Roma 8:2 - ALLAH ANE WENW KET MEKE WAROGO WOKNINAKHIKHE WENE

² An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Roma 8:2 ပူးပေါင်းရင်းမြစ်များ

Yohanes 4:10

Yogokhikhemo, at Yesus nen at he etnogo men yogokhikhe, “Allah obabut hano nen werlegat okorlek wogeisekherek meke iti men, nen an nen, I ageikhe henago woknom, iluk kino yokhikhi iti, nebe men hutdanilenma, hat nen i ageikhe kino yoknekhunem, an nen i inilugurinakherek meke eberogonat wokhetle o,” iluk yogokhikhe.

Yohanes 4:14

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yohanes 6:63

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

Yohanes 8:32

wene ebe wene hinilu asigin o. Hinilu asumo, wene ebe wene iti bagaat hinebe herle hisalogo hinasokneat 'binagagin o,” iluk yogeisekhe lageikhemo,

Yohanes 8:36

Iti hak, an Allah ebe a'but nen, hit herle hisalogo hinasokne 'binagagi halok, eberogonat herle hisalek hinasokneat dogogun o,” iluk yogeisasikhe.

Roma 16:3

Nen, ageikhe re, he Priskila agun Akwila ipisak ninom Kristus Yesus hasik hagakhe lagosik wageikha meke iti Paulus nen heagei wathinakhe iluk yogeisano o.

Roma 3:27

Itithogon hagatninakherek halok he, ninekaerek nen hogorakhekhe dogosak a? Hogorakhausak motok dek aga o. Nikithogon nen hogorakhausak dek aga? nit ninekaerek nen wene Allah nen ninasuk wakhikhe wene mothogon hagarekhe lago nen ninapuke hunogo 'binanhikhe a? Dek o. Ninetaiken at oba hakotdisinem, at nenat hunogo 'binanherek iti nen, hogorakhausak erlok dek.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.

Roma 6:18

Hit nen, weak hagakharek iti nen hakhisik werekma, Allah nen herle hisalogo 'binageisikhesik nen, at hasik mothogon hagakhe dogoagaluk, apma 'binageisikhemo welagap.

Roma 6:22

Meke re, hit weak hagakho korlek, weak meke nen hakhisik werekma, Allah nen herle hisalogo ula'inageikhemo nen, yogotakne at apma ukiluk welagap iti o. Dogolik hinebe at hasik 'binageiluk welagap iti thaburegep o. Itithogon dogoluk, ilugun oba hiniluk motok dogogunat o.

Roma 7:21

An nobabut hagakherek igi iti re, men hekhe lagei. Hano hagasigiluk isinem nen, weak hagasusak anek hagatnakherek o.

Roma 7:23

niki nisok nebe a'birat, ninat meke hagakhe dogolik, wene Allah nen ninasuk wakhikhe wene etnogo nakla nen hano apegerek meke iti thebeligiluk hagakherek. Niki nisok nebe a'birat yoma weak anek hagakherek iti nen, nebe weak hagasuagaluk herle warogo negen 'banherek iti.

Roma 7:4

Iti hak, nagarlak lak nerugi. Hit alebat, humi inaguni inom herle warek hakene welageikharek ogo iti hak, wene Allah nen ninasuk wakhikhe wene etnogo baga herle warek werekma, at Kristus ebe wakhukhama watlageikhe iti, hinomat watlaga dogolik, herle warek hakene welagagip meke iti arat hisalageikhe iti. Iti nen he, humi inaguni watlagunem ageikhe erlok woginabusak iti hak, hit Allah hasik hano hagakhe dogoagaluk, at Yesus watlageikhemo Allah nen ilugutdisikhe meke etnogo nen wokhinakhikhemo welagap o.

Roma 8:1

Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

1 Korintus 15:45

Wene itithogon iluk, Allah ane holal waganhe dogolik, “Ap Adam alebageik meke iti, ebe iluk meke winametdisikhe,” iluk holal waganogo 'bisukha. Mekeat he ap Adam yabokane meke iti, Agoreke nen inilugurinakherek meke wageikhe.

2 Korintus 3:17

“Ninoe Etagapogot,” iluk igi iti, Allah Agoreke hasigat o. Akhuni ninoe Etagapogot Agoreke inakla werekma, herle hialek inasokne welageikharek iti.

2 Korintus 3:6

Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.

Galatia 2:19

Meke re, wene Allah nen ninasuk wakhikhe wene iti nen nebe warek meke hakene hagatnakhemo, an nebe niluk dogolik Allah hasik hagakhe dogeigiluk, wene iti hasik warek negen welagei. Iti Kristus ebe o baga meldiluk wakhukha iti nipisagat ninakhukha iti.

Galatia 5:1

Nit Kristus nen ninasokneat 'binanhikhemo yogotak ninasokneat welago. Iti nen, yi meke ti meke akin weak meke it akhuni inatuaneke meke nen o perlago wolok loagaluk inomorlo baga 'begarek hak, akin meke iti yabokane hinoba 'binogo iluk, hinobatnerogon metek dogono.

Galatia 6:2

Hit-hit hinoba akin meke werek halok, hinebe dopok ageikhe nen ageikhe yomak-yomak hagakhe dogono o. Itithogon hagakhe dogogun iti baga nen, wene Kristus nen ninasuk warogo yakulnisasikhe wene etnogoat mothogon hagakhe dogogun iti.

Yakobus 1:25

Nit akhuni herle warek negen werekma, wene hano wene Allah nen ninasuk warogo 'bogokhogon yoknisekherek iti baga hialninakherek. Halok he, tha nen wene iti asuk anek holiluk nen, obarlikmatdekherek 'buk. Hutukhogon hutdiluk, oba eberek motok dogolik, wene iti mothogon hagakhe halok, yi meke ti meke hagakhunem, Allah nen akla arlekenhogon yomakhekhe dogogin o.

A'bikaka 11:11

Iniki 3 hari itithogon hagakhe dogoluk, iniki ageikhe dikene nen itithogon hagakho werekma, Allah Agoreke inilugurinakherek meke etnogo it ap pere iti inakla ukiluk, inilugurinabiluk nen meldisasinem, akhuni tha'bokhogonat inileken hisalok, inayuk motok asugun o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,