Yakobus 2:19 - ALLAH ANE WENW KET MEKE WAROGO WOKNINAKHIKHE WENE

¹⁹ Hat ageikhe nen he, “At Allah ebe opakiat,” iluk eberogonat apekhe lagan iti hanoat mekeat he, Iblis agarumi inobabut weak meke inom nen, iti hagat eberogonat apekhe dogolik, ebe inayuk nen arlik halharegat o.

Yakobus 2:19 ပူးပေါင်းရင်းမြစ်များ

Matius 8:29

inane kokhogonat, men yogokhukha, “Hat Allah a'but yi. Hat nen, nit nikithogon hagatninabigiluk wagan. Nit ninasusak oba aban werek korlegat, hat tak ninasigiluk wagan yoma re!” iluk yogokhukha.

Markus 1:24

“Yesus ai Nazaret meke yi! Hat nen nikithogon hagatninabigiluk wagan. Nit weagatninabigiluk wagan a? Hat hebe Allah ekaerek hasik meldageikhesik la'agei agama wagan iti, an nen hutdagagi o,” iluk ane kokhogonat yogokhikhe.

Markus 12:29

Hinok oba waganhikhemo, at Yesus nen men yogokhikhe, “Wene iti hok he, Musa nen men isikhe Hit ap Yahudi meke yi hinasuk holini! Ninopase Etagapogot Allah arligat o.

Markus 5:7

“Yesus Allah Etagapogot a'but yi, nikithogon hagatnabigiluk wagan,” iluk yogokhikhemo, at Yesus nen, “Mokat hobabut weak meke yi, ap yi akla nen dukhi lan o,” iluk yogokhunem, at etnogo ane kokhogon ekhe dogolik, “Eiye. Na'it o. Nopase Allah oak o. Weagatnakhun,” iluk ane kokhogon isikhe.

Markus 7:9

Itithogon yogeisalok, wene ageikhe men yogeisasikhe, “Hit hinakla motok kagalek yi nayuk o! Hinopa lak hagakhe lagoukha meke iti hinobatnerogon herogo dogouogoluk, wene Allah nen ninasuk wakhikhe wene iti thagalogo here'isekhe lagap iti hano higi,” iluk inekarli wakhikhe.

Lukas 4:34

“Yesus Nazaret meke yi ra! Hat nen nikithogon hagatninabigiluk wagan! Nit weagatninabigiluk wagan a? Hat hebe, Allah ekaerek hasik meldageikhesik la'agei agama wagan iti, an nen hutdagagi o,” iluk ane kokhogon yogokhikhemo,

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

La'isasikhe 16:17

Nit Paulus ninom lagunem, at horlak iti ninoporligat lageikhe. Laga dogolik, ane kokhogonat akhuni men yogeisasikhe, “It ap yi inebe Allah Etagapogot atuaneke welageikharek meke nen wene hinebe tilhinabusak wene yokhisuogoluk wageikha o,” iluk yogeisasikhe.

La'isasikhe 19:15

Walhasinem, at mokat obabut weak meke nen, “Yesus iti ebe, an nilu. Nen, Paulus iti ebe, abok nasuk holhi mekeat. Meke re, hit yi hinebe thani he. An nokodek,” iluk yogeisasikhesik nen,

La'isasikhe 24:25

Itithogon holek werek korlek, mothogon hagakhe dogosak wene iti men, inetaiken thebekhogon dogosak wene iti men, yabokane Allah nen akhuni ninitema waganiluk ukum ninoba 'bigik,kokhik, hagasigin wene iti men, yogeisugunem, Feliks ayuk ageikhe. Ayuk atluk nen, “Yogotak wene arat egen o. Yabokane usak mot aga halok he, wahesigin o,” iluk apuke la'isikhe.

Roma 3:30

At Allah ebe opakiat iti nen, nit akhuni Yahudi meke ninetaiken at oba hakotdisinem nen, wene ninoba meke korogo wokhalok at ninom ninapuke hunogo 'binanhik, nen, it itikmanke meke inetaiken at oba hakotdisinem nen, itithogonat 'bisigik, hagakherek o.

1 Korintus 8:4

Kaneke ako wakharek iti re, kaneke agat oba meke yoma ebe dek mekeat, iluk ninilu. Ninopase Allah ebe opakiat. Ageikhe motok dek o.

1 Korintus 8:6

Itithogon mekeat, nit ninopase Allah ebe opakiat. Ageikhe dek. Yi meke ti meke tha'bokhogonat at nen walhasikhemo ninebe at hasigat welago. Itithogonat, ninoe Etagapogot Yesus Kristus ebe opakiat o. Yi meke ti meke tha'bokhogonat Allah nen walhasikhe iti, ebe at Yesus nen walhasikhesik, ninebe at oba nenat niniluk welago.

Galatia 3:20

Akhuni pere mikirlogo hurli warek werekma, ap ageikhe turlem heisogo dogosagat o. Itithogon mekeat he, at Allah ekaerek nen wene abok yoknisekherek iti nen, at nen wene oko dek ebalake anegat yoknisekherek iti.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

Yakobus 2:8

Meke re, hit nen mothogon hagakhe dogosak meke yi. Allah nen ninasuk wakhe dogolik wene kok, men isikhe, “Hit hinekaerek hinebe hinakmurogon welagathep iti hak, it akhuni aperek hinom welagap meke iti hinakmurogon dogono,” iluk isikhemo, holal waganhukha meke werek iti tak-tagat hagakhe dogogun halok, mothogon hano hagakhe dogogun o.

Yudas 1:6

Nen, at Allah nen it malaikat yoko usa'isa agarek meke hagasusak meke supurogo wogeisasikhe mekeat he, it ninat meke inagarlak lak hagasusak meke inakhane pok lalok inekaerek inaila here'isukhama, Allah nen herle motok dogogin meke baga iniki herle warogo o motok mummo agat abel wemake 'bisasikhemo werek iti. Itithogon motok dogoluk nen, yabokane akhuni ukum kokhogon inoba 'bigin itinem, it inomat inoba 'bigiluk nen, iniki herle hisalinabigin iti hinakla ebetni.

A'bikaka 20:10

Itithogon hali nasi korlek, at helo yeke hakene etnogo inom, at ageikhe nen, “An Allah ane yogeisekhe lagei,” iluk ekalat nukhetdisekherek meke etnogo inom, i laut hetu meke yekelekma hotali al hakene obasi weak meke etaga belerang inom-inom amulok nasi motok welagarekma etoma po wukhogon usa'isekhe. Usa'isekhemo etoma werekma, Iblis etnogo yabokane inoba po wukhogon usa'isekhemo inom etoma dogolik, dikene hibakone hinet wakho motok-motok dogogun hisigi.