oba wolok wisugun iti hasik,

Yakobus 5:19 ပူးပေါင်းရင်းမြစ်များ

Matius 18:15

At Yesus nen itithogon yogeisasikhesik nen, ageikhe men yogeisasikhe, “Hat ageikhe hagarlak haru ageikhe nen weak hagathakhe halok he, hat at oba lalok hipisak hinarligat dogolik, Itithogon hagasusak dek o, iluk pakhogonat asuk watno. Itithogon asuk wakhunem, asuk holhe he, thagalogo hipisak hano asusak.

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

Galatia 6:1

Nagarlak lak nerugi. At ageikhe weak hagakhunem hinileken hegep halok he, at iti apuke obabut hebelasuagaluk, hit Allah Agoreke eberogonat hinakla werek meke nen hinane erogat asuk watno. Asuk itithogon wakhunem, hit itithogonat hinoba asunogo iluk, hinekaerek hinobabut hebelogo dogono.

2 Timotius 2:18

ebe wene here'isalok mirlokhogon dukhisukhasik, it nen he, “Allah nen akhuni warek meke inilugurinabigin iluk abok isikhe etnogo arat hagatlagama yi,” iluk, it aperek yogeisugunem, inetaiken Allah oba hakotdiluk werek meke weagarinabiogei iti o.

Ibrani 5:2

Itithogon meldisugunem, it inobatne dek erlok dek mekeat emenogo nen, it akhuni aperek itithogonat wene inokodek dogolik nil-hilhogon hagakharek iti, hutdiluk nen, inebe inakmurinabiluk it inobasik inoba enagorogon erlogat hagakharek iti.

Yakobus 1:16

Nagarlak lak nerugi. Hinebe nakmu o. Hinekaerek nen nukhetdakhaunogo iluk yokhisigi iti o.

Yakobus 1:19

Nagarlak lak nerugi.Hinebe nakmu lak o. Wene yi hinakla eberek dogono o. Hinebe tomok wene hinasuk ibat ibat holiluk nen, hinane baga nen erogat igik, hinakla aga dagei agunem hinetaiken thebelogo dogoluk nen erogat igik, hagakhe dogono o.

Yakobus 3:14

Meke re, hinakla korlo atluk ua palhik, hinekaerek hasik anek ebekhik, hagakhe dogolik, hinekaerek nen, “An hano,” iluk hogorakhekhe dogogup o. Itithogon hagasugun halok, Allah ane ebe wene iti meke thagalogo hinekalat nen ugun iti usak degat o.

Yakobus 5:20

wene yi hinakla ebetni o. Tha nen weak hagakhe dogolik, ekaerek nen mirlokhogon nuk asi lagunem, at ageikhe nen apuke suguluk Allah oba wolok waga halok he, ebe watlasusak tak-tak mekeat tilhik, weak kogat hagakhe meke iti thagalogo degetdigik, hagasigin o iluk, werek iti hinakla nen hutdekhe dogono o.

2 Petrus 3:17

Nagarlak lak nerugi. Hinebe nakmu lak o. Wene iti aban hagatlageidek werek korlek he, hinilurogo dogobageik iluk dopokhogon yokhisigi iti. Hinilu dogolik, hinekaerek hinetaiken horlerogonat dogono. It akhuni aperek inasuk warek dek hagakharek meke iti nen, wene korlo wene yokhisekhe dogolik, hit nen, “Eberogonat,” iluk hinakla apalok hinetaiken horle welagap meke iti kolelogo here'isalok hinebe nuk asunogo iluk, hinobabut hebelogo dogono o!

Yudas 1:11

It iti Allah nen weagarinabigin o! Alebat at Kain hagakhikhe iti hak oporlik liliogei iti. At Bileam korlo hagakhikhe iti hak, inekaerek nen uang thaburogo horlauwogoluk, itithogonat hagariogei. At Korah nen Allah hasik, “Anat hagakhe dogogin,” iluk it aperek usa'isagaluk hagakhikhe iti hak hagariogei iti baga, inebe nuk akhiliogei iti.