Weak hagasuagaluk ninakla kagaliginmo etoma thogotdinanhidek piokthegat woknisik laga dogono. Obabut weak meke iti nen iki hakninakhunem, hat nen tilninakhe dogono. [Ninopase Hetagapogot harat dogolik, yi meke ti meke hagasusak anekma, harat hogothakho motok dogogun o. Ebeat asuak u hak, Amin,] iluk sembayan itithogon ekhe dogono.
Roma 9:5 - ALLAH ANE WENW KET MEKE WAROGO WOKNINAKHIKHE WENE5 Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok. အခန်းကိုကြည့်ပါ။ |
Roma 9:5
45 ပူးပေါင်းရင်းမြစ်များ
Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.
Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.
At Allah walhasikhe meke hogorakho motok dogosak, iluk isinem, Eberogonat, iluk u hak, “Amin,” iluk ekhe dogosak mekeat he, it nen Allah ane ebeat wene iti here'isalok, akhuni inekalat nukhetdisasukha wene iti waganhukha. Itithogon waganhukhasik, Allah nen yi meke ti meke walhasikhe meke iti ebe hogorakhidek nen, yi meke ti meke walhasikhe meke iti iniki nen inalino hagarogo 'biluk, hogorakhik, at hasik hagakhik, hagakharek iti.
Iti hagat, hat ageikhe nen Allah Agoreke nen yokhekhe korlek inane hokodek meke elalinat ekhe dogolik, “Allah nopase,” iluk heagei wasigin halok he, at ageikhe okodek meke nen hutdigidek dogolik, “Wene ekhe iti ebeat asuak,” iluk u hak, “Amin,” iluk usak nogo? Wene hat igin iti, at okodek nen, itithogon usak erlok dek iti o.
Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.
At Allah nen, “Iti hurli thelekmatdigin,” iluk apasikhe bagaat thelekmatdisinem wisigin o. At Allah hogorakho motok welageikharek meke, arligat obatne werek o. Iti nen, inetagapogot welageikharek iti tha'bokhogonat hasik he, inoe Etagapogot at arligat o. Nen, yi akhuni ti akhuni inougi koktek welageikharek meke iti, tha'bokhogonat inoe kok he, arligarat o.
Itithogon yoknekhesik, at Yesus nenat, yabokane yoknekhe dogolik he, “Yi wene ti wene yi abok, an nagot malaikat nen hit na'buri o yi ai ti ai natogokhethep meke tha'bokhogonat yokhisoagaluk hinoba la'i agei iti, an Yesus nenat o. Nen, o aku dukhekherek iti hak, ap Daud nen itago meke etnogo, an nebeat o. Nen, husagal wap o mulikin yegelogo dagei agarekma tak-tak, lia'i agarek meke a'bi'bal weak etnogo anat o,” iluk yoknekhe.
ကြော်ငြာတွေ