Titus 1:2 - ALLAH ANE WENW KET MEKE WAROGO WOKNINAKHIKHE WENE

² At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

Titus 1:2 ပူးပေါင်းရင်းမြစ်များ

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

2 Timotius 1:9

At Allah nen ninebe tilninakhik, at ekaerek a'buri asuagaluk ninayoko 'bigik, hagakhikhe iti, nit nen ageikhe hagakhugu baga ninayoko 'bisikhe 'buk. At he, Allah obabut hano nen, ebekeram yi meke ti meke aban winametdigidek dogolik, yabokane Kristus Yesus hagasigin oba hanotninabigiluk, ekaerek akla apalok ninayoko 'bisikhe iti.

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.

2 Timotius 1:1

Timotius na'but nakmu o. Allah nen he, “Hit Kristus Yesus hinom hunik werekma hiniluguthinakherek,” iluk, abok yoknisasikhe meke iti, an Paulus nen yogeisilik nekhe dogoagaluk, akla apasikhe baga Kristus Yesus nen nayoko 'biluk la'ani ageikhemo, yoma dogolik wene yi holal waganogo hoba la'i agei iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

Titus 3:7

At Yesus obabut hano nen wene ninoba meke korogo wokhasikhesik, Allah ninom ninapuke hunogo 'binanikhemo, nit ninakla nen, “Niniluk motok dogogun o,” iluk apekhe lago iti mothogon iteerek asuagaluk Allah Agoreke woknisasikhe iluk,

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

2 Timotius 2:15

Allah nen he, “Hat an nobasik hano hagakhe lagan,” iluk, yokhisuak nen he, hobatnerogonat hagakhe dogono. It aperek yi meke ti meke hagasuagaluk inayoko 'bisinem nen, hanorogon hagakhe dogolik, inekarli dekhogonat hagakharek iti hak, hat nen ebe wene itiat mothogon yakulisekhe dogono.

2 Timotius 2:13

Meke re, at ekaerek nen, “An nobabut alep welagei meke iti dek o, iluk ninat hagatlagarek dek iti nen, nit at oba dopokhogon dogogun dek halok, at nen nit ninoba dopokhogon motogat welagarek o,” iluk, egarek iti eberogonat o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

Titus 2:7

Inasuk itithogon wakhunem, it nen, hat hobabut waganhe dogoak nen, yi meke ti meke hasik hagakhe dogolik hobabut mothogon hagakhe dogono. Itithogon hagakhe dogolik, “Wene yi kogat,” iluk mothogon yakulisekhe dogono.

1 Tesalonika 5:8

Meke re, nit o lia baga welagorek meke yi, ninobabut hebelogo dogosak. Ninobabut hebelogo dogolik akhuni aperek nen inasunogo iluk thin inobakha baga ikharek hak, ninetaiken Allah oba hakokthek dogolik, akhuni inebe ninakmurogon welagorek iti mekeat ikhigik, inukuloakma inasunogo iluk inukulasu a'bet meke dakulharek hak, Allah nen tilogo hanotninabigin iluk, ninakla hano welago iti mekeat dakuligik, hagakhe dogouok o.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

A'bikaka 17:8

Helo yeke hakene hegen iti, alep iluk welageikhe mekeat he, yogotak elokhe dek hegen iti, wema baga kilinmo nen dageisigin o. Dagei aga halok, Allah nen alomatdigin o. Nen, Allah nen agat aban winametdigidek dogolik, thuesika it akhuni iniluk motok dogoagaluk hanorinabigin meke, inetaga holal waganek iti baga, it aperek inetaga holal waganek dek meke nen helo yeke hakene iti inileken halok, it nen he, Helo yeke hakene yi, alep welageikhesik nen, elokhe dek ageikhe mekeat, yabokane winam aga yi, ninayuk o, iluk hogorasugun o.

A'bikaka 13:8

At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

La'isasikhe 15:18

itithogon ninilu asuagaluk haganeat yoknisasikhemo, holal waganogo 'bisukha iti.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Yohanes 6:54

Meke re, tha nen an nebe nikik, namep nikik, hagariogo halok, iniluk motok dogogun meke iteerek atluk werekma, o ilugun hurli baga an nen ilugutdigin o.

Yohanes 5:39

Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat,

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

1 Tesalonika 2:15

It ap Yahudi meke nenat, it ap haganeat Allah ane yogeisekhe lagoukha meke inebe inakhik, ninoe Etagapogot Yesus ebe wakhik, hagakhukha hagat, nit yi aik ti aik hagatninabiogei iti, Allah nen hano iluk apekherek dek. Akhuni inom weak anek hagakhe dogolik,

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

Roma 5:4

Ninetaiken horle agarethek nen ilugun oba, Allah nen ninobabut palogo nen, hano ekherek. Itithogon ekherek oba, yabokane eberogonat hano asigin, iluk ninakla arleken akhekhe lago.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

Roma 1:2

Muk haganeat Allah nen, “Wene hano wene iti, yabokane winam asigin o,” iluk abok it ap at ane yogeisekhe lagoukha meke emenogo yogeisugunem, it nen Allah ane waganek etnogo baga holal waganogo 'bekhe lagoukha.

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Markus 10:30

iti ebe dopok obolukmo, yogotak ya ai halek men, agarlak lak men, erugi men, agosa men, a'buri men, aen waganek men, doalegat 100 hakene wogokhe korlek, akhuni nen weagatdekhe dogogunat o. Weagatdekho werekma, yabokane o ilugun hurli baga hagatlasigin iti hagatlaga halok he, naburlal-haburlal wogeisiginat o.

Markus 10:17

Wene itithogon yogeisalok at Yesus o etoma nen holak piokthek lagaluk lagunem, ap ageikhe pirlirli oba wageikhe. Wageikhesik itibagal yukukhogon apma hureklasi ageikhesik nen, men yogokhikhe, “Guru noe. Wene yakulnisekhe lagan iti, hat hano o. An naburlal-haburlal hagatnabuak nen, an nobabut nikithogon hagakhe dogosak,” iluk yogokhikhemo,