Roma 5:17 - ALLAH ANE WENW KET MEKE WAROGO WOKNINAKHIKHE WENE

¹⁷ Ap opakiat nen Allah ane thagalogo weak hagakhikhesik, watlageikhesikmo, watlariogei erlo at oba nen obatne ageikhesik nen, wialageikhe iti o. Itithogon mekeat, Allah obabut hano nen, Yesus Kristus werlegat woknisasikhemo, at ebe opakiat nen, hano hagakhikhe iti anek, kok motok. Itithogon hagakhe dogolik, wene ninoba meke werlegat korogo wokhalok Allah ninom ninapuke hunogo 'binanhikhemo, at ninom hunik niniluk dogolik ninobatnerogo hano dogogun.

Roma 5:17 ပူးပေါင်းရင်းမြစ်များ

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

Yohanes 10:10

Nen, it ap inilarlurlu waganharek meke wageikharek iti, domba inilarlurlu waganhik, inakhik, inebe motok degetdisigik, hagasuogoluk wageikharek mekeat he, an wagagi iti anek, it akhuni yi meke ti meke doalegat oba hiakhogon welageikharek iti hak, inebe iniluk motok dogoagaluk inilugurinabilukmo nen ebe meke oba hiakhogon dogoagaluk wagagi o.

Roma 5:12

Wene iti men hakene. Ap opakiat meke weak hagakhikhemo, weak erlo at oba nen akhuni tha'bokhogonat weak ninoba ageikhe. Itithogon ninoba ageikhemo, ninebe tha'bokhogonat weak hagarik wagunem, ilugun oba, ninebe tha'bokhogonat watlarik wagorek iti.

Roma 5:15

Itithogon mekeat, ipisak inobabut opakiat 'buk. Ebe Allah obabut hano nen werlegat woknisasikhe meke iti motok kokma re, at Adam Allah ane thagalogo weak hagakhikhe iti ipisak walhaumo re, ipisak tak-tagat dek o. At opakiat nen weak hagakhikhe baga, ilugun oba inebe doalegat watlarik wageikharek. Mekeat he, Allah obabut hano nen Yesus Kristus werlegat woknisasikhemo, ap ebe opakiat meke nen hano hagakhikhe baga, hano erlo akhuni doalegat ninoba wialageikhemo welago.

Roma 5:20

Meke re, at ageikhe weak hagakhikhesik oba Allah ane thagalogo weak hagakharek meke akin asuagaluk, Allah nen wene ninasuk wakhikhe wene yabokane woknisasikhe. Weak hagakharek iti wialarik laga korlegat, Allah obabut hano nen akmutninakherek iti, ebenageik motok kogat ageikhe.

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

1 Korintus 15:49

Nit yogotak at Allah nen Adam ebe agat abubuleke meke baga winametdisikhe meke iti ninom tak-tak welago hak, yabokane at pogot oba meke iti ninom tak-tagat dogogun o.

1 Korintus 4:8

Hit yi meke ti meke arat horlegep higi. Arat kok akhegep higi. Nit kepu werek korlek, hit anek he, hinetagapogot arat akhegep higi. Hit itithogon hinetagapogot atlepma, nit ninomat ninetagapogot dogolo o. Mekeat he, dek o.

1 Timotius 1:14

Iti, at ninoe Etagapogot Kristus Yesus obabut hano nen kokhogon akmutnakhikhesik, nobabut at inom hunik dogolik hagakharek hagat, netaiken at oba hakotdigik, akhuni aperek nakmurinakhik, kokhogonat hagakhe dogoagaluk, nebe woknakhikhe iti o.

2 Timotius 2:12

Nit ninobakhanini hapugutdiluk dogogun halok he, akhuni at apma ukiluk dogogun meke iti, nit ninom nenat hagasik dogogun o. Nit nen he, “Yesus ninoe dek o,” iluk, at ebe motok here'isogo halok, at nen he, “It an nagarumi degat o,” iluk, heredinaniginat o.

Yakobus 2:5

Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.

1 Petrus 2:9

Meke re, hit anek he, “At Allah nen hano hagatninabiogo,” iluk abok yogeisilik loagaluk, hinebe o mummo werekma, at ebe elalinat lia motok welagarek oba wisuagaluk hinayoko 'bisikhesik, hti at a'buri asuagaluk wenakhinakhik, at ebe iteerek koktek dogoagaluk meldinagagik, hinukuloak etaga at ekaerek ukuloak etaga meke thalogo 'binagagik, “Nekaerek na'buri,” iluk hinebe wokhinakhik, hagakhikhe iti.

A'bikaka 1:6

Itithogon hisalninakhikhesik nen, nit at opase hasik hagakhe dogoagaluk, ninebe koktek Allah iteerek meldinanhikhemo welago. Itithogon meldinanhikhemo dogolik, ninakla nen he, “At Yesus Kristus iti, obatne apik werek,” iluk nit at ebe hogorakho motok motok dogouok o, iluk, u hak, “Amin,” igi iti o.

A'bikaka 20:4

Itithogon higirik oba nen yabokane, ap koktek inobolukmo doalegat werekma etoma inebe doalegat kok dogolik, akhuni aperek inapma 'bisalok hagasik dogolik ukum inoba 'bigik, kokhik, hagakhe dogoagaluk iteerek 'bisegama hisigi. Nen, ageikhe higiat. It akhuni helo yeke hakene kok meke etnogo inom, akaneke at ebe hakene alino hagarek etnogo inom, hogorinakhidek etaga thalek holal waganek etnogo inetai ekerlogo inilhaoak oba a? Iniki baga a, waganhidek here'isalok, Yesus hagakhe lageikhe meke yogeisilik nekharek hasik inom, Allah ane hasik inom, inarlokop ade 'bogokhogon palogo inakhukha meke emenogo arat inapuke inilugurinabiluk, meldisekhesik nen welageikha hisigi. Nen, it at Kristus inom akhuni aperek inapma 'bisalok hagasik, mulikin dageigik usigik hagakhe korlek, 1.000 tahun welageikha hisigi.

A'bikaka 20:6

It akhuni alebageik watlagoukha meke yabokane warek motok dogoagaluk ukum inoba 'biluk inasumo watlasugun. Mekeat he, it aperek alebageik inapuke inilugurinabiluk nen, inebe Allah hasik 'bisagein meke iti anek he, inakla arleken motok akhagun o. It iti yabokane watlageidek dogolik, inebe Allah inom, Kristus inom, ipisak iteerek atluk, o mo dageigik, usigik, hagakhe korlek, 1.000 tahun oba, it Kristus inom akhuni inapma 'bisalok hagasik dogogun hisigi.

A'bikaka 22:5

Nen, Allah ebe a'bi'bal it inebe liarinakhe korlek nogo nen, o hibako degat, nen isagal inom, mulikin inom, yakhe dogosak degat, werek korlek, it koktek inetagapogot dogolik, akhuni aperek inapma 'bisalok hagasik motok-motok dogogun hisigi o.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,