Roma 8:14 - ALLAH ANE WENW KET MEKE WAROGO WOKNINAKHIKHE WENE

^14-15 Allah nen Agoreke wokhisekherek iti, akhuni inebe it aperek inatuaneke dogolik inobabut inayukhogo hagakharek iti hak, hagathinakhe dogoagaluk wokhisekherek 'buk. Meke re, at Allah ekaerek a'buri hagathinabiluk, erlathinabuagaluk wokhisekherek. Iti nen, it akhuni Allah Agoreke nen wogosik nekherek meke, inebe dopok nen, inebe Allah a'buriat werek o. Itithogon dogolik ninebe allah Agoreke baga hakotdiluk dogolik, men ekhe lago, “Nopase Allah, nopase Allah,” iluk ninane pakhogon ekhe lago iti.

Roma 8:14 ပူးပေါင်းရင်းမြစ်များ

Matius 5:9

Nen, akhuni inom weak werekma, it aperek nen dapulogo 'bisegarek meke iti, at Allah nen he, Yi an na'buriat o, iluk yogeisagein iti nen, inakla arleken akhekhe dogosagat o.

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Roma 8:19

Pogot agat yi meke ti meke Allah nen walhasikhe meke yoma nen, “Allah a'buri inebe ninat hagarinakhunem thelekma hogorinabugun iti mera hagatlasigin,” iluk, arlik haliogei.

Roma 8:5

It aperek nen akhuni inobabut inikhogat dogolik hagakharek meke inobabut waganiogei meke iti, inakla wene akhuni mekeat oba ebekharek o. Nen, it aperek nen Allah Agoreke obabut waganiogei meke re, inakla wene at mekeat oba ebekharek.

Roma 8:9

Itithogon mekeat he, hit anek Allah Agoreke eberogonat hinakla werek halok he, hinobabut akhuni inobabut inikhogat dogolik hagakharek hak hagakhidek. Allah Agoreke obabut waganogo hagakhethep iti. Nen, tha nen Kristus Agoreke akla dek halok he, at iti ebe Kristus meke dek o.

Roma 9:26

An nen akhuni o ageikhe meke hasik, Hit he, an na'buri dek o, iluk isigi mekeat, yabokane it o etoma meke hasigat, O yoma an niluk welagarek meke na'buri o, iluk igin,” iluk isikhemo at Hosea nen holal waganogo 'bisikhe.

Roma 9:8

Itithogon isikhe iti ebe men iluk isikhe. Inebe nen itago meke iti, Allah a'buri usak 'buk. Allah nen abok yogeisasikhe meke halok, at a'buri usak o.

2 Korintus 6:18

An hit hinopaseat dogogin o. Nen, hit an na'buriat dogogun o, iluk ninopase Etagapogot yi meke ti meke hagasusak anek etnogo nen isikhemo,” iluk holal waganogo 'bisukha.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 4:5

Itithogon la'i ageikhe iti, nit Allah a'buri hagatlasuagaluk, wene ninasuk wakhikhe wene etnogo nen apma haknisik werekma, herle hisalninabi wisuagaluk la'i ageikhe iti.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Galatia 5:16

An nakla yigithogon apigirik nen igin. Ninobabut ninikhogat dogolik hagakhorek meke iti nen, Allah Agoreke akla warlok apekherek meke iti warogo ula'igiluk hagakhik, nen, at Allah Agoreke nen, nit ninobabut iti meke warogo ula'igiluk hagakhik, hagakhe dogolik, ipisak wim palek motok hagakharek. Ipisak itithogon hagakharethek, hit nen, “Itithogon hagatlo,” iluk, hibiku-yogoku, apegethep mekeat, ebe hagakhethep dek iti. Iti nen, Allah Agoreke hinom hunik dogolik hano hagakhe dogono o. Itithogon hagakhe dogogun halok, hinobabut hinikhogat dogolik, yi warlok ti warlok nen hagakhethep meke iti, yabokane itithogon hagakhe dogogun dek o.

Galatia 5:18

Allah Agoreke nen, “Itithogon hagatno,” iluk, yakulhisugunem hagakhe dogogun halok, wene Allah nen ninasuk wakhikhe wene etnogo baga yabokane wene hinoba 'bigin dek o.

Efesus 1:5

At Allah ninebe akmu nen, ekaerek akla nenat, “Yesus Kristus nen, it woginakhunem an na'buri asuak,” iluk, haganeat nen ninebe wenago wokninakhikhe iti o.

Efesus 5:9

O erlo hano meke nen eken hano mekeat ikherek hak, akhuni o lia baga dogolik yi meke ti meke hanorogo mothogonat inetaiken oba nen eberogonat hagakharek iti o.

1 Yohanes 3:1

At Allah nen he, “It yi an na'buri,” iluk itakninakhikhemo eberogonat nit ninebe at a'buri welago. Itithogon welagorek iti nen, ninebe at akmu motok welagarek iti 'bikhani! Itithogonat mekeat he, it akhuni agat oba meke inobabut inikhok meke emenogo nen Allah ebe inokodek iti nen he, nit ninebe inokodegat o.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.

A'bikaka 21:7

At tha nen obatne asigin meke halok, wene tha'bokhogonat igi iti, at iteerek dogogin o. Itithogon iteerek dogolik, an Allah at opase noba hakotdiluk dogogin mekeat dogogin, nen, at an na'burat dogogin o.