Yakobus 1:14 - ALLAH ANE WENW KET MEKE WAROGO WOKNINAKHIKHE WENE

¹⁴ Itithogon mekeat he, ninebe tomok ninekaerek ninakla nen, yi meke ti meke warlok weak apogorek iti nenat ninebe wokninakhik, litnisigik, hagakhe dogolik, ninakla kagalherek iti o.

Yakobus 1:14 ပူးပေါင်းရင်းမြစ်များ

Matius 15:18

Meke re, wene inape baga nen dukhekherek iti re, inetaikenma nen kagalogo dagei agarek iti nenat inebe weagarinakherek o.

Matius 15:20

Wene inetaikenma nen kagalogo dagei agarek iti nen inebe weagarinakherek. Meke re, iniki baga hokhidek hipiri nekarek iti baga weagarinakherek dek o,” iluk yogeisasikhe.

Matius 4:1

Ima usa'isikhemo, Yesus Iblis nen akla kagaluagaluk, Allah Agoreke nen wolok o limo akhuni dekma etoma lageikhe.

Matius 5:28

Mekeat he, an nen wene yi yokhisak. Ap tha nen, he ageikhe ileken lakhalok akla nen, Eiye. An he iti param hagatle, iluk apekhe halok, akla nen param eberogonat arat ha'ekhe o.

Roma 7:11

Allah nen ninasuk wakhikhe wene iti baga, weak hagakharek iti nakla kagalogo nen, nukhetdanhikhesik nen, nebe nakhikhe iti.

Roma 7:13

Halok he, wene iti hano motok isikhe meke iti nen an nebe watlagagi nogo? Motok dek o. Weak hagakharek iti nenat o. Weak hagakharek iti nen, hano meke iti baga warogo 'banhikhemo, ekagat ageikhe. Wene Allah nen ninasuk wakhikhe iti bagaat, inobabut weak hagakharek iti motok weak, iluk ekagat hagatlageikhe iti.

Efesus 4:22

Alebageik he, hinakla yi warlok ti warlok apekhe lagagip iti nen nukhetdinageisinem, hinebe alomatlarik lagagip iti nen he, hinobabut alep meke iti su nokorlogo here'isegarek hak, here'isano o.

Ibrani 3:13

Hit aperek weak hagakhe dogolik hinekaerek nukhetdakhalok hinetaiken a'bereak asunogo iluk Allah ane baga, “O yogotak ya baga,” iluk isikhe iti dek ageidek werek korlek, hit-hit hibiku-yogoku hinetaiken ago wat-wat hagakhe dogono o.

Yakobus 1:13

At Allah weak hagasuagaluk akhuni nen akla kagalharek dek. Nen, at nen meneke, akhuni aperek weak hagasuagaluk inakla kagalherek degat iti nen he, hit aperek hinakla nen, “An weak hagasuagaluk Allah nenat nakla kagaliogo,” iluk apausak erlok dek o.

Yakobus 1:15

Yabokane ninakla nen yi meke ti meke warlok weak apogorek meke iti, humi nen ineagei itaginakharek hak, ninakla aga halok, eak itago weak hagakhorek iti. Nen, weak hagakhorek meke iti horle aga halok he, eak itago ninebe watlagorek iti.