Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.
Yakobus 1:19 - ALLAH ANE WENW KET MEKE WAROGO WOKNINAKHIKHE WENE19 Nagarlak lak nerugi.Hinebe nakmu lak o. Wene yi hinakla eberek dogono o. Hinebe tomok wene hinasuk ibat ibat holiluk nen, hinane baga nen erogat igik, hinakla aga dagei agunem hinetaiken thebelogo dogoluk nen erogat igik, hagakhe dogono o. အခန်းကိုကြည့်ပါ။ |
Yakobus 1:19
54 ပူးပေါင်းရင်းမြစ်များ
At Daud ekaerek nen Kristus ebe hasik, An noe Etagapogot, iluk isikhe mekeat he, hit nen, Kristus iti Daud nen itago meke o, iluk nikithogon nen usak apegep. Itithogon usak erlok dek o,” iluk yogeisasikhe. Wene itithogon yakulisugunem it akhuni doalegat emenogo, at ane holhe dogolik, inakla arleken akhekhe lagoukha.
Iti nenat, an niki ageikhe welageidegat, ap ageikhe hayoko hoba la'isigima, hat hobabut hano nen huk ageidek hano wagan, noe. Nit tha'bokhogonat yogotak Allah il oba welago yoma re, ninoe Etagapogot nen, Wene yogeisano, iluk yokhekhe meke, wene iti tha'bokhogonat ninasuk holuogoluk welago, noe,” iluk yogokhikhe.
Itithogon yogeisugunem, it akhuni itikmanke meke inasuk holhukhasik nen, “Ninoe Etagapogot nen wene iti hano motok isikhemo higi,” iluk hogorakhukhasik inakla arleken akhasukha. Inakla arleken akhalok nen, Allah nen it naburlal-haburlal hagarinabigiluk wenageinakhikhe meke nen, “Wene iti eberogonat,” illuk hutdisukhasik waganhukha.
It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.
At Allah nen Kristus ebe opakiat meke hinom dapukhogon hunik dogobageik iluk hinayoko 'bisikhe iti nen, yi meke ti meke hagasuogoluk, hinakla nen, “Kristus nen ninom dapukhogon 'binanhikhemo welago,” iluk, wene itiat kogotdekhe dogolik, mothogon hagakhe dogono. Itithogon hagakhe dogolik, Allah ebe heagei wakhe dogono.
Itithogon mekeat he, yogotak hit hinobabut ageikhe yi meke tha'bokhogonat here'isausagat. Inakla aga dageikherek iti inom, inakla hetpet ekherek iti inom, it aperek weagarinakharek iti inom, inape baga, inabok weak palhik, weak hagakharek meke asagan tha'bok igik, egarek iti inom, here'isekhe dogono.
Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.
Nen, tha nen, “An Allah apma dogolik mothogon hagakhe lagei,” iluk apekhe dogoligat, ane ilugun oba yugunat ekherek halok kuda ape herle wakherek iti hak, at itithogonat ape hanorogo therogo welageidek halok ekaerek nen nukhetdakhekhe dogolik, “Allah akla hanorogon hagakhe lagei,” iluk ekherek thalek, we wirlidikhogonat hagariogo o.
Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.
Nagarlak lak nerugi. Hit-hit hinabok pal-pal ekhe dogosak dek o. Hinagarlak lak hinerugi aperek inabok palhik, wene inoba 'bigik, hagakhep halok he, wene Allah nen ninasuk wakhikhe wene etnogoat weak iluk u hagat, ekhe lagap iti o. Nen, wene iti weak iluk ekhe lagap halok, wene iti hinasuk hologo hagakhe lagap 'buk. Hit nen he, “Wene iti weak. Ebe hano itithogon usak meke isikhemo,” iluk u hak ekhe lagap iti o.
Nagarlak lak nerugi. Wene ageikhe kok meke yi yokhisak. Allah nen wene hinoba 'binogo iluk, hit nen pogot oba meke ageikhe etaga palhik, agat oba meke ageikhe etaga palhik, ninat meke ageikhe etaga palhik, inetaga hupuk palhe dogogup. “I o,” uogoluk halok he, 'bogokhogon, “I o,” usak. Nen, “Dek o,” uogoluk halok he, 'bogokhogonat, “Dek o,” usak.
ကြော်ငြာတွေ