Yakobus 2:6 - ALLAH ANE WENW KET MEKE WAROGO WOKNINAKHIKHE WENE

⁶ Itithogon wenageinakhikhe mekeat he, hit nen it inameke dek meke hinakla meanetdisekhe lagap iti. Meke re, thani nen hit hinebe weagathinakhik, pemerintah meke nen hinitema waganuagaluk wokhisik lageik hagariogei nogo. It akhuni inameke doalegat meke iti nenat itithogon hagathinabiogei apigi.

Yakobus 2:6 ပူးပေါင်းရင်းမြစ်များ

Yohanes 8:49

at Yesus nen, men yogeisasikhe, “An mokat obabut weak meke nakla ukigidek o. An nen nopase hogorakho korlek mekeat, hit nen an netaga weak hagarogo 'bekhe lagap o.

La'isasikhe 13:50

Itithogon wialarik dukhisinem, it akhuni Yahudi meke nen, humi ap itikmanke meke inagugi koktek Allah ane waganhukha meke men, it ap o ukul kokma etoma inetaga werek koktek welagoukha meke men, inom nen Paulus Barnabas ipisak mugisoagaluk inakla kagalhukha. Itithogon inakla kagalhukhama, it nen, “Hit nit ninaila yoma dogosak dek o,” iluk mukhogo ula'isasukha.

La'isasikhe 17:6

O lakhe dogolik, Paulus lak inebe dek nen, Yason men, Allah a'buri ebetlake men, iniki korlo lisogo ap koktek pemerintah meke inoba wogosik wagoukha. Wogosik wagoukhasik nen, inane kokhogonat men yogeisasukha, “Ap o yi ai ti ai elokhoken weagatdilik liliogei meke emenogo yoma wageikhasikmo,

La'isasikhe 18:12

O propinsi Akhaya etoma ap kok Galio gubernur dogoagaluk meldisukhama werekma, it akhuni Yahudi meke inebe natogotdiluk, Paulus ebe iniki hakhasukhasik nen, itema waganuagaluk ap ukum inoba 'bigik, kokhik, hagakharek meke inoba wolok lagoukha.

La'isasikhe 8:3

Allah a'buri itithogon ula'isekhe dogolik, at Saulus etnogo Allah a'buri meke wuleleken tagalinabigiluk inailake dopok ya ukigik, ta ukigik, hagakhe dogolik, ap dek, humi dek, iniki korlo lisogo wogosik, o akhuni iniki herle warogo 'bisegarekma 'bisa laga lageikhe.

1 Korintus 11:22

Hit itithogon hagakhe lagap iti nenaluk. Hipiri nikik, apusu nikik, hagasusak he, hinai halek dekma? E a, Allah a'buri hinom natogokhe lagap meke hinakla nen erlok degetdisigik, inameke dek meke inekarli asuagaluk hagakhik, hagakhe lagap a? An wene nikithogon meke yokhisagein. Hogothinabigin a? Dek o. An wene yi hasik hogothinabigin dek o.

Yakobus 2:3

hit nen at asu hano ugu ukisigin meke iti yogokhe dogolik, “Noe. Hebe o perlagoma hanoma ya hurek lasi me o,” iluk yogokhik, nen, at ameke dek meke etnogo yogokhe dogolik, “Nagot o. Hat eta metek dogogin a? Nisok 'bigima agat oba yoma hurek lasisigin a,” iluk yogokhik, hagakhe lagap halok he,

Yakobus 5:4

Hinagarumi hineram nenat gandum eken palhisoagaluk inayoko 'begepma paliogei mekeat he, oko wogeisigidegat munenekhe lagap iti nen, it nen he, “Oko woknisauem!” iluk inane kokhogon iliogei iti la'isani o! Itithogon hagakhe lagapma it inane iti ninopase Etagapogot obatneak etnogo asuk holhesik werek o.

Yakobus 5:6

It aperek mothogon hagariogei meke iti, it nen oko hit hinasusak dekmaat wene inoba 'biluk inebe inakhe lagap iti re!