Yakobus 5:17 - ALLAH ANE WENW KET MEKE WAROGO WOKNINAKHIKHE WENE

¹⁷ At Elia iti, ebe nit hakene akhuni meke nenat, miso wageidek dogoagaluk sembayan isikhemo, mo dageigik, usigik hagakhe korlek 3 tahun welageikhesik, yabokane thut 6 oba inobat miso agat oba usa'ageidek motok hugat welageikhe.

Yakobus 5:17 ပူးပေါင်းရင်းမြစ်များ

Lukas 4:25

Nen, ap Elia welageikhe eta mot-mot he, miso usa'ageidek 3 tahun ageikhesik, yabokane dagakhogon thut 6 bulan holelhikhemo o etoma yi ai ti ai hipiri motok no ageikhe. Eta mot-mot, akhuni Israel meke werekma humi thoge doalegat welagoukha meke re,

La'isasikhe 10:26

Itithogon hogorakhikhe mekeat he, at Petrus nen, “Dek o. Noe. Melasin. An nebe akhuni mekeatma, itithogon hogotnabusak dek o,” iluk iki hago meldisikhe.

La'isasikhe 14:15

“Ap yirani. Hit nikithogon hagakhe lagap. Nagarlak lak nerugi. Nit ninebe hit hakene akhuni mekeat. Meke re, hit nen yi meke ti meke weat meke hagakhe lagap iti here'isalok nen, hinobabut hebelatluk, hinelokhe Allah iluk motok welagarek meke iti wogosubageik nen iluk wene yokhisa ago meke o. At Allah iti, pogot men, agat men, i laut kok yekelek men, yi meke ti meke pogot oba, agat oba, ima welagarek meke men, walhasikhe meke o.

Roma 11:2

Allah nen a'buri haganeat nen wenageinakhikhe meke iti here'isasikhe dek o. Wene at Elia nen hagakhikhe wene holal waganek werek etnogo hinokodek nogo? At nen Allah nen it wene inoba 'bekhe dogoagaluk, men ekhe lageikhe,

A'bikaka 11:6

Nen, it nen Allah ane yogeisekhe dogolik, “Pogot oba nen miso usasusak dek o,” iluk erlogat tha'bit wakhik, i tha'bokhogonat mep asuagaluk erlogat hagakhik, nen inakla warlok apagun oba, “Akhuni agat oba meke yi u ti u inoba 'buok,” iluk erlogat u erlo inoba 'bisigik, hagakhe dogoagaluk, Allah nen iteerek 'bisekhemo itithogonat hagasugun hisigi o.