Roma 5:11 - ALLAH ANE WENW KET MEKE WAROGO WOKNINAKHIKHE WENE

¹¹ Meke re, iti anek 'buk. Ninoe Etagapogot Yesus Kristus hagakhikhe iti baga, Allah ninom yabokane ninapuke hunogo 'binanhikhemo ninom dapukhogon hano welago iti nen, ninakla arleken akhekhe lago.

Roma 5:11 ပူးပေါင်းရင်းမြစ်များ

Lukas 1:46

Itithogon yogokhikhemo, at horlak Maria nen, “Nopase Etagapogot iti an nakla nen hogorakhe lagei o.

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Roma 11:15

Allah nen, it akhuni Israel meke inebe here'isasikhe iti baga, yi akhuni ti akhuni tha'bokhogonat eloma Allah inom dapulinakhikhe iti. Yabokane it woginakhunem nen nikitlasigin. Akhuni warek meke inilugurinabu hak woginabigin iti.

Roma 2:17

Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

Roma 5:10

Nit alebageik he, Allah ninom wim palek werekma, yabokane at a'but watlaga dogolik, Allah ninom dapukhogon 'binanhikhemo welago. Itithogon werekma, at ebe iluk dogolik, tilninabigin dek nogo? Alebageik tilninabusak dekma tilninakhikhesik nen, yogotak ninom hunik dogolik, tilninabiginat o.

Roma 5:3

Iti hasik anek ninakla arleken akhekhe lago 'buk. Yi aik ti aik hogorek iti baga, ninetaiken horle agarek iti nen itithogon weagatninakhe korlek, ninakla arleken akhekhe lagoat o.

Roma 8:23

Pogot agat yi meke ti meke iti anek hinet wakhe dogolik, inetaiken ane iliogei 'buk. Allah nen, “Hinebe an na'buri. Arat wokhinakhi o,” iluk ninebe ninetaiken ninoado tha'bokhogonat hanotninabigin meke aban dogolik, hipiri yukuk alebageik meke itakharek hak, at Agoreke alebageik woknisasikhe mekeat, ebe yabokane hagatninabigin meke iti therogo dogolik, hinet wakhe dogolik ninetaiken ane ekhe lago.

Roma 9:10

Meke re, wene iti anek 'buk. At he Ribka eagei inopase Ishak ninopa opakiat iti nen ap inebe pere itaginakhikhe.

1 Korintus 10:16

Apusu neke dogolik, Allah heagei warogo neke lago iti, Kristus amep ulabogo wakhukha iti ninom hunik welago iluk neke lago dek a? Nen, hipiri kusogo neke lago iti, Kristus ebe ninom hunik dogolik ninebe opakiat welago, iluk, kusogo neke lago dek a?

2 Korintus 8:19

Iti anek 'buk. It Allah a'buri nen it iti yomageisauwogoluk 'bisega meke iti, at iti ninom nen natogorlogo 'biluk wogeisa loagaluk meldegaat o. Itithogon wogeisa lagunem, ninoe Etagapogot hogorakhe dogolik, “It Paulus lak inobabut he, it aperek yomageisausak erlok werek,” iluk ekagat asigin iti.

Galatia 4:9

Meke re, an nen, “At Allah hinebe ilu welagarek,” iluk uem, “Hit yogotak nen Allah ebe hinilu agap,” iluk igi iti. Halok he, hit hinekaerek nen mokat obabut weak obatne dek meke, ikimo dek meke, iti oba yabokane suguluk hinapuke apma ukuogoluk hagakhe lagap iti, nenaluk.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Filipi 3:1

Nagarlak lak nerugi. Wene ilugun oba yokhisak nen ninoe Etagapogot hinom hunik dogolik, hinakla arleken akhekhe dogono, iluk igi iti o. It aperek nen weagathinakhidek hinebe hano dogobageik iluk, wene alep holal waganogo la'i agei mekeat, nape ale ageidegat yabokane nane dagakhogon yokhisageinat o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Filipi 4:4

Halok he, nagarlak lak nerugi. Hit ninoe Etagapogot hinom hunik dogolik, hibiku-yogokuat hinakla arleken akhasi motok dogono. Yabokane nane ageikhe dagakhogon yokhisagat, Hinakla arleken akhasi motogat dogono.

Kolose 2:6

Hit nen he, “Kristus Yesus ninoe Etagapogot o,” iluk ebe horlasigip iti nen, hinom hunik motok dogono o. Itithogon dogolik, hinobabut wene yakulhisasukha tak-tagat,

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.