Roma 4:9 - ALLAH ANE WENW KET MEKE WAROGO WOKNINAKHIKHE WENE

⁹ “Inakla arleken akhoak o,” iluk isikhe iti nen, it akhuni inoado aperlagap meke palek meke inobasik anek isikhe a? At he, it inoado aperlagap palek dek meke hasik inomat isikhe a. Alebageik wene men ogo apigi, Abraham etaiken Allah oba hakotdisikhemo re, at nen, “Hat hobabut mothogon hagakhe dogou hak, hetaiken noba hakotdegenma, wene hoba meke korogo wokhigirik, hapuke nipisak hunogo 'bagagi itiat o,” iluk yogokhikhe.

Roma 4:9 ပူးပေါင်းရင်းမြစ်များ

Roma 4:10

Itithogon yogokhikhe iti, at Abraham ebe nikithogon werekma. At oado aperlagap meke palek oba a? Palek dek oba a. Iti re, oado aperlagap meke palek oba 'buk. Aban palek dek obaat o.

Roma 4:3

Allah ane holal waganogo 'bisukha iti baga nikithogon isukha nogo? Men isukha dek nogo? Abraham etaiken Allah oba hakotdisikhemo re, at Allah nen, “Hat hobabut mothogon hagakhe dogou hak, hetaiken noba hakotdegenma, wene hoba meke korogo wokhigirik, hapuke nipisak hunogo 'bagagi itiat o,” iluk isikhemo, holal waganogo 'bisukha.

Galatia 3:14

At Allah nen Abraham hanotdisikhe hak, yi akhuni ti akhuni tha'bokhogonat Kristus Yesus inom hunekhunem hanorinabuagaluk, Yesus watlageikhe iti. At itithogon watlageikhesik oba nen, Allah Agoreke wokhisagein iluk abok tak yoknisasikhe etnogo, ninetaiken at oba hakotdisinem woknisekherek iti.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.