Roma 9:20 - ALLAH ANE WENW KET MEKE WAROGO WOKNINAKHIKHE WENE

²⁰ Eiye! Nagot yi. At Allah ane isinem, hat hane oko dagakhogon yogosusak nogo? Erlok dek o. Akhuni nen isoak agat ka'bok meke hagakhunem he, agat ka'bok iti nen, at hagakhe werek iti yogokhe dogolik, “Hat nen an yigithogon nenaluk hagatnakhen,” iluk yogosusak nogo? Erlok dek o.

Roma 9:20 ပူးပေါင်းရင်းမြစ်များ

Matius 20:15

an nekaerek nameke mekeat halok he, an netaiken nenat usak. Itithogon erlok dek apegen a? An niki kogat wogeisigi iti nen hat ua palhe lagan a? iluk yogokhikhe.

1 Korintus 1:20

Akhuni agat oba yoma inakla kagalek meke iti inom, akhuni yi wene ti wene erlo inilu meke iti inom, akhuni wene oko-oko ekhe dogolik inane obatne ageikharek meke iti inom, we yugunat werek o. At Allah nen, “Akhuni inawene inakla kagoukhogon egarek meke iti, akhuni inetaiken abisake meke nen egarek hak iliogei o,” iluk isikhe dek nogo?

Yakobus 2:20

Hat hebe kepu negen ekhe lagan iti re! Allah eberogonat iluk iti meke anek apekhe dogolik, hiki baga yomageisigidek halok, we yugunat apekhe lagan iluk ekagat hutdinogoluk wene yi yokhisik.

Titus 2:9

It inatuaneke meke iti, inougi koktek nen yi meke ti meke hasik isinem, inakla hanorogon, inane oko igidek inane hologo hagakhe dogolik

Roma 2:1

Iti halok he, hit nagarlak lak nerugi yi. Wene it aperek anek inoba 'bekhe dogolik, hit hinekaerek hinoba korasak erlok dek o. Itithogon wene it aperek inoba 'bekhe dogoligat, hit nen it hinom ipisak tak-tagat hagakhe lagap yoma re! Hinekaerek nen wene hinoba motok 'bakhekhe lagap o.

1 Korintus 7:16

Hat he yi, hakla nen, “Yabokane nagun tilusak erlok dek asigin,” iluk apekhe lagan a? Nikithogon nen hilu. Hat ap yi hakla nen, “Yabokane nage tilusak erlok dek asigin,” iluk apekhe lagan a? Nikithogon nen hilu.

Lukas 12:14

at Yesus nen, men yogokhikhe, “Hinebe hulogo 'binageiluk hinameke dopok suputhisausak iti, an meldanhemo apegen a?” iluk itithogon yogokhikhesik

Roma 2:3

Hit nagarlak lak nerugi. Hit nen, it aperek weak hagakhunem wene inoba 'bekhe dogolik, hit hinekaerek meneke, it hagariogei hagat, hinom ipisak tak-tagat hagakhe lagap yi re! Hit hinakla nen, “Allah nen wene ninoba 'bigidek here'inanigin,” iluk apekhe lagap a? Dek o. Wene hinoba 'biginat o.

Roma 9:21

Agat ka'bok iti opakiat mekeat he, at hagakhe werek iti iteeregatma, ageikhe hanorogo hagarogo 'bigik, ageikhe yugunat hagarogo 'bigik, hagasusak dek nogo? Hagasusagat o.

Roma 9:22

Iti hak, at Allah akla apekhe dogolik, “Akhuni an nen walinakhigi mekeat he, it aperek nakla aga liabiogei iti nen, weagarinabigiluk, nakla aga dageisikhe meke iti, it nen nobabut palhik, nobatne werek iti, inilu ageik, hagasuak o,” iluk obakhanini hapugutdiluk welagarek.

Roma 14:4

Ap ageikhe inatuaneke mekeat he, hit nen, wene inoba 'busak a? “At yi weak hagakhe. Hureklatnek,” nen, “At iti hano hagakhe. Metek dogonek,” iluk it inoe kok iti nenat usak o. Meke re, metek dogoagaluk, ninoe Etagapogot nen yogeisausak erlok meke nenat yogeisaumo metek dogogun o.

2 Timotius 2:20

O kok halekma akla, yi meke ti meke emas meke inom, perak meke inom, hagarek meke oko kok iti meke anek welagarek 'buk o. O meke inom, agat meke inom, hagarek meke welagaregat iti o. Hano meke hagasuogoluk halok, hano mekeat waganhik, yugunat meke hagasuogoluk halok, yugunat meke waganhik, hagakharek iti o.