Roma 7:9 - ALLAH ANE WENW KET MEKE WAROGO WOKNINAKHIKHE WENE

⁹ An alep he, wene Allah nen ninasuk wakhikhe wene iti nokodek dogolik, niluk hano welagei thalek welagagi. Meke re, wene ninasuk wakhikhe wene etnogo nilu agagisik oba nen, weak hagakharek iti meke obatne ageikhemo,

Roma 7:9 ပူးပေါင်းရင်းမြစ်များ

Matius 19:20

at elege thue etnogo nen, “Wene tha'bokhogonat yoknekhen iti, nasuk holek dogolik mothogon hagakherek mekeat o. Meke re, ki meke hagakhidek welagei apegen,” iluk yogokhikhemo

Lukas 15:29

Yogokhikhemo a'but etnogo nen opase yogokhe dogolik, men isikhe, Hasuk holin. An he, yi tahun ti tahun hat hobasik hayabu motok kogat hagakherek o. Itithogon hagakhe dogolik, hat nen, Yigithogon hagatno, tigithogon hagatno, iluk yoknekhetek meke etnogo ageikhe na'it igidegat hagakherek meke re, sapi eak opakiat ageikhe an nagarlak lak ninom ninakla arleken akhekhe dogolik isago noagaluk woknikhidegat.

Lukas 18:21

at ap etnogo nen, men yogokhikhe, “Wene yoknekhen iti tha'bokhogonat, an nebe yekerek oba nenat nasuk hologo mothogon hagakherek mekeat o,” iluk yogokhikhemo,

Roma 10:5

At Musa nen wene Allah nen ninasuk wakhikhe wene etnogo baga, Allah nen wene ninoba meke korogo wokhalok yabokane ninapuke at ninom hunogo 'binanherek iti hasik men isikhe, “Akhuni wene iti holek dogolik, mothogon hagakhe dogogun meke inebe dopok, wene iti baga iniluk motok dogogun o,” iluk holal waganogo 'bisikhe.

Roma 7:10

an he, warek hakene hagatlagagi. Allah nen niluk dogoagaluk nasuk wakhikhe mekeat he, wene iti baga watlagagi hakene iti.

Roma 7:11

Allah nen ninasuk wakhikhe wene iti baga, weak hagakharek iti nakla kagalogo nen, nukhetdanhikhesik nen, nebe nakhikhe iti.

Roma 7:4

Iti hak, nagarlak lak nerugi. Hit alebat, humi inaguni inom herle warek hakene welageikharek ogo iti hak, wene Allah nen ninasuk wakhikhe wene etnogo baga herle warek werekma, at Kristus ebe wakhukhama watlageikhe iti, hinomat watlaga dogolik, herle warek hakene welagagip meke iti arat hisalageikhe iti. Iti nen he, humi inaguni watlagunem ageikhe erlok woginabusak iti hak, hit Allah hasik hano hagakhe dogoagaluk, at Yesus watlageikhemo Allah nen ilugutdisikhe meke etnogo nen wokhinakhikhemo welagap o.

Roma 7:6

Alebat wene Allah nen ninasuk wakhikhe wene etnogo baga herle warek negen welagagu meke, Kristus watlaga dogolik nit ninomat watlagagu iti baga, Allah nen herle hisalninakhikhemo welago. Yogotak he, Allah atuaneke dogolik, wene at nen ninasuk wakhikhe wene holal waganek meke ninileken anek 'bikhekhe dogolik, hagakhe lagagu iti hak, hagakhe lago dek mekeat he, Allah Agoreke nen ninobabut ket meke hagatninakho korlek, hagakhe lago.

Roma 7:8

Iti nenat, wene Allah nen ninasuk wakhikhe wene iti baga, weak meke nen he, an weak hagasuagaluk, “Yi meke ti meke akhuni inameke, hakla nen, warlok akhan o,” iluk nakla kagalhe lageikhe. Wene Allah nen ninasuk iti wakhidekma, weak hagasusak he, ninokodegat welagagu.

Roma 8:7

Akhuni inobabut inikhogat dogolik hagakharek meke etnogo oba ebekhe dogolik, Allah apma ukiluk ane holek dogosak erlok dek nen holek welageikharek dek iti nen, at inom weak werek o.

Galatia 2:19

Meke re, wene Allah nen ninasuk wakhikhe wene iti nen nebe warek meke hakene hagatnakhemo, an nebe niluk dogolik Allah hasik hagakhe dogeigiluk, wene iti hasik warek negen welagei. Iti Kristus ebe o baga meldiluk wakhukha iti nipisagat ninakhukha iti.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.