Yakobus 4:3 - ALLAH ANE WENW KET MEKE WAROGO WOKNINAKHIKHE WENE

³ Nen, ageikhe Allah kino yogokhe lagap mekeat he, hinekaerek hasik anek hinetaiken nen nukunem horlauwogoluk kino usak dek mekeat korlo yogokhe lagap iti nen, wokhisiliogo dek o.

Yakobus 4:3 ပူးပေါင်းရင်းမြစ်များ

Matius 20:22

Itithogon yogokhikhemo, at Yesus nen, “Hit kino yoknekhep iti, wene ebe hinokodegat dogolik yoknekhep o. An yi aik ti aik hagatnabugun iti hit itithogon hagathinabusak erlok apegep?” iluk u hak, “An nagei henago nigin iti, hit erlok nausak apegep?” iluk yogeisasikhemo, it nen, “Erlok nausagat o,” iluk yogokhukha.

Markus 10:38

at nen men yogeisasikhe, “Kino yoknekhep iti, wene ebe hinokodegat dogolik, yoknekhep o. An yi aik ti aik hagatnabugun iti, hit itithogon hagathinabusak erlok apegep?” u hak, “An nagei henago nugun iti, hit erlok nausak apegep? Nen, ima usa'isegarek hak usa'anugun iti, hit erlok usa'inagusak apegep?” iluk oba lisogon yogeisasikhemo,

Lukas 15:13

Itithogon supurisasikhemo, a'but elabo meke etnogo iki ageikhe inom welageidek, yi meke ti meke, at ageikhe meke motok tha'bokhogon oko waganhe lageikhesik auang horlalok nen, o walegat etoma lageikhe. Lageikhesik etoma dogolik, akla ebekhidegat, we yugunat hagarik nekhe dogolik, auang emenogo motok thirlik-pirlikhogon hagakhikhe.

Lukas 15:30

Meke re, hat ha'but ithi humi yugunat ha'isilik nekhe dogolik hat watlasumo hiki 'biluk iteerek meke asusak meke wogokhen meke etnogo motok thirlik-pirlikhogon here'isalok waga meke anek he, sapi eak utholik hano meke etnogo warogo arini isakhen yi re! Iluk yogokhikhemo

Yakobus 4:1

Hit wene palhik, tugi yakhik, hagakhe lagap iti, erlo nena baga nen yakhe lagap nogo. Wim yabusak warlok inetaikenma dogolik, inakla aga dageikherek iti hak, hinakla nen yi warlok ti warlok apegethep iti nenat yakhe lagap apigi.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.

1 Yohanes 5:14

Nen, nit yi meke iti meke Allah akla warlok apekherek meke tak-tagat, at nen woknisoagaluk kino yogokhunem ninane asuk holheregat iti iluk hutdiluk, at ilhanem ninayuk dekhogonat kino yogokhe dogosak o.