Yakobus 5:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon hagasigin iti nen, hit aperek hinoba u meke dek asubageik nen, weak hagakhep meke hit-hit 'bual-'bual ekhe dogolik sembayan ekhe dogono o. It akhuni Allah akla warlok apekherek meke, mothogon hagakharek meke nen sembayan eberogonat obatnerogon ugun iti, obatneak werekma Allah nen hagarinabiginat o.

Yakobus 5:16 ပူးပေါင်းရင်းမြစ်များ

Matius 21:22

Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.

Matius 3:6

Wagoukhasik nen, yi weak ti weak hagakhe lagoukha meke 'bualogo thogotdisugunem, i Yordan ima usa'isekhe lageikhe.

Markus 1:5

Itithogon yogeisugunem he, it akhuni o propinsi Yudea, meke inom, o kota Yerusalem meke inom, inebe tha'bokhogonat, at oba natogosi aga lagoukha. Natogosi wagoukhasik, yi weak ti weak hagakhe lagoukha meke 'bualogo here'isugunem, at nen i Yordan ima usa'isekhe lageikhe.

Lukas 9:6

it agarumi emenogo lagoukha. Laga dogolik nen, o etoma o ukul dopok hano wene etnogo yogeisigik, o ya ta u hano hagarinakhik, hagarik lagoukha.

Yohanes 9:31

Akhuni weak hagakharek meke Allah nen inane asuk holherek motok dek iti, nit ninilu o. Akhuni Allah inayukhogon dogolik, at akla apekherek meke mothogon hagakharek meke halok, inane Allah asuk holherek o.

La'isasikhe 19:18

Nen, it akhuni inetaiken Yesus oba hakotdisukha meke inebe wagoukhasik nen, weak hagakhe lagoukha meke akhuni doalegat inil oba 'bualhe lagoukha.

La'isasikhe 8:24

Itithogon yogokhikhemo, at Simon nen, men yogokhikhe, “Hit egep iti hak, an noba asinogo iluk, an nobasik ninoe Etagapogot ayoko 'bino o,” iluk yogeisasikhe.

Roma 3:10

Allah nen itithogonat isikhemo, holal waganogo 'bekhe dogolik, men isukha, “Akhuni inobabut mot hagakharek meke ageikhe dek o. Opakiat ageikhe motok degat o.

Roma 5:19

Ap opakiat nen Allah ane hologo hagakhidek weak hagakhikhe iti baga, akhuni inebe doalegat weak hagarik wageikharek iti hak, ap opakiat nen, Allah ane hologo hagakhikhe iti baga, akhuni ninebe doalegat wene ninoba meke korogo wokhasikhemo Allah akla warlok meke hagakhe dogogun iti.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

1 Tesalonika 5:17

Sembayan hunik-hunik isi motok dogono.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

1 Tesalonika 5:25

Nagarlak lak nerugi. Nit ninobasik sembayan ekhe dogono o.

Ibrani 11:4

At ap etaga Kain nen, motok erlok dek meke Allah wogokhikhe mekeat he, at Habel iti anek he, etaiken Allah oba hakotdiluk hano meke Allah wogokhikhemo, at Allah nen, “Habel anek, obabut mot hano higi,” iluk isikhe. Itthogon isikhesikmo nen, at Habel ebe watlageikhe mekeat he, etaiken Allah oba hakotdiluk dogolik hagakhikhe iti baga, at nen, “An itithogon hagakhi,” iluk yoknisekho negen motok werek o.

Ibrani 11:7

At ap Nuh meneke, etaiken Allah oba hakotdiluk, yi wene ti wene yabokane hagatlasigin meke Allah nen husupi yogokhikhemo ebe ileken higidek mekeat he, “Eberogonat hagatlasigin meke yoknekhe higi,” iluk Allah ane holek dogolik, ku ageikhe at a'buri inom tilinabusak meke halhikhe. Itithogon halhikhemo, Allah nen akhuni ukum inoba 'biluk inebe inakhikhe mekeat he, at Nuh arligat anek he, etaiken Allah oba hakotdisikhe iti baga, Allah nen, “At hano,” iluk tilhikhe.

Ibrani 12:13

Itithogon hanotdiluk, hinisok abel mirlalek meke yabokane weak ageidek hano asuagaluk, holak mot enago hano yagoma laga dogono o.

Ibrani 13:18

Nit yi meke ti meke hasik hano anek hagakhe dogouogoluk, apekhe dogolik, ninakla nen, “Nit wene ninoba dek. Ninakla thelek,” iluk apekhe lago iti nen, nit ninobasik sembayan ekhe dogono o.

1 Petrus 2:24

Nit ninobabut weak hagakhe lagagu meke iti, akhuni watlatluk yi meke ti meke hagakharek dek iti hak, nit weak meke here'isalok, niniluk dogolik Allah akla warlok meke hagakhe dogoagaluk, nit weak hagakhe lagagu meke korogo, at Kristus oba 'bakhasikhemo, ebe o baga meldiluk wakhukha iti. At ebe li'bik-la'bakhogon wakhukha iti baga, hit hanothinakhikhe iti.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.