Roma 5:21 - ALLAH ANE WENW KET MEKE WAROGO WOKNINAKHIKHE WENE

²¹ Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

Roma 5:21 ပူးပေါင်းရင်းမြစ်များ

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Roma 4:13

At Allah nen, Abraham men yogokhikhe, “Agat oba o yi ai ti ai tha'bokhogonat nen, hat men, hat nen itago meke men, hinom iteerek asugun o,” iluk abok yogeisasikhe. Itithogon yogeisasikhe iti, wene at nen ninasuk wakhikhe wene etnogo hologo mothogon hagakhe lagoukha baga yogeisasikhe 'buk. Dek o. At etaiken Allah oba hakotdisikhemo, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe iti baga agat abok yogeisasikhe iti.

Roma 5:12

Wene iti men hakene. Ap opakiat meke weak hagakhikhemo, weak erlo at oba nen akhuni tha'bokhogonat weak ninoba ageikhe. Itithogon ninoba ageikhemo, ninebe tha'bokhogonat weak hagarik wagunem, ilugun oba, ninebe tha'bokhogonat watlarik wagorek iti.

Roma 5:14

Wene inoba 'bigidek mekeat, ap Adam welageikhe hurli nen, lok-lok Musa welageikhe eta hurli, watlariogei erlo akhuni tha'bokhogonat inoba obatneat ageikhesik nen, watlarik wagoukha iti. Akhuni aperek at Adam Allah nen asuk wakhikhe wene thagalogo weak hagakhikhe hak, itithogon hagakhidekmaat, watlariogei erlo iti inoba atluk nen, watlarik wagoukhaat. Nen, at Adam hagakhikhe iti, at yabokane wageikhe meke iti witluk ebe hagasigin meke hasik iti tak-tagat hagakhikhe.

Roma 5:17

Ap opakiat nen Allah ane thagalogo weak hagakhikhesik, watlageikhesikmo, watlariogei erlo at oba nen obatne ageikhesik nen, wialageikhe iti o. Itithogon mekeat, Allah obabut hano nen, Yesus Kristus werlegat woknisasikhemo, at ebe opakiat nen, hano hagakhikhe iti anek, kok motok. Itithogon hagakhe dogolik, wene ninoba meke werlegat korogo wokhalok Allah ninom ninapuke hunogo 'binanhikhemo, at ninom hunik niniluk dogolik ninobatnerogo hano dogogun.

Roma 6:12

Ninebe watlagorek meke yi werekma, weak hagakharek meke iti obatne asinogo nen, apma ukiluk dogogup o. Weak hagasuagaluk hinakla kagali aga halok he, weak meke iti ane hinasuk holhup o.

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.

Roma 6:16

Hit nen, ap ageikhe atuaneke atluk nen, ane holek dogouogoluk, apma ukiluk dogolik, at ane holhe lagap halok he, at atuaneke mekeat welago iluk hinokodek nogo? Weak hagakharek meke iti apma ukiluk nen, ilugun oba watlageikharek iti. Mekeat he, at Allah ane holek dogolik, at apma ukilukmo, ilugun oba at nen wene ninoba meke korogo wokhalok at ninom yabokane ninapuke hunogo 'binanherek iti.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

Roma 8:10

Itithogon mekeat he, hit Kristus hinakla werek halok he, hinobabut weak hagakhethep iti nen, hinebe itikmanke yi watlasugun mekeat he, Allah nen wene hinoba meke korogo wokhalok yabokane hinapuke hinom hunogo 'binageikhe iti nen, at Agoreke nen hiniluguthinabigin iti.

Titus 2:11

It tha'bokhogonat nen itithogon hagakhe dogosak iti, Allah obabut hano nen yi akhuni ti akhuni tha'bokhogonat tilinabigiluk iliogo meke iti obabut ekagat thelekmatdisikhemo werek iti nenat o.

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.

1 Petrus 5:10

Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.