Yakobus 3:9 - ALLAH ANE WENW KET MEKE WAROGO WOKNINAKHIKHE WENE

⁹ Nina'bi iti baga ninopase Etagapogot Allah hogorakhik, akhuni at ebe hakene winametdinanhikhe meke homan 'bisigik, hagakhorek iti o.

Yakobus 3:9 ပူးပေါင်းရင်းမြစ်များ

Matius 26:74

at Petrus nen he, “Ap iti ebe an nokodek o. Nopase Allah oak! Nekalat igi halok, at nen nasuak o,” iluk, hupuk palhe korlek eranogoat thue ayam ane arat isikhe.

Matius 5:44

Itithogon meke re, an nen wene ageikhe yi yokhisak. At ninopase Allah pogot oba meke mo iteerek dogolik agat oba liarogo akhuni inobabut weak meke dek, hano meke dek, tha'bokhogonat inobasik yarisigik, nen, miso usa'i agarek iti, it mothogon hagariogei meke dek, korlo hagariogei meke dek, tha'bokhogonat inobasik usa'i ageik, hagakherek iti hak, hit hinopase Allah pogot oba meke a'buriat asubageik iluk, akhuni hinom agorek meke iti hinakmurinakhe dogolik, it weagathinabiogei meke iti, Allah nen hanorinabuagaluk, it inobasik sembayan ekhe dogono.

La'isasikhe 2:26

Iti nen, nakla arleken akhigik, nane baga hogorakhik, hagakhe lagarek. An nasumo nebe warek yabokane hano asigin, iluk nakla nen wene munini sikiphogon dogogin.

Roma 3:14

Inane puk weak inalon 'bisiliogei meke inakla kerlekhogon dogolik isi motok werek.

1 Korintus 11:7

Erlo baga nen, ap inebe erloat, humi 'buk. Humi erlo ap iti nen, ap inebe Allah hogorakharek meke ebe hakene, amukhak hakene, iluk, inukulasu thalusak dek. Meke re, humi inaguni hogorinakharek meke inamukhak hakene.

Efesus 1:3

Ninoe Etagapogot Yesus Kristus opase Allah itiat hogorakhe dogouok o. Nit Kristus ninom hunik werekma, at Allah nenat hano meke tha'bokhogonat ninetaiken hasik pogot oba nen woknisasikhemo welago.

Yakobus 1:27

Ninopase Allah nen, “Akhuni nen an nakla hanorogo mot hano motok hagakhe dogosak he, yigithogon. Yekerugi irlagakot meke inom, humi thoge meke inom, nuk atluk werekma yomageisigik, akhuni agat oba weak hagariogei meke iti inobabut waganhidek inekaerek nen kareligik, hagakhe dogosak o,” iluk akla apekherek iti o.

Yakobus 3:10

Erlo ninape opakiat iti nenat, Allah hogorakhik, akhuni homan 'bisigik, hagakhorek iti. Nagarlak lak nerugi. Itithogon hagasusak dek mekeat hagakhorek o.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.