Roma 9:6 - ALLAH ANE WENW KET MEKE WAROGO WOKNINAKHIKHE WENE

⁶ Allah nen it abok yogeisasikhe iti, “Ebe dek aga,” iluk igi 'buk. It Israel nen itago meke iti tha'bokhogonat he, inebe Israel Allah nen wenageinakhikhe meke 'buk.

Roma 9:6 ပူးပေါင်းရင်းမြစ်များ

Matius 24:35

Pogot inom, agat inom, iti dek asigin mekeat he, an nane iti dek asigin motok dek o,” iluk yogeisasikhe.

Yohanes 1:47

Itithogon yogokhikhemo, at Natanael Yesus oba wisigiluk wagunem, at Yesus ileken lakhalok nen, at abok men yogeisasikhe, “Ap ithi ebe Israel meke eberogonat meke. Ane pere ekherek motok dek meke ithi lakhani o!” iluk yogeisasikhemo,

Yohanes 10:35

Wene Allah ane holal waganek welagarek iti tha'bokhogonat, ageikhe munenagarek dek apigi. Iti nen he, it at ane yogeisasikhe meke hasik, Hinebe allahat, iluk isikhemo holal waganek werek korlegat,

Roma 3:3

Meke re, it akhuni Yahudi meke aperek wene iti hologo dogolik inobabut hupukhogon hagakharek dek iti nen nikithogon hagatlasigin apegep. It inobabut Allah ane hologo dogolik hupukhogon dogou'buk iti nen, Allah obabut hupukhogon hagakherek meke iti dek atluk obakhanini hagasigin apegep?

Roma 9:4

It akhuni Israel meke ebe Israel Allah nen wenageinakhikhe meke iti nen, at a'buri asuagaluk woginakhik,at Ebe hogorakharek meke iti irat yakulisigik, wene warogo irat woginakhik, wene ninasuk wakhikhe wene etnogo irat wogeisigik, “An yigithogon hogotnakhe dogono,” iluk irat yakulisigik, “Yabokane itithogon hagathinabigin,” iluk abok irat yogeisigik, hagakhikhe iti.

Galatia 6:16

An wene hinasuk warogo yokhisigi meke yi, mothogon hagakhe dogogun meke, Allah nen, “An na'buri Israel mekeat o,” iluk, at nenat hinetaiken hapukhogon 'binagagik, hinebe akmuthinakhik, hagakhe dogoak o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

2 Timotius 2:13

Meke re, at ekaerek nen, “An nobabut alep welagei meke iti dek o, iluk ninat hagatlagarek dek iti nen, nit at oba dopokhogon dogogun dek halok, at nen nit ninoba dopokhogon motogat welagarek o,” iluk, egarek iti eberogonat o.