Roma 5:9 - ALLAH ANE WENW KET MEKE WAROGO WOKNINAKHIKHE WENE

⁹ At Kristus amep ulabogo watlageikhe iti baga, wene ninoba meke korogo wokhalok Allah ninom yabokane ninapuke 'binanhikhesik nogo nen, yabokane Allah akla aga ninoba 'bisinem tilninabigin dek nogo? Tilninabiginat o.

Roma 5:9 ပူးပေါင်းရင်းမြစ်များ

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

Roma 1:18

Akhuni nen, Allah ebe inobakhanini here'isalok, inobabut korloat hagakhe dogolik, ebe wene akhuni inilu asinogo iluk thebeliogei iti nen, Allah akla aga dageiluk pogot oba nen thelekmatdisikhe.

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

Roma 5:10

Nit alebageik he, Allah ninom wim palek werekma, yabokane at a'but watlaga dogolik, Allah ninom dapukhogon 'binanhikhemo welago. Itithogon werekma, at ebe iluk dogolik, tilninabigin dek nogo? Alebageik tilninabusak dekma tilninakhikhesik nen, yogotak ninom hunik dogolik, tilninabiginat o.

Roma 8:1

Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

Roma 8:30

Alebat Allah nen ninebe wenakninakhikhe meke, ninayoko 'bisikhe. Itithogon ninayoko 'bisikhe meke, wene ninoba meke korogo wokhasikhesik nen, yabokane ninom ninapuke hunogo 'binanhikhemo welago. Ninebe itithogon hunogo 'binanhikhe meke at ebe hogorakho motok welageikharek meke iti hakene asuagaluk wokninakhikhe.

Efesus 2:13

Alebageik he, hinebe walegat welagagip mekeat he, yogotak, Kristus Yesus hinom hunikhigipmo, at amep ulabogo watlageikhe iti baga, horok ya 'binageikhemo welagap o.

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

Ibrani 9:14

It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.

Ibrani 9:22

Allah nen wene ninasuk wakhikhe meke iti tak-tagat hagakhe dogolik, yi meke ti meke tha'bokhogonat hakene mep oba anek hokharethekma nogo nen, mep ulakhidek halok he, nit akhuni weak hagakhorek meke thagalogo degetdsausak erlok dek iti nen, mep wakhikhe iti o.

1 Yohanes 1:7

Itithogon mekeat he, Allah ebe lia baga welagarek iti hak, nit meneke, lia baga dogolik, hano hagakhe lago halok he, nit-nit nagarlak-hagarlak ninom hunik werekma, nit weak hagakhunem at a'but Yesus amep oba hotninakho motok welagarek o.