Roma 5:2 - ALLAH ANE WENW KET MEKE WAROGO WOKNINAKHIKHE WENE

² Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Roma 5:2 ပူးပေါင်းရင်းမြစ်များ

Matius 25:21

at oe etnogo nen, Nagot wa! Hat hano motok. Hobabut hupulik hano motok hagakhe laganma higi o. Pererlagat meke re, wokhikhi meke hobabut hupulik hago welagan iti nen, yabokane motok doalegat hago dogonok iluk, meldageiluk wokhesigin o. An hoe nakla arleken akhekhe lagei hak, nipisagat ninakla arleken akhauwok nen, uki me o, iluk yogokhikhe.

Yohanes 10:7

Itithogon hutdigidek werek korlek, yabokane at Yesus nen, men yogeisasikhe, “Wene eberogonat ageikhe yokhisak o. Domba iti inaholagape palekma, an nebeat o.

Yohanes 10:9

Holagape palek, an nebeat o. Tha nen an nebe baga ukekhe halok, irlirli horlageinmo motok hano dogolik, dukhigik-ukigik hagakhe dogolik, oka hano meke anek neke dogogin o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

La'isasikhe 14:27

O Antiokhia lalok, Allah a'buri natogorinakhikhesik nen, men yogeisasukha, “Nit Allah ninom nen yigithogon hagakho, tigithogon hagakho,” iluk wene pilinogo yogeisekhe dogolik men yogeisasukha, “It akhuni itikmanke meke wene iti eberogonat iluk waganuagaluk, Allah nen thu hualdekhemo erlok waganusak werek o,” iluk yogeisasukha.

Roma 11:20

Itithogon mothogon apekhe lagap mekeat he, hinakla ebetni. It inetaiken Allah oba hakotdigidek nen palogo la'isasikhe. Meke re, hit anek he, hinetaiken Allah oba hakotdisigip iti nen wokhinakhikhemo welagap iti. Halok he, hinekaerek nen hogorakhigidek, hinayukhogon dogono

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

Roma 14:4

Ap ageikhe inatuaneke mekeat he, hit nen, wene inoba 'busak a? “At yi weak hagakhe. Hureklatnek,” nen, “At iti hano hagakhe. Metek dogonek,” iluk it inoe kok iti nenat usak o. Meke re, metek dogoagaluk, ninoe Etagapogot nen yogeisausak erlok meke nenat yogeisaumo metek dogogun o.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

Roma 3:23

Nit akhuni tha'bokhogonat haganeat nen weak hagakhorek iti baga, Allah ebe hogorakho motok welageikharek meke iti thogotdisalok ninasokneat walegat asi lagagusik welago.

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Roma 8:1

Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

Roma 8:24

Itithogon hagatninabigin o, iluk ninakla apasinem, Allah nen tilninakhikhemo welago. Meke re, tha hak nen “Yabokane itithogon hagatlasigin,” iluk akla apasi werekma, ebe arat hagatlagunem ileken halok nen, yabokane akla apasiat dogosak nogo? Itithogon aperek welageikharek dek iti nen, nit nen, “Yabokane itithogon hagatlasigin,” iluk apekhe lago meke iti, ebe arat hagatlagunem nen, ninileken hogo halok he, ninakla apasi motogat dogosak dek o.

1 Korintus 15:1

Nagarlak lak nerugi. Yogotak an nen wene ageikhe hinakla ebethisak. An nen hano wene yokhisa agagimo, waganhigisip nen, hinetaiken hano wene iti baga horle agagisip welagap.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

Efesus 6:13

Halok he, weak meke nen weagathinabi agunem wim hinilhaoak a'bet weak metegat dogoluk, arat yabiluk nen metek dogouogoluk, thin ikharek hak, Allah nen yi meke ti meke woknisekherek iti meke itno.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 6:18

Wene hupuk palogo yogeisasikhe iti, nit Allah apma uki ago meke ninakla nen, “Hanotninabigin,” iluk eberek welago meke ninetaiken hapukhogon dogoagaluk nirat abok yoknisasikhe. Abok yoknisigik, hupuk palhik, wene pere isikhe iti, nit nen, Allah ekalat ekherek motok dek, iluk ninetaiken hapukhogon dogoagaluk yoknisasikhe iti.

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.

A'bikaka 21:11

O kota iti, Allah ebe a'bi'bal hogorakharek hagatma, a'bi'bal helekit a'bi'bal horleak oko kogat palharek meke etaga baiduri pandan elokhoken mirliak hano inamukhak hakene meke higi.

A'bikaka 21:23

Nen, o kota etoma Allah a'bi'bal yakhik, Domba Eak etnogo ebe a'bi'bal isagal hakene yakhik, liarogo yakho korlek nogo nen, o mulikin inom, thut inom, yakhe dogosak degat welaga higi.

A'bikaka 21:3

Itithogon higirik oba nen, yabokane nasuk holhi meke, at kok welagarekma obolukmo etnogo nen, at ageikhe ane kokhogon ekhe dogolik, “Lakhani! Allah akhuni inom motok dogogin meke, ai ili lakhani! Itithogon dogolik, it at a'buriat dogogun, nen, at Allah it inopase inetaiken at oba hakotdiluk dogogun mekeat dogolik, inom motok dogogun o.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,