Roma 4:18 - ALLAH ANE WENW KET MEKE WAROGO WOKNINAKHIKHE WENE

¹⁸ At Abraham nen, “An nen itago meke itithogon hagatlasugun,” iluk akla apausak motok dekmaat nen, “Eberogonat hagatlasigin,” iluk etaiken Allah oba hakotdiluk motok hagakhe lageikhe iti baga, Allah nen, “Hat nen itago meke motok doalegat yigithogon asugun o,” iluk abok yogokhikhe tak-tagat, yi akhuni ti akhuni inukuloak etaga doalegat inopase Abraham at ageikhe iti.

Roma 4:18 ပူးပေါင်းရင်းမြစ်များ

Lukas 1:18

Itithogon yogokhikhemo, at Zakharia nen, malaikat men yogokhikhe, “An nage nipisak arat ninarloka agosikmo, wene egen iti nikithogon hagatlasigin. Eberogonat hagatlasigin iluk nikithogon nilu asigin,” iluk isikhemo

La'isasikhe 27:25

Halok he, nagarlak lak. Allah nen yoknekhe iti hagat, eberogonat hagatlasigin iluk, netaiken at oba hakotdiluk welagei iti nen, hit hinetaiken hapukhogon dogono o.

Roma 4:17

Wene iti hasik Allah nen Abraham men yogokhikhe, “Yi akhuni ti akhuni inukuloak etaga doalegat inopase re, hat meldagagi o,” iluk yogokhikhemo holal waganogo 'bisukha. Itithogon yogokhikhemo at Abraham akla nen, “At Allah akhuni warek meke inilugurinakhik, nen, yi meke ti meke dek meke ane baga weregetdigik, hagakherek meke nen abok yoknekhe iti eberogonat yoknekhe o,” iluk etaiken oba hakotdisikhe iti.

Roma 4:19

Ap Abraham ekaerek nen, “An nebe 100 tahun hakene welagarikmo, nobatne dek agasik, na'buri itaginabusak motok erlok dek agei. Nen, nage Sara ebe re, motok abirliat,” iluk ilu welageikhe mekeat he, etaiken Allah oba hakotdisikhe meke iti, akla puk ageidek hakokthek motogat welageikhe.

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Roma 8:24

Itithogon hagatninabigin o, iluk ninakla apasinem, Allah nen tilninakhikhemo welago. Meke re, tha hak nen “Yabokane itithogon hagatlasigin,” iluk akla apasi werekma, ebe arat hagatlagunem ileken halok nen, yabokane akla apasiat dogosak nogo? Itithogon aperek welageikharek dek iti nen, nit nen, “Yabokane itithogon hagatlasigin,” iluk apekhe lago meke iti, ebe arat hagatlagunem nen, ninileken hogo halok he, ninakla apasi motogat dogosak dek o.

Ibrani 6:19

At nen he, “Hanothinabigin,” iluk isikhe iti dek asigin dek o. “Ebeat asigin,” iluk apekhe lago meke iti, ku thoat agatma a'bethogon usa'iluk welageikharek iti hak, ninetaiken pogot oba o akla itikmoke kakok palek Allah werekma etoma hunetdiluk hapukhogon dogouok o.