Roma 8:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon ekhe lago iti, at Allah Agoreke nen, “Hinebe Allah a'buri o,” iluk yoknisugunem, nit ninetaiken oba nen ogorek iti.

Roma 8:16 ပူးပေါင်းရင်းမြစ်များ

Matius 5:9

Nen, akhuni inom weak werekma, it aperek nen dapulogo 'bisegarek meke iti, at Allah nen he, Yi an na'buriat o, iluk yogeisagein iti nen, inakla arleken akhekhe dogosagat o.

Lukas 20:36

Akhuni watlatlukmo Allah nen inilugurinabigin iti nen, inebe Allah a'buriat, it malaikat pogot oba yoko nekharek meke inom tak-tak dogolik, yabokane watlaga dogogun motok dek o.

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

La'isasikhe 5:32

Itithogon hagakhe iluk nit ninileken hutukhogon hogosik nen, Eberogonat, iluk pakhogon yokhisekhe lago. Akhuni Allah ane hologo hagakhorek meke, at Agoreke woknisekherek iti ninom nenat wene iti yokhisekhe lago,” iluk yogeisasikhe.

Roma 8:14

Allah nen Agoreke wokhisekherek iti, akhuni inebe it aperek inatuaneke dogolik inobabut inayukhogo hagakharek iti hak, hagathinakhe dogoagaluk wokhisekherek 'buk. Meke re, at Allah ekaerek a'buri hagathinabiluk, erlathinabuagaluk wokhisekherek. Iti nen, it akhuni Allah Agoreke nen wogosik nekherek meke, inebe dopok nen, inebe Allah a'buriat werek o. Itithogon dogolik ninebe allah Agoreke baga hakotdiluk dogolik, men ekhe lago, “Nopase Allah, nopase Allah,” iluk ninane pakhogon ekhe lago iti.

Roma 8:19

Pogot agat yi meke ti meke Allah nen walhasikhe meke yoma nen, “Allah a'buri inebe ninat hagarinakhunem thelekma hogorinabugun iti mera hagatlasigin,” iluk, arlik haliogei.

Roma 8:23

Pogot agat yi meke ti meke iti anek hinet wakhe dogolik, inetaiken ane iliogei 'buk. Allah nen, “Hinebe an na'buri. Arat wokhinakhi o,” iluk ninebe ninetaiken ninoado tha'bokhogonat hanotninabigin meke aban dogolik, hipiri yukuk alebageik meke itakharek hak, at Agoreke alebageik woknisasikhe mekeat, ebe yabokane hagatninabigin meke iti therogo dogolik, hinet wakhe dogolik ninetaiken ane ekhe lago.

Roma 8:26

Itithogon therogo dogolik, nit ninebe ninobatne dek werekma, Allah Agoreke nen yomaknisiliogo. Nit Allah ayoko 'buogoluk ninane nikithogon u heat ninobakha palek werekma, Allah Agoreke nen akhuni inane baga usak erlok dek meke, etaiken ane baga Allah ayoko 'biliogo.

Roma 9:26

An nen akhuni o ageikhe meke hasik, Hit he, an na'buri dek o, iluk isigi mekeat, yabokane it o etoma meke hasigat, O yoma an niluk welagarek meke na'buri o, iluk igin,” iluk isikhemo at Hosea nen holal waganogo 'bisikhe.

Roma 9:8

Itithogon isikhe iti ebe men iluk isikhe. Inebe nen itago meke iti, Allah a'buri usak 'buk. Allah nen abok yogeisasikhe meke halok, at a'buri usak o.

2 Korintus 1:12

Nit hogorakhekhe lago iti, ebe yigithogon nen. Nit it akhuni agat oba meke aperek inaklake inaklake dogolik, it inobasik hagakhe lago, herlekha'bugat negen. Meke re, hit hinobasik anek kokhogon hagakhe lago. Iti akhuni agat oba meke inakla kagalek meke hagakharek hak hagakhidek. At Allah obabut hano etnogo nen, ninetaiken hano opakiat dogolik hagakhe dogoagaluk ninobabut woknisasikhemo hagakhorek meke iti ninakla ebekhe dogolik, “Nit hano hagakhe lagoma,” iluk hogorakhekhe lago iti o.

2 Korintus 5:5

At Allah nenat yabokane itithogon hagatninabigiluk tilogo 'binanhikhesik, “Eberogonat hagatninabigin,” iluk, yi meke ti meke dirlu tak nekarek hak, Agoreke woknisasikhemo ninakla werek.

2 Korintus 6:18

An hit hinopaseat dogogin o. Nen, hit an na'buriat dogogun o, iluk ninopase Etagapogot yi meke ti meke hagasusak anek etnogo nen isikhemo,” iluk holal waganogo 'bisukha.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Efesus 1:13

Iti hakeneat, hit nen wene ebe wene, hanotninakherek wene etnogo hinasuk holhigisip, hinetaiken Kristus oba hakotdisigipmo, Allah nen, “Nagoreke wokhisagein,” iluk, abok yoknisasikhe tak-tagat, “It an nekaerek na'buri o,” iluk ilekerlogo Agoreke wokhisasikhe iti o.

Efesus 4:30

Allah nen yabokane hinebe hanothinabigiluk ilekerlogo, at Agoreke wokhisasikhemo hinakla werek iti, akla korlotdugup o.

1 Yohanes 3:1

At Allah nen he, “It yi an na'buri,” iluk itakninakhikhemo eberogonat nit ninebe at a'buri welago. Itithogon welagorek iti nen, ninebe at akmu motok welagarek iti 'bikhani! Itithogonat mekeat he, it akhuni agat oba meke inobabut inikhok meke emenogo nen Allah ebe inokodek iti nen he, nit ninebe inokodegat o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

1 Yohanes 4:13

Allah nen Agoreke woknisasikhe iti baga, nit nen apekhe dogolik, “At nit ninom hunik werek. Nen, nit at ninom hunik welago,” iluk hutdekhe lago o.

1 Yohanes 5:10

Akhuni inetaiken Allah a'but oba hakotdiliogei meke nen he, “Wene iti eberogonat o,” iluk inakla nen hutdiliogei. Itithogon mekeat he, akhuni aperek inetaiken Allah oba hakotdigidek meke nen he, “Wene Allah ekaerek nen a'but hasik abok isikhe wene iti eberogonat,” iluk apigidek dogolik, Allah ekalat ekherek meke negen hagarogo 'biliogei o.

A'bikaka 21:7

At tha nen obatne asigin meke halok, wene tha'bokhogonat igi iti, at iteerek dogogin o. Itithogon iteerek dogolik, an Allah at opase noba hakotdiluk dogogin mekeat dogogin, nen, at an na'burat dogogin o.