Roma 6:9 - ALLAH ANE WENW KET MEKE WAROGO WOKNINAKHIKHE WENE

⁹ At Kristus arat watlageikhesikmo nen Allah nen ilugutdisikhemo nogo nen, yabokane watlasigin dek, iluk ninilu o. Halok he, watlariogei erlo iti nen Yesus ebe yabokane apma ukusak motok dek o.

Roma 6:9 ပူးပေါင်းရင်းမြစ်များ

Roma 5:14

Wene inoba 'bigidek mekeat, ap Adam welageikhe hurli nen, lok-lok Musa welageikhe eta hurli, watlariogei erlo akhuni tha'bokhogonat inoba obatneat ageikhesik nen, watlarik wagoukha iti. Akhuni aperek at Adam Allah nen asuk wakhikhe wene thagalogo weak hagakhikhe hak, itithogon hagakhidekmaat, watlariogei erlo iti inoba atluk nen, watlarik wagoukhaat. Nen, at Adam hagakhikhe iti, at yabokane wageikhe meke iti witluk ebe hagasigin meke hasik iti tak-tagat hagakhikhe.

Roma 6:10

At Kristus watlageikhe iti, weak hagakharek iti hasik opaki hasigat watlageikhe iti arat o. Yabokane iluk ageikhesik iluk welagarek iti, Allah hasigat iluk welagarek o.

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.

Roma 6:4

Ima usa'inanhe dogolik, at ebe warek thalhukha hak, nit at ninom hunigat werekma warogo 'binanhukha. Nen, at Kristus watlageikhesikmo nen, opase obatneak hogorakharek meke etnogo nen ilugutdisikhe hak, nit yogotak ninilugutninakhikhemo ninobabut ket ninat hagakhe dogouok o.

Ibrani 7:16

At iti, Allah iteerek melageikhesik werek iti, akhuni nen, “Ap inukuloak etaga iti meke meldisegarethekma, iti mekeat hano dogoak,” iluk meldisegarek iti hak, meldisikhemo werek 'buk. Dek o. At hasik wene yigithogon holal waganek werek. Allah nen he, “Ap Melkisedek an iteerek welageikhe iti hak, hat an iteerek motok-motok dogonogoluk meldagagi o,” iluk isikhemo holal waganogo 'bisukha iti hak, at Yesus yabokane watlageidek iluk motok obatneak welagarek iti baga meldisikhemo werek.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

A'bikaka 1:18

niluk motok welagarek, anat o. An nebe arat watlagagi mekeat he, lakhan! Niluk agagisik, niluk motogat dogogin o. Watlageikharek iti inom, watlatluk lageikharekma iti inom, thu kunci an nikimo werek o.