Roma 5:5 - ALLAH ANE WENW KET MEKE WAROGO WOKNINAKHIKHE WENE

⁵ Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Roma 5:5 ပူးပေါင်းရင်းမြစ်များ

La'isasikhe 10:45

Itithogon usa'ageikhemo, it akhuni Yahudi meke wene eberogonat iluk waganhukha meke Petrus inom o Yope nen wagoukhasik werekma, Allah nen Agoreke itithogon it inoba usa'i ageikhemo, horlasukhasik, wene it ninat meke inane inokodek meke baga elalinat igik, Allah hogorakhik, hagakhunem, inileken higik, inasuk holhik, hagakhukhasik nen, men isukha, “Allah nen Agoreke it akhuni itikmanke meke erlogat wogeisekhemo higi. Nayuk e,” iluk hogorakhukha. Itithogon hogorakhukhama, at Petrus nen, men yogeisasikhe,

La'isasikhe 2:17

At nen, men isikhe, At Allah nen ekhe dogolik, O ilugun oba an Nagoreke iti, kokhogonat akhuni tha'bokhogonat inoba usa'isigin o. Usa'i agunem, hina'buri elege men, homagarlugi men, it nen an nane akhuni yogeisigik, hinagarumi elege thue negen nen ina'bikaka higik, hinopase lak yaman meke nen ina'bi higik, hagakhe dogogun o.

La'isasikhe 2:33

At ebe Allah nen ilugutdekhesik, alilu kok dogoagaluk meldekhemo werek o. Dogolik, Allah nen, Nagoreke wokhisagein, iluk abok yoknisasikhe hagat Yesus wogokhemo, at nen kokhogonat nit ninoba usa'i agama nen, nti hagakhunem hinileken nisigik, hinasuk holhik, hagakhe lagap iti.

Roma 1:7

Hinebe at ekaerek 'binageiluk hinayoko 'bisikhemo welagap o. Iti nen, an nen wene holal waganogo hinoba la'i aga dogolik, Ninopase Allah men, ninoe Etagapogot Yesus Kristus men, ipisak inobabut hano etnogo nen hano meke wokhisigik, hinetaiken hapugutdinagagik, hagakhe dogoak o iluk, igi o.

Roma 8:28

At Allah akla apalok nit ninayoko 'bisikhemo, nit at ebe ninakmu welago meke, at ninom dogolik, yi meke ti meke hano asuagaluk, hagatnisiliogo nit ninilu.

Roma 9:33

Wene iti hasik Allah nen men isikhe, “Lakhani! An o Sion etoma helekit hakene ageikhe 'bigin o. 'Bumo helekit iti baga akhuni inisok a'bit dikhogon waralok wara laga dogogun o. Mekeat he, inetaiken at oba hakotdugun meke inekarli asugun motok dek o,”

1 Korintus 8:3

Itithogon mekeat he, at ageikhe nen, Allah ebe etaiken hunik halok he, Allah nen ap iti ebe ilu o.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Efesus 1:13

Iti hakeneat, hit nen wene ebe wene, hanotninakherek wene etnogo hinasuk holhigisip, hinetaiken Kristus oba hakotdisigipmo, Allah nen, “Nagoreke wokhisagein,” iluk, abok yoknisasikhe tak-tagat, “It an nekaerek na'buri o,” iluk ilekerlogo Agoreke wokhisasikhe iti o.

Efesus 4:30

Allah nen yabokane hinebe hanothinabigiluk ilekerlogo, at Agoreke wokhisasikhemo hinakla werek iti, akla korlotdugup o.

Filipi 1:20

An nakla nen, wene Kristus hasik u nekarli ageidek yogeisekhe dogosak warlok motok. Halok he, nekarli ageidek yogeisekhe dogogin o, iluk, hutdiluk nakla hano welagei. Hibiku-yogokuat pakhogon yogeisegerek hak, yogotak itithogonat yogeisagalugat welagei. Nebe niluk dogoumo hanoat. Nen, watlasumo hanoat. An itithogon hagatnakho korlek, nebe abirat Kristus hasik hagakhe lagei iti baga, akhuni nen Kristus hogorasuagalugat welagei.

1 Tesalonika 4:8

Wene iti hit aperek nen here'isekhe lagap halok he, nit akhuni ninane meke here'isekhe lagap 'buk. Dek o. Allah nen Agoreke hit wokhisekherek meke etnogo ane mekeat here'isekhe lagap o.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

1 Yohanes 4:19

Ebekeram Allah nen tak akmutninakhikhesikmo re, nit meneke, nit-nit nakmu-hakmurogon dogouok o.