Roma 4:14 - ALLAH ANE WENW KET MEKE WAROGO WOKNINAKHIKHE WENE

¹⁴ Akhuni wene Allah nen ninasuk wakhikhe wene iti inasuk hologo mothogon hagakharek meke anek Allah nen abok isikhe meke iti iteerek aga dogolepma re, ninetaiken Allah baga we turlemat hakotdekhe dogolo. Nen, abok yogeisasikhe meke iti dek atlebat o.

Roma 4:14 ပူးပေါင်းရင်းမြစ်များ

Roma 3:31

Halok he, ninetaiken at oba hakotdekhe dogolik, wene Allah nen ninasuk wakhikhe wene etnogo thebelhe lago a? Dek o. At ane itiat obatnetdekhe lago.

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

1 Korintus 1:13

At Kristus iti ebe mikirlogo asokhotek hagatlagama nen a? E a, at he, hit hasik an Paulus nebe o baga meldaniluk nakhukhama nen a? E a, at he, an Paulus netaga palogo nen ima usa'inagasukhama nen a?

Galatia 2:21

Allah obabut hano nen hanotninakherek wene iti an nen thagalogo here'isegerek dek. Wene Allah nen ninasuk wakhikhe wene etnogo baga, wene ninoba meke korogo wokhalok ninom ninapuke hunogo 'binanilepma re, Kristus watlageikhe iti yugunat alomarogo watlatlep o.

Galatia 5:4

Hit aperek nen, “Wene Allah nen ninasuk wakhikhe wene iti baga hakotdiluk, at nen, wene ninoba meke korogo wokhalok, ninom yabokane ninapuke hunogo 'binanuak,” iluk hagakhe lagap halok he, Kristus hinom hek egesip nen, at Allah obabut hano nen woknisekherek meke etnogo here'isalok dukhegep iti.

Ibrani 7:28

Alep wene Allah nen ninasuk wakhikhe meke iti baga, ap erlok dek meke, Allah iteerek meldisekhe lagoukha mekeat he, yabokane Allah nen etaga hupuk palhikhe iti baga, at ebe a'but nit tilninakherek meke hano 'bogokhogon meldisikhemo at iteerek kok motok werek iti o.