Roma 7:23 - ALLAH ANE WENW KET MEKE WAROGO WOKNINAKHIKHE WENE

²³ niki nisok nebe a'birat, ninat meke hagakhe dogolik, wene Allah nen ninasuk wakhikhe wene etnogo nakla nen hano apegerek meke iti thebeligiluk hagakherek. Niki nisok nebe a'birat yoma weak anek hagakherek iti nen, nebe weak hagasuagaluk herle warogo negen 'banherek iti.

Roma 7:23 ပူးပေါင်းရင်းမြစ်များ

Roma 6:13

Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.

Roma 6:19

Hit hinobabut wene yokhisigi iti hutdusak erlok dek hakene nen, hutdubageik nen iluk, akhuni inatuaneke dogolik hagakharek meke inoba lisogo yokhisekhe lagei iti. Hit alebageik, hiniki hinisok hinebe baga welagarek meke aperek inom tha'bokhogonat nen, weak meke atuaneke thalek wogokhik, yugunat hagakhik, hinasuk warek dek yi weak ti weak hagakhik, hagakhe lagagip iti. Iti hagat, yogotak hit hiniki hinisok hinebe baga welagarek meke aperek inom tha'bokhogonat nen, Allah ekaerek hasik 'bisalok mothogon hagakhe dogouogoluk, at wogokhe dogono o.

Roma 7:14

Wene Allah nen ninasuk wakhikhe wene iti, at Agoreke nen yoknisasikhemo nogo nen, hano motok, iluk ninilu. Meke re, an nobabut akhuni inobabut inikhok mekeat welagei. Weak hagakharek iti meke nen apma 'banigiluk oko palogo negen woknahikhemo welagei.

Roma 7:21

An nobabut hagakherek igi iti re, men hekhe lagei. Hano hagasigiluk isinem nen, weak hagasusak anek hagatnakherek o.

Roma 7:5

Alebat, nit ninobabut akhuni inobabut ninikhogat welagagu. Itithogon dogolik, wene Allah nen ninasuk wakhikhe wene etnogo werek nen, ninoba agaken dageisinem nen, niniki ninisok ninebe a'birat nen weak hagakhunem ilugun oba, motok watlaga lagagu iti.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Ibrani 12:4

Hit anek he, weak hagasu hina'it nen, wim inobatnerogon yakharek iti hak hagakhunem, aban hinamep ulabogo hinakhidek meke welagap o.

Yakobus 3:2

Nit akhuni tha'bokhogonat hano hagakhe lago thalek yi meke ti meke hasik, weagat hagakhorek iti. Mekeat he, tha nen ane baga nen wene weak meke ageikhe igidek hanorogo anek ekherek haok he, iki isok ebe tha'bokhogonat dopokhogon herogo dogolik etaiken 'bogokhogon horleat werek o.

Yakobus 4:1

Hit wene palhik, tugi yakhik, hagakhe lagap iti, erlo nena baga nen yakhe lagap nogo. Wim yabusak warlok inetaikenma dogolik, inakla aga dageikherek iti hak, hinakla nen yi warlok ti warlok apegethep iti nenat yakhe lagap apigi.

1 Petrus 2:11

Nagarlak lak nerugi. Hinebe nakmu lak e. Hit hinebe ap huso akhuni inaila la'inagoumo lalok, etoma dogolik, yi meke ti meke hinakla nen kagalogo dageitluk, hinetaiken nen nukunem warlok apegethep meke iti re, thili meke nen inakharek iti hak hinebe weagathinabigiluk, hinakla nen kagalogo dagei agarek meke iti here'isekhe dogobageik iluk yokhisekhe lagei iti o.