Yakobus 4:16 - ALLAH ANE WENW KET MEKE WAROGO WOKNINAKHIKHE WENE

¹⁶ hinekaerek nen hogorakhigik, siatdakhigik, hagarik nekhe lagap iti re! Itithogon hogorakhekhe lagap iti korloat o.

Yakobus 4:16 ပူးပေါင်းရင်းမြစ်များ

1 Korintus 5:6

Akhuni nen inane dagakhogon ekhe dogolik, “Hipiri roti meke hisuagaluk eken hikherek meke herlekha'bugat akla 'bilukmo nen, roti ebe tha'bokhogonat hikherek o,” iluk egarek etnogo hinokodek nogo a? Hinilu dogolik hogorakhekhe lagap iti hano 'buk. Weak o.

Yakobus 3:14

Meke re, hinakla korlo atluk ua palhik, hinekaerek hasik anek ebekhik, hagakhe dogolik, hinekaerek nen, “An hano,” iluk hogorakhekhe dogogup o. Itithogon hagasugun halok, Allah ane ebe wene iti meke thagalogo hinekalat nen ugun iti usak degat o.

1 Yohanes 2:16

Nen, akhuni agat oba meke inobabut inikhok hagakharek he, inoba agaken dageigik, yi meke ti meke inileken nen halok warlok apigik, agat oba meke hasik hogorakhigik, hagakharek iti tha'bokhogonat, erlo ninopase Allah 'buk. Erlo re, agat oba mekeat o.

A'bikaka 18:7

At he iti, ekaerek nen ekhe dogolik, An nebe he kok dogolik, akhuni napma 'bisalok hagasik welagei ha yoma re! Thoge 'banhama nen nakla weak atluk de aga dogogin nogo? Dek o, iluk yi meke ti meke oba hiakhogon dogolik ekaerek nen kokhogon hogorakhekho motok werek iti hagat, hinet kokhogon wakhe dogolik, akla weak atluk de aga dogoagaluk ukum wogotno o.