Yakobus 2:23 - ALLAH ANE WENW KET MEKE WAROGO WOKNINAKHIKHE WENE

²³ Itithogon hagakhikhe iti baga nen wene men iluk holal waganogo 'bisukha meke iti ebeat hagatlageikhe, “Abraham etaiken Allah oba hakotdisikhemo, at Allah nen he, Hat hobabut mot hagakhe dogou hak, hetaiken noba hakotdegenma, wene hoba meke korogo wokhigirik hapuke nipisak hunogo 'bagagi itiat o,” iluk yogokhikhemo hola waganogo 'bisukha. Iti nen he, Allah nen, “Abraham nipisak hunigat welago,” iluk isikhe iti o.

Yakobus 2:23 ပူးပေါင်းရင်းမြစ်များ

Markus 12:10

Hit nen Allah ane holal yigithogon waganogo 'bisukhama etaga thalhidek welagap nogo? It nen, It ap tukang o helekit meke halharek meke nen, o ebe halhe dogolik, Helekit yi weak, iluk here'isukha meke iti ebe herlagaat hagatlagama o.

Markus 15:27

Yesus ebe o baga turlem itithogon meldisukhasik nen, it ap inebe pere akhuni inameke iniki abusak waganhe lagoukha meke, ageikhe iki ebeke, ageikhe iki paike, inom meldisalok inakhukhaat. [

Lukas 4:21

Itithogon inileken 'birogo werekma, at Yesus nen, “Allah ane holal waganek meke yi baga, Itithogon hagasugun, iluk isukha meke etnogo yogotak yakulhisugunem hinasuk holhe korlek yaat ipisak higit aga o,” iluk isikhemo

La'isasikhe 1:16

“Nagarlak lak nerugi. At Yudas etnogo, nit ninom yabu hano hagakhe dogoagaluk Yesus nen ayoko 'biluk meldisikhemo, nit ninom hano welagosik mekeat he, haganeat wene Allah Agoreke nen at Yudas hasik isikhemo, at Daud nen holal waganogo 'bisikhe meke werekma, at Yudas nen ap nen Yesus ebe hakhoagaluk wogosik waga iti, hagatlasusak obaat hagatlaga iti,” iluk yogeisasikhe.

Roma 11:2

Allah nen a'buri haganeat nen wenageinakhikhe meke iti here'isasikhe dek o. Wene at Elia nen hagakhikhe wene holal waganek werek etnogo hinokodek nogo? At nen Allah nen it wene inoba 'bekhe dogoagaluk, men ekhe lageikhe,

Roma 9:17

At Allah nen kok Firaun men yogokhikhe, “An nen yi hasigat meldagagi o. Akhuni nen an nobatne inilu ageik, netaga o yi ai ti ai yogeisilik lageik, hagasuagaluk meldagagi o,” iluk yogokhikhemo Allah ane holal waganek etnogo baga holal waganogo 'bisukha.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Galatia 3:6

Wene iti hakene, at Abraham etaiken Allah oba hakotdisikhemo at Allah nen, “Hat hobabut mothogon hagakhe dogou hak, hetaiken noba hakotdegenma, wene hoba meke korogo wokhigirik hapuke nipisak hunogo 'bagagi itiat o,” iluk yogokhikhe.

2 Timotius 3:16

Allah ane holal waganek iti tha'bokhogonat, at nenat inakla kagalhikhemo, holal waganogo 'bisukha meke iti baga, akhuni aperek wene ebe wene yakulisigik, korlo hagakhunem inasuk wakhik, inobabut hebelinakhik, Allah akla warlok apekherek meke mothogon hagakhe dogoagaluk inasuk wakhik, hagakhe dogosagat o.

Yakobus 2:24

Iti hakene, Allah eberogonat iluk iti anek apaumo re, Allah nen, “Wene hoba meke korogo wokhigirik hapuke nipisak hunogo 'bagagi o,” iluk yogeisekherek dek higi. Itithogon apekhe dogolik, niniki baga nen inomat hagakhunem iti baga nen anek he, itithogon yogeisekherek iti 'bikhani!

1 Petrus 2:6

Iti meke hasik Allah nen men isikhe, “An nen, helekit hano motok meke wenago o Sion etoma o herlaga ageikhe warogo 'bigi yi 'bikhani. Hit akhuni hinebe dopok hinetaiken at oba hakotdiluk dogogun halok he, hinekarli hugun dek o,” ilu isikhemo holal waganogo 'bisukha iti.