Yakobus 1:22 - ALLAH ANE WENW KET MEKE WAROGO WOKNINAKHIKHE WENE

²² Wene Allah ane iti hinasuk anek holiluk huk asumo nen, hinekaerek nen nukhetdakhagun iti nen, hinasuk holiluk, hutukhogon hagakhe dogono o.

Yakobus 1:22 ပူးပေါင်းရင်းမြစ်များ

Matius 12:50

Tha nen an nopase pogot oba meke akla apekherek meke mothogon hagakherek halok, at iti an nagot, neru, nagosa werek o,” iluk yogokhikhe.

Lukas 11:28

at Yesus nen, men yogokhikhe, “At iti anek dek o. It aperek Allah ane iti inasuk holiluk mothogon hagakhe dogogun halok he, inakla arleken motok akhekhe dogoagat o,” iluk yogokhikhe.

Yohanes 13:17

An nen wene yokhisigi iti hinilu atluk hagakhe dogogun halok he, hinakla arleken akhekhe dogogun o.

Roma 2:13

Wene Allah nen ninasuk wakhikhe wene etnogo inilu iti baga, wene inoba meke korogo wokhekherek 'buk. Wene ebe ninasuk wakhikhe meke mothogon hagakharek meke halok, wene inoba meke korogo wokhekherek o.

1 Korintus 15:33

Akhuni nen ekhe dogolik, “It aperek inobabut weak meke hinom hunisugun halok he, hit hinobabut hano meke weak asigin o,” iluk egarek iti eberogonat iluk hinekaerek nen hinebe dalugup o.

1 Korintus 3:18

Hinekaerek nen hinebe dalugup o. Hat ageikhe nen, “An akhuni yoma inawene meke nakla kagalek o,” iluk apekhe lagan halok he, hakla ebe wene iti kagalasuak nen, akhuni inawene iti hakla abit asuak o.

1 Korintus 6:9

Akhuni weak hagariogei meke Allah apma 'bisekherekma iti iteerek asugun dek o, iluk, hinokodek nogo? Hinekaerek nen dalugup. Humi yugunat ha'isegarek meke inom, inetaiken kaneke oba hakotdiluk dogolik hogorakharek meke inom, ap inagugi meke param ha'isegarek meke inom, ap nen humi ha'isegarek hak it ap-ap ha'isegarek meke inom,

Galatia 6:3

Meke re, hat ageikhe hetaga dek dogoligat, “An kok,” iluk, hakla nen apekhe lagan halok he, hekaerek nen nukhetdakhekhe lagan iti.

Galatia 6:7

At Allah dal-kalhogo yogosusak nogo? Motok dek o. Meke re, “Itithogon yogosusak erlogat,” iluk apagun halok, hinekaerek nen nukhetdakhagagun o. Akhuni nen yi meke ti meke ai yakharek meke, eken iti mekeat horle agunem, ebe palharek iti hak,

Filipi 4:8

Nagarlak lak nerugi. Wene ilugun oba yi ageikhe yokhisak. Hinakla ebekhe dogolik, hanorogon hagakhik, hogorinabusak meke hagakhik, hagariogei meke oba ebekhe dogono. Iti ebe re, wene eberogonat meke oba ebekhik, hogorasusak meke oba ebekhik, mothogon hagakharek meke oba ebekhik, weak meke thogotdiluk hano anek hagakharek meke oba ebekhik, inobabut heanerogon hagakharek meke oba ebekhik, inoba la'buk usak meke oba ebekhik, ebekho motogat dogono.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

2 Timotius 3:13

Weagatninakhe korlegat, it aperek weak hagakhe dogolik nukhetdisiliogei meke iti, it aperek nen nukhetdisugunem, it nen oko-oko nukhetdisigigat hagakhe dogolik, weak arik-arigat kokhogon weak akhagun iti o.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

Yakobus 1:26

Nen, tha nen, “An Allah apma dogolik mothogon hagakhe lagei,” iluk apekhe dogoligat, ane ilugun oba yugunat ekherek halok kuda ape herle wakherek iti hak, at itithogonat ape hanorogo therogo welageidek halok ekaerek nen nukhetdakhekhe dogolik, “Allah akla hanorogon hagakhe lagei,” iluk ekherek thalek, we wirlidikhogonat hagariogo o.

Yakobus 4:11

Nagarlak lak nerugi. Hit-hit hinabok pal-pal ekhe dogosak dek o. Hinagarlak lak hinerugi aperek inabok palhik, wene inoba 'bigik, hagakhep halok he, wene Allah nen ninasuk wakhikhe wene etnogoat weak iluk u hagat, ekhe lagap iti o. Nen, wene iti weak iluk ekhe lagap halok, wene iti hinasuk hologo hagakhe lagap 'buk. Hit nen he, “Wene iti weak. Ebe hano itithogon usak meke isikhemo,” iluk u hak ekhe lagap iti o.

Yakobus 4:17

Hit hinakla nen he, “Mot hagasusak he, itithogon,” iluk hinilu dogoligat he, ebe hagakhidek halok he, hit weak hagatluk wene hinoba 'bakhekhe lagap o.

2 Petrus 2:13

It nen it aperek weak hagarinakhe dogogun iti baga, Allah nen oko weak hagarinabigin iti. It he, inetaiken thebelu'buk dikeneat weak hagasu warlok nen hagakhe dogogun iti. Su hano werek korlek, mirli meke oba dabulageik, huriagap hagatlageik, hagakherek iti hak, hit pesta isago nukunem, it iti inetaiken thebelu 'buk, yi meke ti meke inetaiken nen nukunem yi weak ti weak hagakhe dogoligat, hinoba ukitluk, hinom opakimo neke dogogun iti.

1 Yohanes 1:8

Itithogonat meke re, nit nen ekhe dogolik, “Nit weak ageikhe hagakhidek,” iluk ekhe lago halok he, ninekalat ninekaerek nukhetdakhekhe lago iti nen, ebe wene ninakla motok dek o.

1 Yohanes 2:3

Wene Allah nen ninasuk wakherek wene iti, hologo mothogon hagakhe lago halok he, at ebe ninilu o, iluk iti baga nen ninetai ekerlogo hutdekhe lago.

1 Yohanes 3:7

Na'buri o. It akhuni aperek nen nukhetdinagunogo iluk hinobabut hebelogo dogono o. Tha nen obabut mothogon hagakherek halok he, at Kristus obabut mothogon hagakherek iti hagat, hagakho werek o.

3 Yohanes 1:11

Nagarlak o. Hebe nakmu. Hat nen he, it akhuni inobabut weak hagakharek meke iti, inobabut waganhun o. It inobabut hano hagakharek meke halok, inobabut waganhe dogono o. Tha nen obabut hano anek hagakherek meke iti ebe Allah a'but mekeat he, tha nen obabut weak anek hagakherek meke halok, at nen Allah ebe ileken hekerek dek okodek o.

A'bikaka 22:7

Itithogon yoknikhunem, at Yesus nen men yoknekhe, “Lakhan! An ibat-ibat wisigin o. Itithogon wagunem tha nen yi wene ti wene holal waganek meke yi asuk hologo mothogon hagakhe dogogin halok, Allah nen hanotdisinem akla arleken akhagein o,” iluk yoknekhe.