Roma 5:20 - ALLAH ANE WENW KET MEKE WAROGO WOKNINAKHIKHE WENE

²⁰ Meke re, at ageikhe weak hagakhikhesik oba Allah ane thagalogo weak hagakharek meke akin asuagaluk, Allah nen wene ninasuk wakhikhe wene yabokane woknisasikhe. Weak hagakharek iti wialarik laga korlegat, Allah obabut hano nen akmutninakherek iti, ebenageik motok kogat ageikhe.

Roma 5:20 ပူးပေါင်းရင်းမြစ်များ

Matius 20:9

Itithogon yogokhikhemo, it yabokane jam 5 baga wagani lagoukha meke emenogo tak wagoukhama, oko uang yabu iniki opakiat hasik hagakhunem wogeisegarek etnogo tak-tagat opakitek opakitek wogeisasikhe.

Matius 9:13

Allah ane ageikhe men isikhe, An Allah nakla nen, akhuni nen inako watnekharek iti na'it o. It akhuni inamurinakhe dogosak itiat warlok o, iluk isikhe wene iti hutdi lani o. An wagagi iti re, akhuni inobabut hano hagakharek meke inayoko 'bigiluk wagagi 'buk. Dek o. Akhuni inobabut weak hagakharek meke iti inayoko 'bigiluk wagagi o,” iluk yogeisasikhe.

Lukas 7:47

Itithogon hagakhe iti nen, an nen hat ageikhe yokhesik o. At he yi nen weak doalegat hagakhe laga mekeat he, at akla nen, Yesus nen thagalogo degetdekhemo, iluk kokhogon akmutnakhe iti baga ekagat hagatlaga o. It akhuni weak herlekha'bugat hagariogei meke, Allah nen thagalogo degetdisinem, herlekha'bugat negen inakmurinakharek o,” iluk yogokhikhesik

Yohanes 10:10

Nen, it ap inilarlurlu waganharek meke wageikharek iti, domba inilarlurlu waganhik, inakhik, inebe motok degetdisigik, hagasuogoluk wageikharek mekeat he, an wagagi iti anek, it akhuni yi meke ti meke doalegat oba hiakhogon welageikharek iti hak, inebe iniluk motok dogoagaluk inilugurinabilukmo nen ebe meke oba hiakhogon dogoagaluk wagagi o.

Yohanes 15:22

An wagagisik, wene tha'bokhogonat iti it yogeisigidek dogolema re, it weak iluk wene inoba 'biluk dogolep dek apigi o. Mekeat he, yogotak, wene yogeisa agei iti nen, it nen, An weak hagakhidek, iluk, wene inoba meke nokorlusak erlok degat aga o.

Roma 4:15

Wene Allah nen ninasuk wakhikhe wene iti baga, Allah akla aga ninoba 'bekherek. Wene ninasuk wakhikhe iti wakhidek dogolepma re, wene thagalogo weak hagariogei, iluk ilep degat o.

Roma 6:1

Iti halok he, nit nen nikithogon ugun. Allah obabut hano iti nen, kokhogon akmutninakhe dogoagaluk, nit nen weak hagakho motok dogosak nogo?

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.