Yakobus 4:1 - ALLAH ANE WENW KET MEKE WAROGO WOKNINAKHIKHE WENE

¹ Hit wene palhik, tugi yakhik, hagakhe lagap iti, erlo nena baga nen yakhe lagap nogo. Wim yabusak warlok inetaikenma dogolik, inakla aga dageikherek iti hak, hinakla nen yi warlok ti warlok apegethep iti nenat yakhe lagap apigi.

Yakobus 4:1 ပူးပေါင်းရင်းမြစ်များ

Matius 15:19

Inetaikenma nen weak meke ebekhik, akhuni inakhik, humi ap inagugi meke param ha'isigik, homagarlugi yugunat hagarinakhik, iniki abusak waganhik, it akhuni aperek inoba inekalat wene 'bisigik, inabok wiik-weak palhik, hagakharek iti inetaikenma nenat kagalogo dagei agunem dukhi agarek o.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

Roma 7:23

niki nisok nebe a'birat, ninat meke hagakhe dogolik, wene Allah nen ninasuk wakhikhe wene etnogo nakla nen hano apegerek meke iti thebeligiluk hagakherek. Niki nisok nebe a'birat yoma weak anek hagakherek iti nen, nebe weak hagasuagaluk herle warogo negen 'banherek iti.

Roma 7:5

Alebat, nit ninobabut akhuni inobabut ninikhogat welagagu. Itithogon dogolik, wene Allah nen ninasuk wakhikhe wene etnogo werek nen, ninoba agaken dageisinem nen, niniki ninisok ninebe a'birat nen weak hagakhunem ilugun oba, motok watlaga lagagu iti.

Roma 8:7

Akhuni inobabut inikhogat dogolik hagakharek meke etnogo oba ebekhe dogolik, Allah apma ukiluk ane holek dogosak erlok dek nen holek welageikharek dek iti nen, at inom weak werek o.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

2 Timotius 2:23

Itithogon hagakhe dogolik, it akhuni aperek inetaiken abisake meke nen wene inokodek dogoligat, wenemuk yabiogei iti ilugun oba, it-it inom wim negen yabiogei iti, hinom hagakhidek here'isekhe dogono.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

Titus 3:9

Meke re, akhuni inetaiken dek nen wenemuk yakharek iti inom, inebe itaklarik wagoukha meke erloma nen pilinekharek iti inom, Allah nen ninasuk wakhikhe wene etnogo hasik, wene yakharethek nen akhuni inom weak ageikharek iti inom, tha'bokhogonat iti baga hano asigin dekma yugunat alomarogo iliogei iluk, hat nen here'isekhe dogono.

Yakobus 1:14

Itithogon mekeat he, ninebe tomok ninekaerek ninakla nen, yi meke ti meke warlok weak apogorek iti nenat ninebe wokninakhik, litnisigik, hagakhe dogolik, ninakla kagalherek iti o.

Yakobus 4:3

Nen, ageikhe Allah kino yogokhe lagap mekeat he, hinekaerek hasik anek hinetaiken nen nukunem horlauwogoluk kino usak dek mekeat korlo yogokhe lagap iti nen, wokhisiliogo dek o.

1 Petrus 1:14

Hit alebat wene iti hinokodek dogolik, yi meke ti meke warlok nen hinetaiken oba nen nukunem hagakhe lagagip iti, yabokane hinobabut iti meke waganhup o. Yekerugi nen inopase lak inane holek dogolik mothogon hagakharek iti hak, hit Allah ane hinasuk hologo mothogon hagakhe dogono.

1 Petrus 2:11

Nagarlak lak nerugi. Hinebe nakmu lak e. Hit hinebe ap huso akhuni inaila la'inagoumo lalok, etoma dogolik, yi meke ti meke hinakla nen kagalogo dageitluk, hinetaiken nen nukunem warlok apegethep meke iti re, thili meke nen inakharek iti hak hinebe weagathinabigiluk, hinakla nen kagalogo dagei agarek meke iti here'isekhe dogobageik iluk yokhisekhe lagei iti o.

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

2 Petrus 3:3

Wene ebe yi tak hutdusak. O ilugun hurli baga, akhuni aperek inane sagun weak meke inetaiken oba nen nukunem inakla nen kagalogo weak hagakhe dogolik, hinoba witluk, inane sagun yokhisekhe dogolik,