Roma 8:1 - ALLAH ANE WENW KET MEKE WAROGO WOKNINAKHIKHE WENE

¹ Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

Roma 8:1 ပူးပေါင်းရင်းမြစ်များ

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 15:4

Itithogon hinoboseka hakene palek welagap iti, hit an ninom hunik, nen, an hit ninom hunik, dogouok o. O ikilo'bak iti, o erlo baga hunik dek halok, eken isusak motok erlok dek o. O ebe baga hunik halok, eken ikherek iti hak, hit an ninom hunik dogogun dek halok he, hano meke hagasusak erlok dek o. An nebe baga hunik halogat, hano hagasusak o.

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

Roma 16:3

Nen, ageikhe re, he Priskila agun Akwila ipisak ninom Kristus Yesus hasik hagakhe lagosik wageikha meke iti Paulus nen heagei wathinakhe iluk yogeisano o.

Roma 16:7

At Andronikus, Yunias ipisak, “At nen heagei wathinakhe,” iluk yogeisanoat o. It he, an ninom ninukuloak opakiat meke niniki herle ninom warek welagagusik. Akhuni doalegat negen Kristus nen inayoko 'biluk la'isa ageikhe mekeat he, inetagawerek irat o. It tak inetaiken Kristus oba hakotdisukhasikmo nen, an yabokane hakotdisigi iti.

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

Roma 5:16

Ap opakiat nen Allah ane thagalogo weak hagakhikhe baga, Allah nen, wene oba 'biluk weagatdisikhe iti. Itithogon weagatdisikhemo, yabokane akhuni weak motok hagarik wagoukha mekeat he, at Allah obabut hano nen werlegat okorlek yonisekhe dogolik, “Wene hinoba dek o,” iluk korogo wokhasikhe.

Roma 7:17

An nobabut itithogon hagakhe lagei iti, an nen hagakhe lagei 'buk. Weak hagakharek meke nakla dogolik hagariogo.

Roma 7:20

Nakla nen warlok apigidek. Na'it apegerek meke hagakhe lagei halok he, an nebe nen hagakhe lagei dek higi. Weak hagakharek meke nakla welagarek meke iti nenat hagariogo.

Roma 8:11

At Allah nen, Kristus Yesus watlageikhesikmo ilugutdisikhemo, at Agoreke hinakla dogolik, hinebe itikmanke watlagathep meke yi hiniluguthinabiginat. Iti re, at Agoreke nen Kristus ebe watlageikhesikmo ilugutdisikhe etnogo hinakla welagarek iti nen hiniluguthinabigin o.

Roma 8:14

Allah nen Agoreke wokhisekherek iti, akhuni inebe it aperek inatuaneke dogolik inobabut inayukhogo hagakharek iti hak, hagathinakhe dogoagaluk wokhisekherek 'buk. Meke re, at Allah ekaerek a'buri hagathinabiluk, erlathinabuagaluk wokhisekherek. Iti nen, it akhuni Allah Agoreke nen wogosik nekherek meke, inebe dopok nen, inebe Allah a'buriat werek o. Itithogon dogolik ninebe allah Agoreke baga hakotdiluk dogolik, men ekhe lago, “Nopase Allah, nopase Allah,” iluk ninane pakhogon ekhe lago iti.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

Roma 8:4

Alep he, nit mothogon hagakhe dogoagaluk, wene Allah nen ninasuk wakhikhe mekeat he, weak hagakhe lagagu iti. Weak hagakhe lagagusikmo, yabokane nit akhuni inobabut waganhidek dogolik Allah Agoreke obabut waganogo mot hagakhe lago meke at isikhe hak hagakhe dogoagaluk, weak hagakharek iti arat obatne degetdisikhe iti.

Roma 8:9

Itithogon mekeat he, hit anek Allah Agoreke eberogonat hinakla werek halok he, hinobabut akhuni inobabut inikhogat dogolik hagakharek hak hagakhidek. Allah Agoreke obabut waganogo hagakhethep iti. Nen, tha nen Kristus Agoreke akla dek halok he, at iti ebe Kristus meke dek o.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

1 Korintus 15:22

At Adam ninom hunik dogolik, ninebe tha'bokhogonat watlagorek iti hak, nit Kristus ninom hunik werekma, Allah nen ninebe tha'bokhogonat ninilugutninabiginat o.

2 Korintus 12:2

Empat belas tahun alebat ap an nilu meke ageikhe Kristus ipisak hunik welageikhe meke Allah nen pogot oba hurli pere agorek thogotdiluk hurli ageikhe upu etoma baga lia'isikhe iti nilu. At iti ebeat lia'isikhe a? Agoreke lia'isikhe a. An nokodek. Nopase Allah at ilu o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 3:28

Waganiluk, yabokane hit tha'bokhogonat, Kristus Yesus hinom hunik dogolik hinebe opakiat meke welagap iti nen, hit ebetlake Yahudi meke, ebetlake akhuni itikmanke igik, ebetlake inatuan meke, ebetlake inasokne meke igik, ebetlake humi, ebetlake ap igik, ekhe dogosak dek.

Galatia 5:16

An nakla yigithogon apigirik nen igin. Ninobabut ninikhogat dogolik hagakhorek meke iti nen, Allah Agoreke akla warlok apekherek meke iti warogo ula'igiluk hagakhik, nen, at Allah Agoreke nen, nit ninobabut iti meke warogo ula'igiluk hagakhik, hagakhe dogolik, ipisak wim palek motok hagakharek. Ipisak itithogon hagakharethek, hit nen, “Itithogon hagatlo,” iluk, hibiku-yogoku, apegethep mekeat, ebe hagakhethep dek iti. Iti nen, Allah Agoreke hinom hunik dogolik hano hagakhe dogono o. Itithogon hagakhe dogogun halok, hinobabut hinikhogat dogolik, yi warlok ti warlok nen hagakhethep meke iti, yabokane itithogon hagakhe dogogun dek o.

Galatia 5:25

Iti halok yogotak Allah Agoreke nenat ninobabut ket meke hagarogo 'binanhikhemo niniluk dogolik, at nen yoknisekherek meke anek mothogon hagakhe dogosak o.

Efesus 1:1

Hit Allah a'buri o Efesus natogokhe lagap meke hinetaiken Kristus Yesus oba hakotdiluk hinom hunik welagap meke, nagarlak lak nerugi. An Paulus, Allah akla apasikhe baga, at Kristus Yesus nen nayoko 'biluk la'ani ageikhe meke etnogo nen wene yi holal waganogo hinoba la'i agei iti o.