Yakobus 1:25 - ALLAH ANE WENW KET MEKE WAROGO WOKNINAKHIKHE WENE

²⁵ Nit akhuni herle warek negen werekma, wene hano wene Allah nen ninasuk warogo 'bogokhogon yoknisekherek iti baga hialninakherek. Halok he, tha nen wene iti asuk anek holiluk nen, obarlikmatdekherek 'buk. Hutukhogon hutdiluk, oba eberek motok dogolik, wene iti mothogon hagakhe halok, yi meke ti meke hagakhunem, Allah nen akla arlekenhogon yomakhekhe dogogin o.

Yakobus 1:25 ပူးပေါင်းရင်းမြစ်များ

Lukas 11:28

at Yesus nen, men yogokhikhe, “At iti anek dek o. It aperek Allah ane iti inasuk holiluk mothogon hagakhe dogogun halok he, inakla arleken motok akhekhe dogoagat o,” iluk yogokhikhe.

Yohanes 13:17

An nen wene yokhisigi iti hinilu atluk hagakhe dogogun halok he, hinakla arleken akhekhe dogogun o.

Yohanes 8:36

Iti hak, an Allah ebe a'but nen, hit herle hisalogo hinasokne 'binagagi halok, eberogonat herle hisalek hinasokneat dogogun o,” iluk yogeisasikhe.

La'isasikhe 13:43

Yogeisasukhama, it sembayan ekhe lagoukhama nen dukhisukhasik lagunem, it akhuni Yahudi meke men, itikmanke meke Allah ane wagahukhasik Yahudi meke negen welagoukha meke men, inebe doalegat inoporlik lagoukha. Lagoukhama, it Paulus Barnabas ipisak nen men yogeisasukha, “Allah obabut hano nen hagatninakherek meke iti, hinetaiken hunik dogolik hagakhe dogono o,” iluk inasuk wakhukha.

La'isasikhe 2:42

Inom dapukhogon hanoat dogolik, it ap Yesus nen inayoko 'biluk la'isasikhe meke emenogo nen wene yakulisugunem hunik-hunigat inasuk holhik, hipiri inom kusogo nikik, sembayan inom igik, hagakhe lagoukha.

La'isasikhe 26:22

Nasuogoluk hagakhukha mekeat, Allah nen haknarek motok werekma, an yogotak yoma metek dogolik hit ap koktek men, hinagarumi men, wene an nen yokhisekhe lagei yi. Wene yi haganeat nen, it ap Allah ane yogeisekhe lagoukha meke nen men, at Musa nen men, Yabokane itithogon hagatlasigin, iluk isukha mekeat yokhisekhe lagei o.

Roma 11:22

Allah obabut he, obabut enago inom, anini weak inom, welagarek iti 'bikhani! It alomatlagoukha meke hasik, obabut anini weak iti. Nen, hit at oba enago meke hinom hunik dogogun halok he, oba enago iti. Meke re, itithogon hunik dogogun dek halok he, hit itithogonat palogo la'inagagin o.

Roma 2:13

Wene Allah nen ninasuk wakhikhe wene etnogo inilu iti baga, wene inoba meke korogo wokhekherek 'buk. Wene ebe ninasuk wakhikhe meke mothogon hagakharek meke halok, wene inoba meke korogo wokhekherek o.

Roma 7:12

Wene Allah nen ninasuk wakhikhe wene iti, Allah aneat o. “Yigithogon hagasusak dek, tigithogon hagasusak dek,” iluk ninasuk wakhikhe wene iti ebe tomok at aneat o. Wene iti mot hano motok isikhe o.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

2 Korintus 13:5

Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

Galatia 2:4

Itithogon mekeat he, it aperek nen he, ninagarlak lak Allah a'buri meke negen hagatlatluk lelokhogon limago ukitluk nen, oado aperlagap paluagaluk isukhaat. Itithogon limago ukitluk nen, nit Kristus ninom opakiat atluk ninasokneat dogolik ninobabut hagakhorek meke iti, it nen, “Erlo nikithogon nen hagatlageikhasik hagariogei,” iluk erlo herasuogoluk uki agoukha iti. Itithogon herakhukhasik inapma 'binaniluk, it hagakharek meke iti hagakhe dogoagaluk inileken 'bitnisa uki agoukha iti.

Galatia 5:1

Nit Kristus nen ninasokneat 'binanhikhemo yogotak ninasokneat welago. Iti nen, yi meke ti meke akin weak meke it akhuni inatuaneke meke nen o perlago wolok loagaluk inomorlo baga 'begarek hak, akin meke iti yabokane hinoba 'binogo iluk, hinobatnerogon metek dogono.

Galatia 6:2

Hit-hit hinoba akin meke werek halok, hinebe dopok ageikhe nen ageikhe yomak-yomak hagakhe dogono o. Itithogon hagakhe dogogun iti baga nen, wene Kristus nen ninasuk warogo yakulnisasikhe wene etnogoat mothogon hagakhe dogogun iti.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

1 Timotius 2:15

Itithogonat meke re, it humi inetaiken Allah oba hakotdiluk nen, inebe Allah hasik 'bisalok karelek dogolik, akhuni aperek inakmurinakhik, inilaga isonhogon hagakhik, hagakhe dogogun halok he, ineagei itaginakhunem, Allah nen tilinabiginat o.

1 Timotius 4:16

Itithogon hagakhe dogolik, hekaerek hasik inom, it akhuni aperek yakulisekhe lagan meke inobasik inom, hobabut hebelogo dogono. Hobabut hebelogo dogolik, hakla puk ageidek, iti mekeat hagakho motok dogono. Itithogon hagakhe dogogin halok, hekaerek nen hebe tiligik, akhuni aperek hano holiogei meke inebe tilinakhik, hagasigin o.

Ibrani 12:15

Akhuni hit meke aperek Allah obabut hano nen woknisekherek meke iti here'isalok dukhisinem, arle-arleka dabulatluk nen, hano meke arletdekherek hak, ap iti nen akhuni tha'bokhogonat weagarinabinogo iluk hinileken hanorogon dogono o.

Yakobus 2:12

Ninebe niniki herle warek negen werekma, Allah ane iti bagaat hisalogo 'binanherek iti. Wene iti bagaat ninitema waganigin o, iluk, hinane mothogon igik, hiniki nen mothogon hagakhik, hagakhe dogono o.

1 Petrus 2:16

Itithogon dogolik, hit nen, “Nit weak meke apma werekma, Allah nen herle hisalogo ninasokneat 'binanhikhemo welago,” iluk, weak ageikhe limago hagakhe dogogup. Hinobabut Allah atuaneke dogolik hagasusak meke mothogonat hagakhe dogono o.

1 Yohanes 2:24

Nen, hit he, wene alebat hinasuk holhigip meke iti, hinakla waganiluk nen, eberek motogat dogono. Itithogon eberek dogogun halok he, hinebe ninopase Allah a'but Yesus ipisak hinom hunik dogogun o.

A'bikaka 14:13

Wene itithogon isinem holhirik oba nen, yabokane, pogot oba nen ane men yoknikhunem nasuk holhi, “Yogotak akhuni ninoe Etagapogot inom hunik dogolik, at hasik hano hagakhunem inasugun meke, inakla motok arleken akhagun o, iluk holal waganogo 'bino o,” iluk yoknikhunem Allah Agoreke pogot oba nen ane kokhogon men yoknekhe, “Iti eberogonat o. It akhuni iti Yesus obasik thet wiik-weakhogon yabu hagakhe lageikha meke iti, ebe hagakhukha meke wolok lugun iti nen he, thet hano walugun o,” iluk yoknikhunem nasuk holhi.

A'bikaka 22:14

Nen, it aperek inasu hanorogon thobalogo 'bakhalok dogogun meke anek he, Allah nen hanorinakhunem inakla arleken akhalok, o eken nasinem inilugurinakherek meke etnogo eken nikik, nen o kota etoma holagapema ukekhe dogouogoluk iteerek atluk dogogun.