Roma 8:5 - ALLAH ANE WENW KET MEKE WAROGO WOKNINAKHIKHE WENE

⁵ It aperek nen akhuni inobabut inikhogat dogolik hagakharek meke inobabut waganiogei meke iti, inakla wene akhuni mekeat oba ebekharek o. Nen, it aperek nen Allah Agoreke obabut waganiogei meke re, inakla wene at mekeat oba ebekharek.

Roma 8:5 ပူးပေါင်းရင်းမြစ်များ

Markus 8:33

at Yesus nen agarumi ane waganhe lagoukha meke aperek emenogo ileken hebenokhogon lageisalok nen, Petrus men iluk wenagakhikhe, “Hat Iblis higi. Allah akla apekherek meke tak-tak ebekhidek, akhuni nen apegarek hak ebekhe lagan yi re! Hat hebe nelokhoma yoma dogogun. Horla lan o,” iluk wenagakhikhe.

Yohanes 3:6

Nen, akhuni nen itaginakharek iti, akhuniat itaklageikharek o. Nen, Allah Agoreke nen itaginakherek iti, Allah Agoreke mekeat ket itaklageikharek o.

Roma 8:9

Itithogon mekeat he, hit anek Allah Agoreke eberogonat hinakla werek halok he, hinobabut akhuni inobabut inikhogat dogolik hagakharek hak hagakhidek. Allah Agoreke obabut waganogo hagakhethep iti. Nen, tha nen Kristus Agoreke akla dek halok he, at iti ebe Kristus meke dek o.

1 Korintus 15:48

It akhuni aperek inebe agat oba meke ageikha meke inebe, at Allah nen ebekeram Adam ebe agat abubuleke meke baga winametdisikhe meke iti hakeneat werek o. Meke re, it aperek inebe pogot oba meke ageikha meke inebe, at yabokane pogot oba nen wageikhe meke iti hakeneat werek o.

1 Korintus 2:14

Wene Allah Agoreke nen woknisekherek wene iti, it akhuni Allah Agoreke inakla werek meke anek hutdegarek iti nen, it akhuni inobabut inikhogat dogolik, hutdegarek dek. Itithogon hutdegarek dek iti re, it nen he, “Wene iti akhuni kepu meke nen egarek hakene iliogei,” iluk egarek iti nen, wene iti hutdigidek werek o.

2 Korintus 10:3

Nit ninebe agat oba dogolik, akhuni sikhe thege baga wim yakharek hak yakhe lago dek o.

Efesus 5:9

O erlo hano meke nen eken hano mekeat ikherek hak, akhuni o lia baga dogolik yi meke ti meke hanorogo mothogonat inetaiken oba nen eberogonat hagakharek iti o.

2 Petrus 2:10

It iti kok hakene, Allah inakla meanetdiluk, yi meke ti meke inetaiken nen nukunem motok weak hagarik liliogei iti, Allah nen ukum inoba 'bigin o. Inayuk dek inawulagam weak hagakhe dogolik, pogot oba meke hogorinakho welageikharek meke etoma, it inayuk degat inabok weak palhe dogogun iti.