Roma 5:12 - ALLAH ANE WENW KET MEKE WAROGO WOKNINAKHIKHE WENE

¹² Wene iti men hakene. Ap opakiat meke weak hagakhikhemo, weak erlo at oba nen akhuni tha'bokhogonat weak ninoba ageikhe. Itithogon ninoba ageikhemo, ninebe tha'bokhogonat weak hagarik wagunem, ilugun oba, ninebe tha'bokhogonat watlarik wagorek iti.

Roma 5:12 ပူးပေါင်းရင်းမြစ်များ

Roma 3:23

Nit akhuni tha'bokhogonat haganeat nen weak hagakhorek iti baga, Allah ebe hogorakho motok welageikharek meke iti thogotdisalok ninasokneat walegat asi lagagusik welago.

Roma 5:18

Wene igi iti, men igi apigi. Ap ageikhe nen Allah ane thagalogo weak opaki hasik hagakhikhe baga, ilugun oba akhuni tha'bokhogonat wene inoba 'biluk weagatdisasikhe iti hak, ap ageikhe nen Allah ane hologo mot opaki hasik hagakhikhe baga, wene akhuni tha'bokhogonat inoba meke korogo wokhigik, inilugurinakhik, hagakhikhe.

Roma 5:19

Ap opakiat nen Allah ane hologo hagakhidek weak hagakhikhe iti baga, akhuni inebe doalegat weak hagarik wageikharek iti hak, ap opakiat nen, Allah ane hologo hagakhikhe iti baga, akhuni ninebe doalegat wene ninoba meke korogo wokhasikhemo Allah akla warlok meke hagakhe dogogun iti.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

Roma 6:21

Meke re, itithogon hagakhe lagagip iti hasik, nena meke thaburasigip nogo? Alebat hagakhe lagagip meke iti hasik, yogotak hinekarli ariogo iti. Itithogon hagakhe dogoluk nen, ilugun oba inebe motok watlageikharek itiat o.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

1 Korintus 15:56

Watlageikharek meke erlo aik nen li'bilninakherek iti ebe, nit weak hagakhorek iti baga aik nen li'bilninakhunem watlagorek itiat o. Nen, weak hagakhorek meke obatne ageikhe iti ebe, wene Allah nen ninasuk wakhikhe iti baga obatne ageikhe o.

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

Yakobus 1:15

Yabokane ninakla nen yi meke ti meke warlok weak apogorek meke iti, humi nen ineagei itaginakharek hak, ninakla aga halok, eak itago weak hagakhorek iti. Nen, weak hagakhorek meke iti horle aga halok he, eak itago ninebe watlagorek iti.

Yakobus 3:2

Nit akhuni tha'bokhogonat hano hagakhe lago thalek yi meke ti meke hasik, weagat hagakhorek iti. Mekeat he, tha nen ane baga nen wene weak meke ageikhe igidek hanorogo anek ekherek haok he, iki isok ebe tha'bokhogonat dopokhogon herogo dogolik etaiken 'bogokhogon horleat werek o.