Roma 6:4 - ALLAH ANE WENW KET MEKE WAROGO WOKNINAKHIKHE WENE

⁴ Ima usa'inanhe dogolik, at ebe warek thalhukha hak, nit at ninom hunigat werekma warogo 'binanhukha. Nen, at Kristus watlageikhesikmo nen, opase obatneak hogorakharek meke etnogo nen ilugutdisikhe hak, nit yogotak ninilugutninakhikhemo ninobabut ket ninat hagakhe dogouok o.

Roma 6:4 ပူးပေါင်းရင်းမြစ်များ

Yohanes 11:40

at Yesus nen, men yogokhikhe, “An nen wene yokhekhe dogolik, Hetaiken an noba hakotdegen halok he, Allah hogorakharek meke etnogo ageikhe hagakhunem hileken higinat o, iluk, arat yokhikhidegat? Yokhikhiat o,” iluk yogokhikhemo,

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

La'isasikhe 2:24

Wakhepma, at ebe hinet wakhe dogolik watlaga mekeat, akhuni iniki herle warogo 'bisegarekma welageikharek iti hak, at itithogon warek motok dogosak dek iti nen, iniki herle hisalogo ula'isegarek iti hak, Allah nen ilugutdekhemo iti.

La'isasikhe 2:32

Itithogon isikhe tak-tagat, at Yesus Allah nenat ilugutdekhemo, nit ya tha'bokhogonat ninileken hogosik niniluat welago iti.

Roma 6:19

Hit hinobabut wene yokhisigi iti hutdusak erlok dek hakene nen, hutdubageik nen iluk, akhuni inatuaneke dogolik hagakharek meke inoba lisogo yokhisekhe lagei iti. Hit alebageik, hiniki hinisok hinebe baga welagarek meke aperek inom tha'bokhogonat nen, weak meke atuaneke thalek wogokhik, yugunat hagakhik, hinasuk warek dek yi weak ti weak hagakhik, hagakhe lagagip iti. Iti hagat, yogotak hit hiniki hinisok hinebe baga welagarek meke aperek inom tha'bokhogonat nen, Allah ekaerek hasik 'bisalok mothogon hagakhe dogouogoluk, at wogokhe dogono o.

Roma 6:3

Nit Kristus Yesus ninom hunisuogoluk ima usasugu meke yi re, at ebe watlageikhe hagat, ima usa'inanhunem ninom hunigat watlagagu, iluk hinokodek nogo?

Roma 6:8

“Nit he, Kristus ninom hunigat watlagagu halok, ninom hunigat niniluk dogogun o,” iluk ninetaiken at oba hakokthek welago.

Roma 6:9

At Kristus arat watlageikhesikmo nen Allah nen ilugutdisikhemo nogo nen, yabokane watlasigin dek, iluk ninilu o. Halok he, watlariogei erlo iti nen Yesus ebe yabokane apma ukusak motok dek o.

Roma 7:6

Alebat wene Allah nen ninasuk wakhikhe wene etnogo baga herle warek negen welagagu meke, Kristus watlaga dogolik nit ninomat watlagagu iti baga, Allah nen herle hisalninakhikhemo welago. Yogotak he, Allah atuaneke dogolik, wene at nen ninasuk wakhikhe wene holal waganek meke ninileken anek 'bikhekhe dogolik, hagakhe lagagu iti hak, hagakhe lago dek mekeat he, Allah Agoreke nen ninobabut ket meke hagatninakho korlek, hagakhe lago.

Roma 8:11

At Allah nen, Kristus Yesus watlageikhesikmo ilugutdisikhemo, at Agoreke hinakla dogolik, hinebe itikmanke watlagathep meke yi hiniluguthinabiginat. Iti re, at Agoreke nen Kristus ebe watlageikhesikmo ilugutdisikhe etnogo hinakla welagarek iti nen hiniluguthinabigin o.

1 Korintus 6:14

Allah nen he, ninoe Etagapogot watlageikhesikmo nen ilugutdisikhe hak, at obatne baga, nit ninilugutninabiginat o.

2 Korintus 13:4

At Kristus ebe erlok dek werekma o baga meldiluk wakhukha mekeat he, at Allah obatne baga ilugutdisikhemo ilugat welagarek. Iti hakeneat, nit at ninom hunik dogolik erlok dek welago mekeat he, at Kristus ninom hunik niniluk dogolik nen, Allah obatne baga hit hinobasik hagasisugun o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

Efesus 4:17

An ninoe Etagapogot nipisak hunik dogolik at nen yokhisau hak wene yi hinasuk warogo yokhisak. It akhuni itikmanke meke inobabut hagariogei iti hak, hit hinobabut itithogon hagakhe dogogup o. It iti, we yugunat alomarogo meke oba ebekhe dogolik,

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

Kolose 4:1

Nen, hit it iti inougi koktek meke, hinakla nen he, “Ninoe Etagapogot pogot oba werek o,” iluk hutdiluk hinagarumi hinatuaneke meke iti, yi meke ti meke wogeisausak tak-tagat wogeisekhe dogono.

1 Petrus 3:21

It i baga tilinakhikhe iti tak-tak nit yogotak ima usogorek iti baga tilninakherek o. I baga tilninakherek iti, ima usa'inanhunem, ninoado i iti baga thobalagarek iti baga tilninakherek 'buk. At he, ninetaiken oba nen wene ninoba thelek asuagaluk Allah ayoko 'bisinem, Yesus Kristus watlageikhesik iluk ageikhe iti baga tilninakherek o.

1 Yohanes 2:6

Nen tha nen, “An Allah nipisak hunik welagei,” iluk ekherek halok he, obabut at Kristus hagakhe lageikhe iti hagat, hagakhe dogosak o.