Yakobus 2:5 - ALLAH ANE WENW KET MEKE WAROGO WOKNINAKHIKHE WENE

⁵ Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.

Yakobus 2:5 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

Matius 5:3

“Akhuni inakla nen, An he, Allah il oba, ebe meke hasik nerlageik welagei, iluk apegarek meke iti, kok pogot oba meke apma 'bisekherekma etoma iteerek irat iti nen, inakla arleken akhekhe dogosagat o.

Markus 7:14

At Yesus nen, wene itithogon yogeisasikhesik, yabokane akhuni doalegat emenogo waisasikhemo wagoukhama, ageikhe men yogeisasikhe, “An wene igin yi, hit tha'bokhogonat hutdubageik nen, hinasuk hanorogo holini o.

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 12:32

“Halok he, hit Allah a'buri domba hakene opakimo hulogo ukiluk welageikharek meke hinebe herlekha'bugat meke yi, nagarlak lak nerugi o! Allah nen hit at apma 'binageigiluk akla apekhesik werek iti, hinayuk agup o.

Lukas 16:22

Itithogon nasi werekma, at Lazarus ameke dek meke etnogo watlageikhe. Watlageikhemo, it malaikat pogot oba Allah nen yoko la'i agarek meke emenogo ageikhe wagoukhasik, ebe wolok nen, ap Abraham alilu 'bi lagoukha. 'Bi lagoukhama nen he, yabokane ap kok ameke doalegat meke etnogo watlageikhe. Watlageikhemo nen, agatma thalhukha.

Lukas 16:25

at Abraham nen, men yogokhikhe, Na'but e! Hat hiluk dogolik nen, hano meke anek nikik, waganhik, hagakhe korlek, Lazarus yi anek he, weagat welageikhe meke etnogo hakla ebesin! Nen, yogotak, at Lazarus yi yoma wagasik akla hano agasik werek korlegat, hat anek he, hinet weak warekhe lagan iti.

Lukas 22:29

an nopase nen akhuni an napma hagasik dogoagaluk meldanhikhe iti hak, hit meneke akhuni an napma 'bisageinmo etoma hipiri nikik, i nikik, hagakhe dogolik, hinoboluk o perlago baga kogat hurek dogolik, akhuni Israel meke inukuloak etaga 12 oba emenogo ukum inoba 'bigik, kokhik, hagasubageik nen, iluk hirat meldinagagi o,” iluk yogeisasikhe.

Lukas 6:20

Itithogon hagakhunem, at Yesus nen agarumi ane waganhe lagoukha meke emenogo ileken inoba 'biluk nen, men yogeisasikhe, “Hit hinerlageik meke, Allah apma 'binagagin iti nen he, hinakla arleken akhekhe dogono o.

Yohanes 7:48

Nit ap Yahudi meke ninougi koktek inom, ap Farisi meke inom, aperek nen inetaiken at oba hakotdiluk hagakhunem ageikhe hisekhe lagap a? Motok dek o.

La'isasikhe 7:2

Yogokhikhemo, at Stefanus nen, men yogeisasikhe, “Nougi, nagarumi, nopase lak. Wene igin yi, hinasuk hanorogo holini. Ninopa Abraham etnogo o Haran tekhogon wageidek, o Mesopotamia werekma Allah, nogorakhorek meke etnogo elokhoma melageikhe.

Roma 8:17

Nit ninebe Allah a'buri halok he, at Kristus yi aik ti aik hasikhe hak, hugun halok, Allah nen nit Kristus ninomat hogotninabigin iti nen, Allah nen yi meke ti meke at a'buri wogeisagaluk abok yogeisasikhe meke iti, at Kristus ninomat woknisaumo, iteerek dogogun o.

1 Korintus 2:9

Wene iti hasik, Allah ane yigithogon holal waganek werek, “At Allah nen yi meke it meke akhuni nen inileken higidek. Inasuk holhidek. Inakla nen kagalhidek. Meke re, tha'bokhogonat nit akhuni at ebe ninakmu welagorek meke karelogo 'binanhemo werek o,” iluk holal waganogo 'bisukhama werek.

2 Korintus 4:15

Nit yi aik ti aik tha'bokhogonat hekhe lago iti, hit hinobasigat o. Itithogon hekhe lago baga, at Allah obabut hano motok nen akhuni aperek akmurinakhik, aperek akmurinakhik, inebe doalegat akmurinabiluk tilinakhunem, inebe doalegat nen, Allah heagei wariogei iti baga, it aperek nen Allah hogorariogei o.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

Efesus 1:18

At nenat hinakla liathinakhunem, hit nen he, “Ninayoko 'bisikhe meke etnogo nen yabokane hanotninabigin,” iluk, hinakla arlekenhogon oba eberek welagap meke etnogo hinilu ageik, yi meke ti meke hano meke hogorakho motok dogogun meke at a'buri woknisagaluk kokhogon hulogo 'binanhikhe meke iti, hinilu ageik,

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

2 Tesalonika 1:5

Allah nen akhuni ukum inoba 'bigik, kokhik, mothogon 'bekherek iluk ekagat asigin. Hit yogotak Allah apma ukiluk ane hologo welagap iti hasik, akhuni nen yi aik ti aik hagathinakho korlek itithogon welagap iti nen, at nen yabokane, “Hit erlok an napma ukiluk hinaierek motok dogono o,” iluk, yokhisagein iti o.

1 Timotius 6:18

It iti hanorogon hagakhe dogolik, inameke doalegat dogou hak, akhuni aperek hanorogon yomageisekhe dogolik, inameke dek meke wogeisigik, supurisigik, hagakhe dogoagaluk inasuk wakhe dogono.

2 Timotius 4:18

Itithogon tilnakhesik nen, yabokane akhuni nen yi weak ti weak hagatnabuogoluk hagakhunem, at nenat tilnakhe dogoluk nen, karelogo woknarik pogot oba, at apma dogogunmo etoma ukigin iti hasik, at hogorakho motok dogouok, iluk, “Amin,” igi iti o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

Yakobus 1:16

Nagarlak lak nerugi. Hinebe nakmu o. Hinekaerek nen nukhetdakhaunogo iluk yokhisigi iti o.

Yakobus 1:19

Nagarlak lak nerugi.Hinebe nakmu lak o. Wene yi hinakla eberek dogono o. Hinebe tomok wene hinasuk ibat ibat holiluk nen, hinane baga nen erogat igik, hinakla aga dagei agunem hinetaiken thebelogo dogoluk nen erogat igik, hagakhe dogono o.

Yakobus 1:9

Hit Allah a'buri hinameke dek meke aperek inapma dogolik, “An Allah nen kogotdanhemo welagei o,” iluk hinakla arleken akhausak o.

1 Petrus 1:4

Itithogon hanotninakhunem iteerek asugun meke iti, hirli ageidek weak ageidek, dek ageidek, ikhok motok dogogin meke pogot oba ageikhe hit 'binageikhemo werek o.

2 Petrus 1:11

Ninoe Etagapogot Yesus Kristus tilninabiogo meke etnogo, kok motogat dogoginmo etoma 'binagei ukekhe dogolik, at nen, “Hit hinebe iteerek o,” iluk, heagei warogo hanorogo wokhisik ukigin o.

A'bikaka 2:9

Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.

A'bikaka 21:7

At tha nen obatne asigin meke halok, wene tha'bokhogonat igi iti, at iteerek dogogin o. Itithogon iteerek dogolik, an Allah at opase noba hakotdiluk dogogin mekeat dogogin, nen, at an na'burat dogogin o.

A'bikaka 3:18

Itithogon welagap iti nen, hit koktek hinikierek asubageik nen, emas hetu werago hano hagakharek meke noba oko paligik, hinalpalegat welagap meke iti, hinekarli asunogo nen, ikhauwogoluk su kut meke noba oko paligik, hinileken puk meke iti, hano agunem yi meke ti meke lakhekhe dogouogoluk, apusu hinileken obake wasubageik nen noba oko paligik, hagasubageik nen iluk hinasuk wakhe lagei o.