Roma 7:7 - ALLAH ANE WENW KET MEKE WAROGO WOKNINAKHIKHE WENE

⁷ Iti halok he, nit nen nikithogon ugun. Wene Allah nen ninasuk wakhikhe wene iti weak usak nogo? Motok dek o. Meke re, wene itithogon ninasuk wakhidek dogolepma re, weak hagakharek iti nikithogon nokodegat dogole o. Allah nen wene ninasuk wakhikhe iti wakhe dogolik, “Akhuni inameke, Warlok e, iluk hinakla apugup o,” iluk igidek dogolepma re, akhuni inameke meke, Warlok e, apegerek iti nokodegat dogole o.

Roma 7:7 ပူးပေါင်းရင်းမြစ်များ

Matius 5:28

Mekeat he, an nen wene yi yokhisak. Ap tha nen, he ageikhe ileken lakhalok akla nen, Eiye. An he iti param hagatle, iluk apekhe halok, akla nen param eberogonat arat ha'ekhe o.

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Lukas 20:16

At ebe ayabu witluk nen, it inebe motogat warogo podisalok inobolukmo anggur ai yagoma etnogo therogo dogoagaluk, ap ninat meke wogeisageinat o,” iluk yogeisasikhemo, it emenogo nen, “Eiya! Itithogon hagasusak dek o!” iluk yogokhukhama,

La'isasikhe 20:33

An nakla nen, hit hinameke uang emas meke men, perak meke men, hinasu men, warlok iluk ageikhe nakla apigidek.

Roma 13:9

Wene iti ninasuk wakhe dogolik, men isikhe, “Param hagasusak dek o. Akhuni inebe inasusak dek o. Hiniki abusak waganusak dek o. It aperek inameke hinakla nen, Warlok o, iluk apausak dek o,” iluk wene ninasuk wakhikhe iti inom, aperek ninasuk wakhikhe meke inomat, opakiat dapukhogon wene kok hakene, men isikhe, “Hit nen, akhuni hinom welagap meke iti, hinekaerek hinebe hakene hinakmurogon dogono o,” iluk isikhe iti.

Roma 3:20

Wene Allah nen ninasuk wakhikhe wene iti baga, nit akhuni weak hagakhorek meke ekagat ninilu agorek iti nen, nit tha'bokhogonat wene at nen ninasuk wakhikhe wene iti holek dogolik, at il oba mothogon hagasusak erlok dek o. Hologo hagakhe dogoumo, at nen ninom yabokane hunogo 'binanusak mekeat he, erlok dek o.

Roma 3:5

Meke re, nit akhuni nen ninobabut korlo hagakhorek iti baga nen, Allah obabut mothogon hagakherek iluk ekagat hagatlagarek halok, nikithogon usak. Akhuni nen egarek hak an ik. At Allah akla aga dageiluk weagarinakherek iti korlo nogo?

Roma 4:1

Halok he, nit akhuni Yahudi meke nen ninopa Abraham obabut hagakhe lageikhe meke hasik abok nikithogon ugun?

Roma 4:15

Wene Allah nen ninasuk wakhikhe wene iti baga, Allah akla aga ninoba 'bekherek. Wene ninasuk wakhikhe iti wakhidek dogolepma re, wene thagalogo weak hagariogei, iluk ilep degat o.

Roma 5:20

Meke re, at ageikhe weak hagakhikhesik oba Allah ane thagalogo weak hagakharek meke akin asuagaluk, Allah nen wene ninasuk wakhikhe wene yabokane woknisasikhe. Weak hagakharek iti wialarik laga korlegat, Allah obabut hano nen akmutninakherek iti, ebenageik motok kogat ageikhe.

Roma 6:15

Halok he, wene iti ilugun oba, nikithogon usak? Nit ninebe wene Allah nen ninasuk wakhikhe wene etnogo baga hakokthek welago dek. At he, Allah obabut hano nen akmutninakherek iti baga hakokthek welago iti nen, weak hagakhe dogosak nogo? Motok dek o.

Roma 7:11

Allah nen ninasuk wakhikhe wene iti baga, weak hagakharek iti nakla kagalogo nen, nukhetdanhikhesik nen, nebe nakhikhe iti.

Roma 7:13

Halok he, wene iti hano motok isikhe meke iti nen an nebe watlagagi nogo? Motok dek o. Weak hagakharek iti nenat o. Weak hagakharek iti nen, hano meke iti baga warogo 'banhikhemo, ekagat ageikhe. Wene Allah nen ninasuk wakhikhe iti bagaat, inobabut weak hagakharek iti motok weak, iluk ekagat hagatlageikhe iti.

Roma 7:5

Alebat, nit ninobabut akhuni inobabut ninikhogat welagagu. Itithogon dogolik, wene Allah nen ninasuk wakhikhe wene etnogo werek nen, ninoba agaken dageisinem nen, niniki ninisok ninebe a'birat nen weak hagakhunem ilugun oba, motok watlaga lagagu iti.

Roma 7:8

Iti nenat, wene Allah nen ninasuk wakhikhe wene iti baga, weak meke nen he, an weak hagasuagaluk, “Yi meke ti meke akhuni inameke, hakla nen, warlok akhan o,” iluk nakla kagalhe lageikhe. Wene Allah nen ninasuk iti wakhidekma, weak hagasusak he, ninokodegat welagagu.

1 Korintus 15:56

Watlageikharek meke erlo aik nen li'bilninakherek iti ebe, nit weak hagakhorek iti baga aik nen li'bilninakhunem watlagorek itiat o. Nen, weak hagakhorek meke obatne ageikhe iti ebe, wene Allah nen ninasuk wakhikhe iti baga obatne ageikhe o.

Efesus 5:3

Hinebe Allah a'buri dogolik hinobabut hagakhe dogosak mekeat hagakhe dogosak. Halok he, param ha'isigik, inekarli dek weak hagakhik, “Yi meke ti meke an anek woknetlep,” iluk inakla nen apigik, hagakharek iti meke, akhuni aperek nen, “It aperek itithogon weak hagariogei,” iluk hinabok weak thakhogon asunogo iluk, weak ageikhe hagakhup o.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

1 Tesalonika 4:5

It akhuni itimanke meke, an nebe inokodek dogolik inoba agaken dageisinem yugunat ha'isiliogei iti, itithogon hagakhe dogosak dek o.